OO MEYO ACHIMOOWIN ST JOHN 9
9
PISKE̔TUSSINA̔HIKUN IX.
1Ākose mākwach Jesus ā utte pimoo̔tāt, wapumāo napāwa āka ā wapeyit oo ne̔tawekewineyee̔k o̔che. 2Ākose oo kiskino̔humowakuna kukwāchimik, omisse, Ookemaw, owāna ka̔ muche̔tit, owa napāo, a̔po oo nekehikwa, ka ke̔ āka wapit ā ne̔tawekit? 3Jesus omisse itāo, Numoweya owa napāo ke̔ muche̔tew, a̔po, oo nekehikwa: maka oot utooskāwina Muneto kitta ke̔ nookoo̔tanewu̔kee weya o̔che. 4Ne ga totumwan oot utooskāwina una ka ke̔ pā isitissa̔hoot, ā āskwa kesikāk: tipiskaw kitta ooche̔chepuyew, itta āka oweyuk kā ke̔ utooskāt. 5Eyekoo̔k ota uskee̔k ā ayayan, Neya wastāo uske o̔che. 6Ispe oma ka̔ itwāt, si̔koo moostuskumik, menā ose̔taw waputoonisk si̔koowin o̔che, ākose siswapināo oo’ skesikooyee̔k āka ka wapeyit napāwa unima waputoonisk o̔che. 7Ākose omisse ātat, Neyá, nutowe kissepākee wanepāya̔k Siloam (petoose keswāwini̔k, isitissa̔hookoowin ka itumee̔k.) Sipwā̔tāo maka, mena keseepākeew, ākose ā pā itoo̔tāt wapew.
8Oo weetuppimakunewawa maka, mena unekee kuya̔tā ka ke̔ wapumatchik āka ā wapeyit, itwāwuk, Nummayāo na owa ka ke̔ uppit mena ka ke̔ pukoosehewāt. 9Atee̔t omidde itwāwuk, Āwuko owa: kotukuk omisse itwāwuk, Nuspitowāo: maka weya omisse itwao, Neya āwuko. 10Āwuk’ o̔che maka itāwuk, Tanse ka̔ isse paske̔tānakunewu̔kee ke’ skesikwa? 11Nuskwāwusehāo mena omisse itwāo, Pāuk napāo Jesus ā isseni̔kasoot ke̔ ose̔taw waputoonisk, ākose ke̔ siswa̔hum ne’ skesikwa, mena omisse ne ke̔ itik, Neyá itoo̔tā wanepāya̔k Siloam, ākose keseepākee: ākose ne ke̔ itoo̔tan mena ne ke̔ keseepākeen ākose ne ke̔ o̔tinān wapewin. 12Ākose omisse itāwuk, Tanewa? Omisse itwāo, numoweya ne kiskāye̔tān.
13Pātoowāwuk Phariseewa unehee kuya̔tā āka ka ke̔ wapeyit. 14Mena mākwach ā ayumchāwe kesikayik ispe Jesus ka ke̔ ose̔tat waputoonisk, ākose ka ke̔ paske̔tānumowat oo’ skesikooyewa. 15Ākose mena Phariseewuk kukwāchimāwuk tanse ka̔ isse o̔tinu̔k oo wapewin. Omisse itāo, Ke̔ ustaw waputoonisk ne’ skesikoo̔k, ākose ne ke̔ keseepākeen, ākose ne wapin. 16Atee̔t maka Phariseewuk omisse itwāwuk, Owa napāo numoweya Munetoo̔k o̔cheew, chikāma numoweya kunowāye̔tum ayumehāwe kesikaw. Kotukuk omisse itwāwuk, Tanse kā ke̔ isse kuske̔tat napāo ā muchatissit kitta ke̔ totu̔k ākotoowe mamuskache utooskāwina? Ākose pa̔petoos itāye̔tumwuk. 17Ākose omisse mena itāwuk unehee āka ka ke̔ wapeyit, Tanse keya ātut, ka ke̔ paske̔tānu̔k ke’ skesikwa? Omisse itwāo, Ookiskewāhikāwew. 18Maka Jewuk numoweya ke̔ tapwā̔tumwuk ka ke̔ itimee̔t, āka ka ke̔ wapeyit, mena ka ke̔ o̔tinumeyit oo wapewineyew, patima eyekoo̔k ka̔ nutoomatchik oo nekehikooyewa unehee ka ke̔ o̔tinumeyit oo wapewineyew. 19Ākose kukwāchimāwuk, omisse, Āwawa ke koosisewaw, ka itayāk āka ka ke̔ wapewe ne̔tawekit? tanse maka ākwa ā ’se wapit? 20Oo nekehikwa nuskwāwusehāyewa mena omisse itwāyewa, Ne kiskāye̔tānan āwuko owa ne koosisenan, mena ā ke̔ āka wapit nā̔tawekit: 21Kākwi maka unoo̔ch ka o̔che wapu̔tumat, numoweya ne kiskāye̔tānan; a̔po owāyewa ka̔ paske̔tānumeyit oo’ skesikwa numoweya ne kiskāye̔tānan: tipepipoonāo; kukwāchimee̔k: weya kitta peekiskwāstumasoo. 22Ohoo ayumewina ke̔ itwāyewa oo nekehikwa, chikāma ā koostatchik Jewa: weya assi Jewuk ā ke̔ itussoowātchik, keespin oweyuk itwātche ā Christeweyit āwukwune, ayumehāwekumikoo̔k kitta o̔che usānimee̔t. 23Āwuk’ o̔che wā̔che ke̔ itwāyit oo nekehikwa, Tipepipoonāo; kukwāchimee̔k. 24Ākose mena nutoomāwuk unehee napāwa āka ka ke̔ wapeyit, mena omi̔sse itāwuk, Meey Muneto mume̔chimikoowin: ne kiskāye̔tānan owa napāo ā muchatissit. 25Nuskwāwusehāo mena omisse itwāo, Keespin māche̔tiskwā a̔po numma, numoweya ne kiskāye̔tān: pāuk kākwi ne kiskāye̔tān, unima, āka ā ke̔ wapeyan, ākwa ā wapeyan. 26Ākose omisse mena itāwuk, Kākwan ka̔ totask? tanse ka̔ isse paske̔tānu̔k ke’ skesikwa? 27Omisse isse nuskwāwusehāo, sassi ke ke̔ we̔tumatinawaw, ākose numoweya ke ke̔ pā̔tānawaw: tanā̔kā ke we̔ pā̔tānawaw mena? keyawaw na mena ke ga ookiskino̔humowakunimimikoowaw? 28Ākose ke̔kamāwuk, mena omisse itāwuk, Keya k’ ookiskino̔humowakunimimik; maka neyanan Moses ne kiskino̔humowakunimimikoonan. 29Ne kiskāye̔tānan Muneto ā ke̔ ayumehat Mosesa: owa maka napāo, numoweya ne kiskāye̔tānan ittā wā̔cheet. 30Una napāo nuskwāwusehāo mena omisse itāo, Tapwā oma mamuskache kākwi āka ka kiskāye̔tumāk ittā wā̔cheet, āyewā̔k maka ā ke̔ paske̔tānu̔k ne’ skesikwa. 31Ke kiskāye̔tānow maka Muneto āka ā nutoo̔towat oomuchatissewa: maka keespin oweyuk ne̔ta putuppeestowāo Munetoowa, mena totumwatche oot itāye̔tumoowineyew, āwukwune nātoo̔towat. 32Uspinā uske ka ke̔ machepuyik numma we̔kach o̔che pā̔takwun oweyuk kitta ke̔ paske̔tānumwat oo’ skesikooyewa oweya āka ā wapewe ne̔tawekeyit. 33Keespin owa napāo āka Munetoo̔k o̔che o̔cheet, numoweya kākwi oo ga kuske̔ta̔ kitta totu̔k.
34Nuskwāwusehāwuk mena omisse itāwuk, Māmo̔che muche̔tewini̔k keya ke ke̔ ne̔tawekin, ke ga kiskino̔humowinan na maka? Ākose wuyoweewāpināwuk.
35Jesus pā̔tum ā ke̔ wuyoweewāpinayit; ākose ispe ka̔ miskowat, omisse itāo, Ke na tapwā̔towaw Munetoowe‐Koosisan? 36Peekiskwāo mena omisse itwāo, Owāna una, Tāpāye̔chekāyun, kitta ke̔ tapwā̔towuk? 37Ākose Jesus omisse itāo, Ke ke̔ wapumaw, mena āwuko una ka weche peekiskwāmisk. 38Ākose omisse itwāo, Tāpāye̔chekāyun, ne tapwā̔tān. Ākose putuppeestowāo.
39Ākose Jesus omisse itwāo, Ooyussoowāwin ka ke̔ pā o̔che itoo̔tāyan ota uskee̔k, unekee āka ka wapitchik kitta ke̔ wapitchik; mena unekee ka wapitchik kitta ke̔ āka wapehee̔tchik. 40Ākose atee̔t Phariseewa ka ke̔ wechāwikoot pā̔tumeyewa ohoo ayumewina, mena omisse itik, Neyanan na ussitche numoweya ne wapinan? 41Jesus omissa itāo, Keespin āka wapeyāk, numoweya muche̔tewin ke ga aya̔tawaw: maka ākwa ket itwanawaw, Ne wapinan; āwuk’ o̔che kāyapitch e̔tukwun ke muche̔tewinewaw.
હાલમાં પસંદ કરેલ:
OO MEYO ACHIMOOWIN ST JOHN 9: CSW
Highlight
શેર કરો
નકલ કરો
Want to have your highlights saved across all your devices? Sign up or sign in
First published by the British and Foreign Bible Society 1876-1877.
