OO MEYO ACHIMOOWIN ST JOHN 11
11
PISKE̔TUSSINA̔HIKUN XI.
1Ākwa pāuk napāo oot a̔koose̔, Lazarus ā isseni̔kasoot, Bethany o̔che, oot otānowewa̔k Mary mena Martha oo chewamiskwāma. 2(Āwuko una Mary ka ke̔ tumuskoonat ka Tipāye̔chekāyit tumuskoowin o̔che, mena ka ke̔ pa̔koositā̔wat wāstukuya o̔che, oot’ owāmawa Lazarusa ka a̔kooseyit.) 3Āwuk’ o̔che oot’ owāmayewa isitissāhumak, omisse ā itwāyit, Tāpāye̔chekāyun, matika, una ka sakehut a̔koosew. 4Ispe Jesus ka̔ pā̔tu̔k āwukwāyew, omisse itwāo, Oma a̔koosewin numoweya nippoowini̔k isse ayaw, maka oo mume̔chimikoowin o̔che Muneto, Munetoowe‐Koosisan itta o̔che kitta ke̔ o̔che mume̔chimee̔t. 5Jesus maka oo sakeha̔ Marthawa, mena oo’ chewamiskwāmeyewa, ussitche Lazarusa. 6Āwuk’ o̔che ispe maka pëā̔tu̔k ā a̔kooseyit, kāyapitch nesoo kesikaw ayaw itta ka aya̔pun. 7Ākose uskoo̔ch āwuko omisse itāo oo kiskino̔humowakuna, Ma̔te itoo̔tātan Judeai̔k mena: 8Oo kiskino̔humowakuna omisse itik, Okemaw, Jewuk unoo̔che̔kā ke̔ nutoonumwuk kitta pim wapiska̔hiskik; mena na maka ākota ke ga itoo̔tan? 9Jesus omisse itāo, Numma na metatu̔t nesoosap tipa̔hikuna e̔tu̔tinwa ā kesikak? Keespin oweyuk pāmoo̔tātche ā kesikayik, numoweya piswa̔humāo, chikāma ā wapu̔tuk wastāo ota uskee̔k o̔che. 10Maka keespin oweyuk pāmoo̔tātche ā tipiskayik, piswa̔humāo, chikāma numoweya wastāo kunooskak. 11Ohoo kākwia ke̔ itwāo: ākose uskoo̔ch omisse itāo, Ke’ totāmenow Lazarus nipaw; maka ne ga itoo̔tan, kitta ke̔ kooskoonuk nipawini̔k o̔che. 12Ākose oo kiskino̔humowakuna omisse itwāyewa, Tāpāye̔chekāyun, keespin nipaw, kitta meyo ayaw. 13Maka Jesus ā atotumwat oo nippoowineyew: maka omisse ke̔ itāye̔tumwuk ā uywāpeyit nipawini̔k ātokwā ka itachimat. 14Ākose Jesus moosisāye̔tak omisse itāo, Lazarus nippew. 15Mena ne meywāye̔tān keyawaw o̔che āka ākota ka ke̔ ayayan, kitta ke̔ o̔che tapwā̔tumāk; āyewā̔k ma̔te natatan. 16Ākose Thomas, Didymus ka itee̔t, omisse itāo oo weche‐kiskino̔humowakuna, Ma̔te keyanow ussitche itoo̔tātan, kitta ke̔ weche nippeemu̔k. 17Ākose ispe Jesus ka̔ tukoosee̔k, miskum sassi nāoo kesikaw ā ke̔ pimissineyit nikwa̔uskani̔k. 18Bethany maka kissewak Jerusalemi̔k ayapun, nantow metatu̔t neänunoosap tipa̔uskana eyekoo̔k: 19Ākose me̔chāt Jewuk pā natāwuk Marthawa mena Marywa, kitta kakeechehatchik oot’ owāmayewa o̔che. 20Ākose Martha, sāmak ka̔ pā̔tu̔k Jesusa ā pā tukoosineyit, nutowe nukiskowāo: maka Mary keyam uppew pee̔che waskahikuni̔k. 21Ākose Martha omisse itāo Jesusa, Tāpāye̔chekāyun, keespin ota ke̔ ayayun, net’ owāmaw numoweya oo ga ke̔ nippe̔ty. 22Maka ne kiskāye̔tān, keyam ata unoo̔ch, piko kākwi kā nutotumowut Muneto, Muneto ke ga meeyik. 23Jesus omisse itāo, Ket’ owāmaw kitta wuniskaw mena. 24Martha omisse itāo, Ne kiskāye̔tān kitta wuniskat mena wuniskawini̔k iskwyach kesikake. 25Jesus omisse itāo, Neya wuniskawin, mena pimatissewin: una ka tapwā̔towit, ata nippitche, kāyapitch kitta pimatissew: 26Mena piko oweyuk pimatissitche mena tapwā̔towitche numoweya we̔kach kitta nippew. Ke tapwā̔tān na oma? 27Omisse itāo, Āhā, Tāpāye̔chekāyun: Ne tapwā̔tān ā Christeweyun, Muneto oo’ Koosisa, una oo ga ke̔ pā itoo̔ta̔ty uskee̔k. 28Ākose ispe oma ka̔ itwāt, sipwā̔tāo, mena kemooch nutoomāo oo’ chewamiskwāma Marywa, omisse itāo, Ookemaw tukoosin, mena ke nutoomik. 29Sāmak ka̔ pā̔tu̔k āwuko, keyepe pussikoo, mena pā otee̔tāo. 30Num’ āskwa maka Jesus oo tukoosine̔ waskahikuniska̔k, maka kāyapitch oot aya̔ itta ka ke̔ nukiskakoot Marthawa. 31Jewa maka ka ke̔ weetuppimikoot pee̔che waskahikuni̔k, mena ka ke̔ kakeechehikoot, ispe weäpumatchik Marywa, a pussikooyit kāsiskow mena ā wuyoweeyit, pimitissa̔wāwuk, omisse ā itwātchik, Itoo̔tāo nikwa̔uskani̔k kitta matoot ākota. 32Ākose ispe Mary ka̔ tukoosee̔k itta Jesusa ā ayayit, mena ka̔ wapumat, pu̔kissin oo’ siteyee̔k, omisse ā itat, Tāpāye̔chekāyun, keespin ota ke̔ ayayun, numoweya net’ owāmaw oo ga ke̔ nippe̔. 33Ispe maka Jesus weäpumat ā matooyit, mena Jewa ussitche ā matooyit ka ke̔ pā wechāwayit, muma̔pināo oot a̔cha̔koo̔k, mena mikooskatāye̔tum. 34Mena omisse itwāo, Tantā ka̔ a̔yāk? Omisse itāwuk, Tāpāye̔chekāyun, pāche wapu̔ta. 35Jesus matoo. 36Ākose Jewuk omisse itwāwuk, Matika eyekoo̔k ka̔ sakehat! 37Mena atee̔t omisse itwāwuk, Numma na owa napāo, ka ke̔ paske̔tānumwat oo’ skesikooyewa āka ka ke̔ wapeyit, oo ga itussoowatā̔ āka kitta nippeyit a̔po ohoo napāwa? 38Jesus maka ā muma̔pināt mena pā natum nikwa̔uskan. Wati̔kanewunopun, mena ussinee tu̔koo̔ch oot uppe̔. 39Jesus omisse itwāo, Oo̔pimā a̔yee̔k ussinee. Martha, oot’ owāmawa una ka ke̔ nippit, omisse itāo, Tāpāye̔chekāyun, sassi issa weya meyakoosetookwā: weya nāoo kesikaw ā ke̔ nippit. 40Jesus omisse itāo, Numma na ke ke̔ itite̔, keespin tapwā̔tumune, kitta ke̔ wapu̔tumun oo mume̔chimikoowin Muneto? 41Ākose oo̔pimā a̔yāwuk ussineeä itta o̔che oonippewa ka ke̔ a̔yimee̔t. Ākose Jesus ispimi̔k itapew, mena omisse itwāo, N’ O̔ta, ke nunaskoomitin ka ke̔ pā̔toweyun. 42Mena ne kiskāye̔tā̔ ā pā̔toweyun kakekā: maka chikāma okoo ayiseyinewuk ka nepowitchik ota wāche ke̔ itwāyan, kitta ke̔ tapwā̔tu̔kik ā ke̔ isitissa̔hooyun. 43Ākose oma ka̔ itwāt, omisse isse tāpwāo ā kisseewāt, Lazarus, pāche wuyowee. 44Ākose una ka ke̔ nippit pā wuyoweew, ā tu̔koopisoot oo’ chee̔chee̔k mena oo’ siti̔k nikwa̔uskane ayoowinisa o̔che: mena ā aköapu̔pissoot wape‐pupukewuyan o̔che. Jesus omisse itāo, Apa̔hoo̔k, mena pukitinee̔k. 45Ākose me̔chāt Jewuk ka ke̔ pā natatchik Marywa, mena ka̔ wapu̔tu̔kik unehee kākwia Jesus ka ke̔ totu̔k, tapwowāwuk. 46Maka atee̔t sipwā̔tāwuk Phariseewa ā natatchik, mena we̔tumowāwuk kāko kākwia Jesus ka ke̔ totu̔k.
47Ākose ke̔che ayumehāwekemawuk mena Phariseewuk mawutchehoowuk ā ooyussoowātchik, mena omisse itwāwuk, Kākwi kā totumu̔k? chikāma owa napāo totum me̔chāt mamuskache isse̔chekāwina. 48Keespin omisse isse poonehayu̔ko, ka̔keyow ayiseyinewa kitta tapwā̔tak: ākose Romanuk kitta pā itoo̔tāwuk mena kitta otinumwuk ket e̔tawinenow ussitche ket ayiseyineemenowa. 49Ākose pāuk weyawaw o̔che, Caiaphas ā isseni̔kasoot, ā mawutche ke̔che ayumehāwekemawit āwuko unima uskeewin, omisse itāo, Keyawaw numma wawach kākwi ke kiskāye̔tānawaw, 50A̔po numoweya ke mamitoonāye̔tānawaw kitta na̔hepuyik keyanow o̔che, pāuk napāo kitta nippoostumowat ayiseyinewa, mena āka ā̔tussit ayiseyinew kitta nissewunatissit. 51Mena numoweya weya sā̔kā ke̔ itwāo: maka ā mawutche ke̔che ayumehāwekemawit āwuko uskeewin, ke̔ kiskewāhikāo Jesusa kitta nippoostumowayit āwukwune ayiseyinewa; 52Mena numoweya piko āwukwune ayiseyinewa o̔che, maka ussitche kitta mawusukoonat oot owasimisa Muneto ka nunanis ayayit missewā. 53Ākose āwuko kesikaw o̔che ooyussoowāwuk mamowe kitta nippa̔hatchik. 54Āwuk’ o̔che Jesus numoweya ke̔ puya̔tāpimoo̔tāo Jewa itta ka ayayit; maka itoo̔tāo kotuk uskee̔k kissewak pukwutuskee̔k ā ayayik, ke̔che waskahikuni̔k Ephraim ā itumoo̔t, ākose ākota ayaw ussitche oo kiskino̔humowakuna.
55Mena Jewuk oo we̔ko̔toowinewaw passover ka itumee̔k kissewak ayayew: mena me̔chāt sipwā̔tāwuk ākota otānowi̔k o̔che Jerusalemi̔k isse ā moyā ooche̔chepuyeyik we̔ko̔toowin, kitta pā̔kehissootchik. 56Ākose nutoonowāwuk Jesusa, mena ayumehitoowuk, mākwach pee̔che ayumehāwekumikoo̔k ā nepowitchik, Tanse ātāye̔tumāk keyawaw, numoweya na kitta pā itoo̔tāo we̔ko̔toowini̔k? 57Ākwa maka ke̔che ayumehāwekemawuk ussitche Phariseewuk oo ke̔ māke̔tawaw ooyussoowāwin, keespin oweyuk kiskāye̔tu̔ke itta ā ayayit, oo ga wapu̔teyewa̔, kitta ke̔ otinatchik
હાલમાં પસંદ કરેલ:
OO MEYO ACHIMOOWIN ST JOHN 11: CSW
Highlight
શેર કરો
નકલ કરો
Want to have your highlights saved across all your devices? Sign up or sign in
First published by the British and Foreign Bible Society 1876-1877.
