OO MEYO ACHIMOOWIN ST JOHN 13
13
PISKE̔TUSSINA̔HIKUN XIII.
1Ā moyā maka ooche̔chepuyik unima we̔ko̔toowin passover, ispe Jesus kāskāye̔tu̔k oo tipa̔hikun ā ooche̔chepuyeyik kitta sipwā̔tāt ota uskee̔k o̔che O̔tawemawa kitta natat, ā ke̔ sakehat oot ayana uskee̔k ka ke̔ ayayit, ke̔ sakehāo iskwayani̔k isko. 2Ākose tipiskinā̔kwāwin ka̔ keese̔ta̔k, muche a̔cha̔k ā ke̔ ustat oo’ tā̔eyee̔k Judas Iscariota, Simon oo’ koosisa, kitta utawakāyit we’yow; 3Jesus ā kiskāye̔tu̔k O̔tawemawa ā ke̔ meeyikoot ka̔keyow kākwi oo’ chee̔chee̔k, mena Munetoo̔k ā o̔cheet, mena Munetoowa ā natat; 4Utte pussikoo tipiskinā̔kwāwini̔k o̔che, ākose oo̔pimā ustaw oot ayoowinisa; mena otinum pa̔koo̔kwāhoon, ākose pukwu̔tāhoo. 5Ka̔ aye̔tit seekinum nippe ooyakuni̔k, ākose mache keehistapawutawāo ookiskino̔humowakuna oo’siteyewa, mena pa̔kwa̔humwāo unima pa̔koo̔kwāhoon o̔che ka ke̔ o̔che pukwu̔tāhoot. 6Ākose otee̔tāo Simon Petera: ākose Peter omisse itāo, Tāpāye̔chekāyun, keya na ke kechistapawutan ne’ sita? 7Jesus nuskwāwusehāo mena omisse itāo, Unima ka totuman numoweya ke kiskāye̔tān unoo̔ch; maka patima ke ga kiskāye̔tān. 8Peter omisse itāo, Numoweya we̔kach ke ga kechistapawutan ne’ sita. Jesus omisse itāo, Keespin numoweya ke kechistapawuyitin, numoweya ke wechāwin. 9Simon Peter omisse itāo, Tāpāye̔chekāyun, numoweya piko ne’ sita, maka ussitche ne’ chee̔cheeä mena ne’ stikwan. 10Jesus omisse itāo, Una ka kechistapawuyee̔t numoweya kweetumaw nayāstow piko kitta kechistapawutat oo’ sita, maka kechistissew missewā itta: mena keyawaw ke kechistissinawaw, maka numoweya ka̔keyow. 11Weya ā ke̔ kiskāye̔tu̔k owāyewa kā utawakāyit we’yow; āwuk’ o̔che wā̔che ke̔ itwāt, Numoweya ka̔keyow ke kechistissinawaw. 12Ākose ka̔ keseepākinumwat oo’ siteyewa, mena ka̔ otinu̔k oot ayoowinisa, ākose ka̔ na̔uppit mena, omisse itāo, Ke kiskāye̔tānawaw na kākwan ka̔ totatukook? 13Ookemaw ket isseni̔kasinawaw ussitche Tāpāye̔chekāyun: mena kwiusk ket itwanawaw; chikāma neya āwuko. 14Keespin maka neya, ke Tipāye̔chekāmewaw mena k’ Ookemamewaw, ka̔ kechistapawutayan ke’ sitewawa; keyawaw mena ke ga kechistapawutumatoo̔tawaw ke’ sitewawa. 15Chikāma ke ke̔ meeyitinawaw kā kiskinowapu̔tumāk, kitta ke̔ totumāk ka ke̔ isse totatukook. 16Tapwā, tapwā, k’ ititinawaw, Utooskāyakun numoweya owusimā itāye̔takoosew ispee̔ch oo’ kemama: a̔po una ka isitissa̔hoo̔t numoweya owusimā itāye̔takoosew ispee̔ch unehee ka isitissa̔hookoot. 17Keespin ke kiskāye̔tānawaw ohoo kākwia, ke sowāye̔takoosinawaw keespin ket i̔totānawaw.
18Numoweya ka̔keyow k’ ititinawaw: ne kiskāyimawuk unekee ka ke̔ nowusoonukik: maka ke̔che mussina̔hikāwina kitta ke̔ tipepuyikee, Una ka weche mechesoomit ayu̔konawa ne ke̔ oo̔pinumak wu̔kwun. 19Ākwa ke we̔tumatinawaw ā moyā ooche̔chepuyik, ispe maka ooche̔chepuyike, kitta ke̔ tapwā̔tumāk neya āwuko. 20Tapwā, tapwā, k’ ititinawaw, Una kā o̔tinat unehee kā isitissa̔hoomuk n’ o̔tinik neya; mena una ka o̔tinit, o̔tināo unehee ka ke̔ pā isitissa̔hooyit. 21Ispe Jesus oma ka̔ itwāt, mikooskache ayaw oot a̔cha̔koo̔k, mena we̔tum, omisse ā itwāt, Tapwā, tapwā, k’ ititinawaw, pāuk oma ka i̔tusseyāk kitta utawakāo ne’yow. 22Ākose kiskino̔humowakunuk ka̔kunowapu̔toowuk, ā wawanāye̔tu̔kik owāyewa ka itayit. 23Maka oot asputissineye̔ty pāuk oo kiskino̔humowakuna Jesus waskekuni̔k, unehee Jesus ka ke̔ sakehat. 24Simon Peter maka namiskwāyoostowāo, kitta kukwāche̔kāmooyit owāyewa unehee ka itayit. 25Ākose ā pimissee̔k waskekuneyee̔k Jesusa omisse itāo, Tāpāye̔chekāyun, owāna? 26Jesus omisse itāo, Āwuko una, kā meeyuk suskumoowin, ke̔ ke̔tanumwuke. Ākose ka̔ ke̔tanu̔k suskumoowin, meeyāo Judas Iscariota, Simona oo’ koosiseyewa. 27Ākose ka̔ meeyee̔t suskumoowin Muche A̔cha̔kwa pee̔teskak. Ākose Jesus omisse itāo, Unima kā totumun, keyepe tota. 28Numma wawach oweya mechesoowina̔tikoo̔k ke̔ kiskāye̔tumeyewa kākwi o̔che wā̔che ke̔ itat oma. 29Weya atee̔t ā itāye̔tu̔kik, chikāma Judasa ā ayayit muskimoot, āwuk’ o̔che Jesus wā̔che ke̔ itat, Utawā unehee kākwia ka nutowāye̔tumu̔k we̔ko̔toowin o̔che; a̔po kitta meeyayit nantow kākwi ookitimakissewa. 30Ākose maka ka̔ o̔tinu̔k suskumoowin wuyoweew sāmak: mena tipiskayepun.
31Ka̔ wuyoweet maka, Jesus omisse itwāo, Ākwa napāwe‐Koosisan kāstukimee̔t, mena Muneto kistukimaw weya o̔che. 32Keespin maka Muneto kistukimaw weya o̔che, Muneto ussitche kitta kistukimāo weya kā̔chewak, mena sāmak kitta kistukimāo. 33Upistowasisetik, kāyapitch utcheyow ke ga wechāwitinawaw. Ke ga nutoonowinawaw: mena ka ke̔ isse itukik Jewuk, Ittā ā itoo̔tāyan, numoweya ke ga ke̔ pā itoo̔tanawaw; ākose unoo̔ch ātitukook. 34Ooske ooyussoowāwin ke meeyitinawaw, Kitta sakehitooyāk: ka ke̔ isse sakehitukook, keyawaw mena kitta isse sakehitooyāk. 35Ākota oma ka̔keyow ayiseyinew kā o̔che kiskāye̔tu̔kik keyawaw ā ookiskino̔humowakunimimitukook, keespin sakehitooyāko.
36Simon Peter omisse itāo, Tāpāye̔chekāyun, tantā kā itoo̔tāyun? Jesus omisse itāo, Ittā ā itoo̔tāyan, numoweya ke ga ke̔ pimitissa̔hoon unoo̔ch; maka ke ga pimitissa̔hoon patima. 37Peter omisse itāo, Tāpāye̔chekāyun, tanā̔kā numoweya kā ke̔ pimitissa̔hootan unoo̔ch? Ne ga pukitinān ne pimatissewin keya o̔che. 38Jesus omisse itāo, Ke ga na pukitinān ke pimatissewin neya o̔che? Tapwā, tapwā, k’ ititin, Napāpakaha̔kwan numoweya kitta kitoo, eyekoo̔k nistwaw ke̔ anwā̔toweyune.
હાલમાં પસંદ કરેલ:
OO MEYO ACHIMOOWIN ST JOHN 13: CSW
Highlight
શેર કરો
નકલ કરો
Want to have your highlights saved across all your devices? Sign up or sign in
First published by the British and Foreign Bible Society 1876-1877.
