OO MEYO ACHIMOOWIN ST JOHN 10
10
PISKE̔TUSSINA̔HIKUN X.
1Tapwā, tapwā, k’ ititinawaw, Una āka ka pee̔tokwāt iskwa̔tāmi̔k o̔che pee̔che mayutchi̔kookumikoo̔k, maka ka koospa̔toweet petoos ittā o̔che, āwuko kimootiskew mena muska̔twāskew. 2Maka una ka pee̔tokwāt iskwa̔tāmi̔k o̔che āwuko kunowemayutchi̔kwāo mayutchi̔kwa o̔che. 3Āwukwune ookunowiskwa̔towāo paske̔tānumowāo; mena mayutchi̔kwa nutoo̔tak: mena nutoomāo weya kā̔chewak oo mayutchi̔kooma oo we̔yoowineyewa o̔che, ākose wuyowee̔tahāo. 4Mena ispe wuyowee̔tahatche̔ kā̔chewak weya oo mayutchi̔kooma, nekanoo̔towāo, ākose mayutchi̔kwa pimitissa̔hook: chikāma nisseto̔tak. 5Maka ā petoosisseyit numoweya kitta pimitissa̔wāwuk, maka kitta oosimoostowāwuk: weya āka ā nisseto̔towatchik petoos oweya. 6Oma uspa̔hakāmoowin ke̔ itāo Jesus: maka numoweya ke̔ nisseto̔tumwuk kāko kākwia unehee ka ke̔ ayimootumowat. 7Ākose Jesus omisse itāo mena, Tapwā, tapwā, k’ ititinawaw, Neya iskwa̔tām mayutchi̔kwuk o̔che. 8Ka̔keyow unekee ka ke̔ nekanoo̔towitchik kimootiskewuk mena muska̔twāskewuk: maka mayutchi̔kwa numoweya ke̔ o̔che nutoo̔takwuk. 9Neya iskwa̔tām: keespin neya o̔che oweyuk pee̔tokwātche, kitta pimachehaw, mena kitta pee̔tokwāo mena kitta wuyoweew, ākose kitta miskum mechesoowin. 10Ookimootiskew numoweya pā itoo̔tāo, piko wa̔ kimootitche, mena wa̔ nippa̔takātche, mena wa̔ nissewunachehewātche: Ne pā itoo̔tan kitta ke̔ ayatchik pimatissewin, mena kitta ke̔ ayatchik owusimā peesakwuyuk. 11Neya meyo kunowemayutchi̔kwāo: meyo kunowemayutchi̔kwāo mākew oo pimatissewin mayutchi̔kwa o̔che. 12Maka una ka utooskāyakunewit, āka ka kunowemayutchi̔kwāwit, āka ka oot ayanit mayutchi̔kwa, ā wapumat ma̔he̔kuna ā pā itoo̔tāyit, ākose nākutat mayutchi̔kwa, mena ā oosimoot: ākose ma̔he̔kun wātee̔tinat, mena ā wususwātissa̔wat mayutchi̔kwa. 13Ka utooskāyakunewit tupusseew, chikāma ā utooskāyakunewit, mena āka ā kunupāyimat mayutchi̔kwa. 14Neya meyo kunowemayutchi̔kwāo, mena ne kiskāyimawuk ne mayutchi̔koomuk, mena ne kiskāyimikwuk net ayanuk. 15O̔tawemaw ka isse kiskāyimit, ākose neesta āsse kiskāyimuk O̔tawemaw: mena ne pukitinān ne pimatissewin mayutchi̔kwuk o̔che. 16Mena kotukuk mayutchi̔kwuk net ayawawuk, āka ota mayutchi̔kookumikoo̔k ā wechehewātchik: āwukwunik mena ne ga pāsewawuk, ākose ne ga pā̔takwuk; ākose kitta pāukwun mayutchi̔kookumik, mena pāuk kunowemayutchi̔kwāo. 17Āwuk’ o̔che n’ O̔tawe wā̔che sakehit, chikāma ne pukitinān ne pimatissewin, kitta ke̔ otinuman mena. 18Numoweya oweyuk ne muskumik, maka ne pukitinān neya kā̔chewak. Net ayan soo̔katissewin kitta pukitinuman, mena net ayan soo̔katissewin kitta otinuman mena. Oma ooyussoowāwin ne ke̔ o̔tinān n’ O̔tawe o̔che.
19Āwuk’ o̔che maka mena pa̔petoos ke̔ itwāwuk Jewuk ohoo ayumewina o̔che. 20Mena me̔chāt omisse ke̔ itwāwuk, Ayawāo muche a̔cha̔kwa, mena numma kiskissew; tanā̔kā wā̔che nutoo̔towāk? 21Kotukuk omisse itwāwuk, Ohoo numoweya oot ayumewina oweyuk muche a̔cha̔kwa ā ayawat. Muche a̔cha̔k na kitta ke̔ kuske̔taw kitta paske̔tānumwat oo’ skesikooyewa oweya āka ā wapeyit?
22Ākose ākota Jerusalemi̔k mākwach we̔ko̔toowin e̔tukwun dedication ka itumee̔k, mena pipoonopun. 23Ākose Jesus pimoo̔tāo ayumehāwekumikoo̔k pee̔che Solomon oo piske̔tayewini̔k. 24Ākose pā waskaskak Jewa, mena omisse itik, Taneyekoo̔k kinwās kā kweetowāye̔tumoo̔heya̔k? Keespin ke Christewin, we̔tumowinan metoone. 25Jesus omisse itāo, ke ke̔ we̔tumatinawaw, ākose numoweya ke ke̔ tapwā̔tānawaw: unehee utooskāwina ka totuman n’ O̔tawe oo we̔yoowini̔k isse, net achimikoon. 26Maka numoweya ke tapwā̔tānawaw, chikāma numoweya ne mayutchi̔koomi̔k ke wechehewanawaw, ka ke̔ isse ititukook. 27Ne mayutchi̔koomuk ne pā̔takwuk, mena ne kiskāyimawuk, mena ne pimitissa̔hookwuk: 28Mena ne meeyawuk kakekā pimatissewin; mena numoweya we̔kach kitta nissewunatissewuk, mena numoweya oweyuk ne’ chee̔chee̔k kitta o̔che otināo. 29N’ O̔tawe, ka ke̔ meeyit, owusimā kistāye̔takoosew ispee̔ch ka̔keyow; mena numoweya oweyuk kitta kuske̔taw kitta otinat oo’ chee̔cheeyee̔k o̔che n’ O̔taweya. 30Neya mena n’ O̔tawe ne pāukoonan.
31Ākose Jewuk mena otināwuk ussineeä ā we̔ pimwussina̔hatchik. 32Jesus omisse itāo, Me̔chāt meyo utooskāwina ke ke̔ wapu̔teyitinawaw n’ O̔tawe o̔che; tananima ohoo utooskāwina o̔che ka we̔ pimwussina̔heyāk? 33Jewuk nuskwāwusehāwuk, omisse, Numoweya meyo utooskāwin o̔che ka we̔ pimwussina̔hita̔k; maka pastamoowin o̔che; mena chikāma keya, ā napāweyun, ke Munetoo̔kasoon. 34Jesus omisse itāo, Numma na mussina̔hikatāo k’ ooyussoowāwinewa̔k, ne ke̔ itwan, Keyawaw ke munetoowinawaw? 35Keespin munetoowa ke̔ isseni̔katāo, unehee oot ayumewin Muneto ka ke̔ otee̔tikooyit, mena ke̔che mussina̔hikāwina āka kitta ke̔ peekoonikatākee; 36Ket itawaw na maka, una O̔tawemaw ka ke̔ kunachehat, mena ka ke̔ pā isitissa̔wat uskee̔k, Ke pastamoon; chikāma ā ke̔ itwāyan; Ne Munetoowe Koosisanewin? 37Keespin numoweya net i̔totān oot utooskāwina n’ O̔tawe, ākaweya tapwā̔towik. 38Maka keespin net i̔totān, ata āka ā tapwā̔toweyāk, tapwā̔tumook unehee utooskāwina: kitta ke̔ kiskāye̔tumāk, mena kitta ke̔ tapwā̔tumāk, O̔tawemaw ā pee̔tiskowit, mena neya ā pee̔tiskowukt.
39Āwuk’ o̔che nutoonumwuk mena kitta otinatchik: maka ke̔ kehikwuk, 40Ākose itoo̔tāo mena ukami̔k Jordani̔k ittā John nistum ka ke̔ seekaha̔takāt; ākose ākota ke̔ ayaw. 41Ākose me̔chāt ke̔ pā natik, mena omisse itwāyewa, John numoweya ke̔ totum mamuskache kākwi: maka ka̔keyow kākwia ka ke̔ itachimat John ohoo napāwa ke̔ tapwāmukuneyewa. 42Ākose me̔chāt tapwā̔tak ākota.
હાલમાં પસંદ કરેલ:
OO MEYO ACHIMOOWIN ST JOHN 10: CSW
Highlight
શેર કરો
નકલ કરો
Want to have your highlights saved across all your devices? Sign up or sign in
First published by the British and Foreign Bible Society 1876-1877.
