OO MEYO ACHIMOOWIN ST JOHN 12
12
PISKE̔TUSSINA̔HIKUN XII.
1Ākose nikootwasik kesikaw ā moyā ooche̔chepuyik we̔ko̔toowin passover ka itumee̔k Jesus pā itoo̔tāo Bethanyi̔k, itta Lazarus ka ke̔ ayat ka ke̔ nippe̔pun, ka ke̔ wuniskana̔pun nippoowini̔k o̔che. 2Ākota ose̔towāwuk tipiskinā̔kwāwin; Martha utooskāstakāo: maka Lazarus pāuk una ka weetuppimikoot mechesoowina̔tikoo̔k. 3Ākose Mary otinum pāuk tipapāskoochekun tumuskoowin spikenard ka itumoo̔t, naspitch ā a̔kwuke̔tāyik, ākose sinikwa̔humwāo oo’ siteyewa Jesusa, ākose pa̔koositā̔wāo wāstukuya o̔che: ākose waskahikun sakuskināmakwun tumuskoowin o̔che. 4Ākose omisse itwāyewa pāuk oo kiskino̔humowakuna, Judas Iscariot, Simon oo’ koosisa, kā utawakāyit we’yow, 5Tanā̔kā numoweya oma tumuskoowin ke̔ utawakanewun nistoo meta̔tometunow pewapisko sooneyasuk o̔che, ākose ookitimakissewuk kitta ke̔ meeya̔tyuk? 6Oma ke̔ itwāo, numoweya ā mitoonāyimat ookitimakissewa; maka chikāma ā kimootiskit, mena muskimoot ā ke̔ ayat, mena ā pimoowutāt kākwan itta ā ustawee̔t. 7Ākose Jesus omisse itwāo, Āka totowee̔k: ke̔ kunowāye̔tum oma unima kesikaw ne na̔henikoowini̔k o̔che. 8Weya mosuk ookitimakissewuk keyawaw ke wechāwikoowawuk; maka neya numoweya mosuk ke wechāwinawaw.
9Me̔chāt maka ayiseyinewuk Jewuk o̔che kiskāye̔tumwuk ākota ā ayayit: mena pā itoo̔tāwuk numoweya piko Jesusa o̔che, maka kitta ke̔ wapumatchik Lazarusa ussitche, ka ke̔ wuniskanayit nippoowini̔k o̔che. 10Maka ke̔che ayumehāwekemawuk ayimootumwuk kitta ke̔ nippa̔hatchik Lazarusa ussitche; 11Chikāma weya o̔che me̔cha̔t Jewa ke̔ sipwā̔tāyewa, mena ke̔ tapwā̔towāyewa Jesusa. 12Weäpu̔k me̔chāt ayiseyinewuk ka ke̔ pā itoo̔tātchik we̔ko̔toowini̔k, ispe ka̔ pā̔tu̔kik Jesusa ā pā itoo̔tāyit Jerusalemi̔k isse, 13Otinumwuk wuti̔kwuna mistikoo̔k o̔che, ākose sipwā̔tāwuk ā nutowe nukiskowatchik, omisse ā itwātchik, Hosanna: Sowāye̔takoosew oo Ke̔che Ookemamewawa Israel ka pā itoo̔tāt oo we̔yoowini̔k isse ka Tipāye̔che̔kāt. 14Ākose Jesus, ka̔ miskowat soosoowemistutimoosisa, tā̔tuppew; ka isse itussina̔hikatāk, 15Ākaweya koostache, Sion oo’ tanisa: Matika, ke Ke̔che Ookemam pā itoo̔tāo, ā tā̔tuppit soosoowemistutimoosisa. 16Nistum ohoo kākwia numoweya ke̔ nissetowāye̔tumeyewa oo kiskino̔humowakuna: maka ispe Jesus ka̔ kistukimee̔t, ākwa kāskissitchik ohoo kākwia ā ke̔ mussina̔hikatāyikee weya o̔che, mena ā ke̔ totowatchik ohoo kākwia. 17Unehee maka ayiseyinewa ka ke̔ wechākoot ispe ā nutoomat Lazarusa nikwa̔uskani̔k o̔che, mena ka ke̔ wuniskanat nippoowini̔k o̔che, ke̔ achimooyewa. 18Āwukwāyew ussitche o̔che ayiseyinewa nukiskak, weya ā ke̔ pā̔tu̔kik ā ke̔ totumeyit oma mamuskache kākwi. 19Phariseewuk maka omisse ititoowuk, Ke wapu̔tānawaw na āka kākwi ā kuske̔tayāk? matika, missewā uske pimitissa̔hook.
20Mena atee̔t Greeka oo wechāwikoo̔tawaw unekee ka ke̔ pā itoo̔tātchik we̔ko̔toowini̔k kitta putuppeeschekātchik: 21Āwukwunik maka pā natāwuk Philipa, Bethsaida ka o̔cheeyit Galileeik o̔che, mena omisse itāwuk, Ookemāw, ne we̔ wapumanan Jesus. 22Philip pā itoo̔tāo mena we̔tumowāo Andrewa: ākose maka Andrew mena Philip we̔tumowāwuk Jesusa.
23Ākose Jesus nuskwāwusehāo, omisse, Tipa̔hikun ooche̔chepuyew, Napāwe‐Koosisan kitta ke̔ kistukimee̔t. 24Tapwā, tapwā, k’ ititinawaw. Patima pāukoominuk pu̔kwāsekun pu̔ke̔tee̔ke uskee̔k isse mena nāppoowe̔tee̔ke, pauko ustāo: maka keespin nippoowe̔tee̔ke, ne̔tāweke̔tamukun mistahā kistekan. 25Una ka sake̔tat oo pimatissewin kitta wune̔taw; mena una ka pukwatu̔k oo pimatissewin ota uskee̔k kitta kunowāye̔tum kakekā pimatissewini̔k isse. 26Keespin oweyuk net utooskak, keyam ne ga pimitissa̔hook; mena itta ā ayayan, ākota ussitche net utooskāyakun kā ayat: keespin oweyuk utooskowitche, āwukwune n’ O̔tawe kā kistāyimat. 27Ākwa net a̔cha̔k mikooskache ayaw; mena tanse kā itwāyan? N’ O̔ta pimachehin oma tipa̔hikun o̔che: maka āwuko oma o̔che ka otee̔tuman oma tipa̔hikun. 28N’ O̔ta, kistāye̔ta ke we̔yoowin. Ākose pā̔takwun ke̔che kesikoo̔k o̔che, omisse ā itwanik, Ne ke̔ kistāye̔tān, mena ne ga ko̔ke kistāye̔tān. 29Unekee ayiseyinewuk maka, ka ke̔ nepowitchik āketa, mena ka ke̔ pa̔tu̔kik, omisse itwāwuk peyāsewuk kitoowuk: kotukuk omisse itwāwuk, Ke̔che utooskāyakuna ayumehik. 30Jesus peekiskwāo mena omisse itwāo, Oma ka ke̔ pā̔takwu̔k numoweya neya o̔che ke̔ pā tukoosinomukun, maka keyawaw o̔che. 31Ākwa ooche̔chepuyew ooyussoowāwin oma uske o̔che: ākwa ka ke̔che ookemasku̔k oma uske kā wuyoweewāpinee̔t. 32Mena neya, keespin oo̔pinikoweyane uskee̔k o̔che, ne ga mawusukoonumasoon ka̔keyow ayiseyinewuk. 33Oma ke̔ itwāo, ā atotu̔k kāko nippoowin kā o̔che nippit. 34Ayiseyinewa omisse isse nuskwāwusehik, Ne ke̔ pā̔tānan ooyussoowāwini̔k o̔che Christ ā e̔tat kakekā: tanā̔kā maka wā̔che itwāyun, Napāwe‐Koosisan kitta oo̔pinaw? owāna owa neäpāwe‐Koosisanewit? 35Ākose Jesus omisse itāo, Kāyapitch utcheyow ke wechāwikoowaw wastāo. Pimoo̔tāk ā āskwa ayayāk wastāo, āka wunetipiskaw kitta otee̔tikooyāk: chikāma una ka pimoo̔tāt wunetipiskissewini̔k numoweya kiskāyetum tantā ātoo̔tāt. 36Ā āskwa ayayāk wastāo, tapwā̔tumook wastāo, kitta ke̔ ootowasimisimikooyāk wastāo. Ohoo kākwia ke̔ itwāo Jesus, ākose sipwā̔tāo, mena kasoostowāo.
37Maka ā ata ke̔ totu̔k me̔chat mamuskache kākwia ā wapumikoot, kāyapitch numoweya ke̔ tapwā̔tak: 38Kitta ke̔ tipepuyeyik oot itwāwin Esaias ookiskewāhikāo, ka ke̔ itwāt, Tāpāye̔chekāyun, owāna ka̔ tapwā̔tuk net achimoowinenan? owāna mena ka̔ wapu̔teyee̔t ka Tipāye̔chekāt oo’ spitoon? 39Āwuk’ o̔che numoweya ke̔ tapwā̔tumwuk, chikāma Esaias ke̔ itwāo mena, 40Ke̔ kukāpwapināo, mena ke̔ muskowustawāo oo’ tā̔eyewa; āka kitta ke̔ wapeyit oo’ skesikooyewa o̔che, a̔po kitta nisseto̔tumeyit oo’ tā̔eyewa o̔che, mena kitta kwāskinee̔tchik, ākose ne ga kekāha̔tyuk. 41Ohoo kākwia ke̔ itwāo Esaias, ispe ā wapu̔tumwat oo kistāye̔takoosewineyew, mena ka̔ achi̔mat.
42Āyewā̔k maka atee̔t ke̔che ooyussoowāwuk weyawaw me̔chāt ke̔ tapwā̔towāwuk; maka chikāma Phariseewa o̔che numoweya ke̔ we̔tumwuk, āka kitta wuyoweewāpinee̔tchik ayumehāwekumikoo̔k o̔che: 43Weya ā sake̔tatchik oo mume̔chimi̔koowineyew ayiseyinewa owusimā ispee̔ch oo mume̔chimikoowineyew Munetoowa.
44Jesus tāpwāo mena omisse itwāo, Una ka tapwā̔towit, numoweya ne tapwā̔tak neya, maka unehee ka ke̔ pā isitissa̔hooyit. 45Mena una ka wapumit wapumāo unehee ka ke̔ pā isitissa̔hooyit. 46Ne pā itoo̔tan kitta wastāweyan uskee̔k, piko oweyuk tapwā̔towitche āka wunetipiskissewini̔k kitta ayat. 47Mena keespin oweyuk pā̔tu̔ke net ayumewina, maka āka tapwā̔tu̔ke, numoweya n’ ooyussoowataw: chikāma numoweya ne pā itoo̔tan kitta ooyussoowatuman uske, maka kitta pimache̔tayan uske. 48Una ka atowāyimit, mena āka ka otinu̔k net ayumewina, ayawāo oweya ka ooyussoowatikoot: unima ayumewin ka ke̔ ayumeyan, āwukwāyew kā ooyussoowatikoot iskweyach kesikake. 49Chikāma numoweya ne ke̔ achimissoon neya kā̔chewak; maka O̔tawemaw ka ke̔ pā isitissa̔hoot, ne ke̔ meeyik ooyussoowāwin, kā isse itwāwuk, mena kā isse peekiskwāwuk. 50Mena ne kiskāye̔tān ooyussoowāwin ā kakekā pimatissewuneyik: āwuk’ o̔che piko kākwi ka atotuman, Otawemaw ā ke̔ issit, ākose āsse achimooyan.
હાલમાં પસંદ કરેલ:
OO MEYO ACHIMOOWIN ST JOHN 12: CSW
Highlight
શેર કરો
નકલ કરો
Want to have your highlights saved across all your devices? Sign up or sign in
First published by the British and Foreign Bible Society 1876-1877.
