OO MEYO ACHIMOOWIN ST JOHN 8
8
PISKE̔TUSSINA̔HIKUN VIII.
1Jesus ke̔ itoo̔tāo wutchee̔k Olivei̔k isse. 2Ākose weputch ā kākesāpayayik pā itoo̔tāo ayumehāwekumikoo̔k isse, ākose ka̔keyow ayiseyinewa pā natik; ākose na̔uppew, mena kiskino̔humowāo. 3Ākose oomussina̔hikāwuk mena Phariseewuk pātoowāwuk iskwāwa ā ke̔ mākwaskamee̔t pisikwatissewini̔k; ākose ispe ka̔ a̔yatchik tātawitch, 4Omisse itāwuk, Ookemaw, owa iskwāo ke̔ mākwaskowaw pisikwatissewini̔k, metoone i̔totumoowiniki̔k. 5Moses ooyussoowāwini̔k ne ke̔ itussoowatikoonan, ākotoowe̔kan kitta pupimwapiskahee̔t: maka tanse keya ātwāyun? 6Oma ke̔ itwāwuk, ā we̔ kootāyimatchik, kitta ke̔ o̔che ayatchik kitta mumisimatchik. Maka Jesus nowukeew, mena oo’ chee̔chee o̔che mussina̔hikāo uskee̔k, mana piko āka oo pā̔towa̔. 7Ākose āka ā kipe̔che kukwāchimatchik, oo̔piskwāyew, mena omisse itāo, Una āka muche̔tewin ka ayat oma ka itusseyāk, āwuko nistum kitta pimwussina̔hāo. 8Ākose mena nowukeew, mena mussina̔hikāo uskee̔k. 9Ākose unekee ka ke̔ pā̔tu̔kik, oo mitoonāye̔chekunewawa ā ooyussoowātikootchik, wuyoweewuk pa̔pāuk, ā kuya̔tāatissit o̔che, peyis iskwayani̔k isko: ākose Jesus ke̔ pānko nukutaw, ussitche iskwāo tātawitch ā nepowit. 10Ispe maka Jesus ka̔ oo̔piskwāyit, mena āka oweya ā wapumat piko iskwāwa, omisse itāo, Iskwāo, tanewā̔ka unekee ka mumisimiskik? numma oweyuk na ke ke̔ misimik? 11Omisse itwāo, Numma oweyuk, Tāpāye̔chekāyun. Ākose Jesus omisse itāo, Neesta numoweya ke mumisimitin: sipwā̔tā, ākose ākaweya mena muche̔te.
12Ākose Jesus mena ayumehāo, omisse ā itat, Neya wastāo uske o̔che: una kā pimitissa̔hoot numoweya wunetipiska̔k kitta pimoo̔tāo, maka kitta ayaw wastāo pimatissewin o̔che. 13Phariseewa maka omisse itik, Ket achimissoon keya kā̔chewak; ket achimoowin numoweya tapwāmukun. 14Jesus peekiskwāo mena omisse itāo, Ata ā achimissooyan, sakooch net achimoowin tapwāmukun: weya ā kiskāye̔tuman itta wā̔cheeyan, mena ittā ātoo̔tāyan; maka numoweya ke ga ke̔ we̔tānawaw itta wā̔cheeyan, mena ittā ātoo̔tāyan. 15Weyasi̔k keyawaw ket isse ooyussoowanawaw; Neya numma oweyuk n’ ooyussoowataw. 16Mena keespin ooyussoowāyane, n’ ooyussoowasewāwin tapwāwinewun: weya āka ā pāukooyan, maka neya ussitche O̔tawemaw ka ke̔ pā isitissa̔hoot. 17Itussina̔hikatāo k’ ooyussoowāwinewāk, nesoo napāwuk oo we̔tumoowinewaw ā tapwāwinewuneyik. 18Neya ne pāukoon ka achimissooyan, ākose O̔tawemaw ka ke̔ pā isitissa̔hoot net achimik. 19Ākose omisse itāwuk, Tanewa k’ O̔tawe? Jesus nuskwäwusehāo, Numoweya ke kiskāyiminawaw, a̔po n’ O̔tawe: keespin ke̔ kiskāyimeyāk, ke ga ke̔ kiskāyima̔tawaw n’ O̔tawe ussitche. 20Ohoo ayumewina Jesus ke̔ itwāo pee̔che itta sooneyawa ka pukitinimee̔t, mākwach ā kiskino̔humakāt pee̔che ayumehāwekumikoo̔k: mena numoweya oweya otinik; weya oo tipa̔hikun āka chāskwa ā ooche̔chepuyeyik. 21Ākose Jesus omisse mena itāo, Ne ga sipwā̔tan, ākose ke ga nunatoonowinawaw, mena ke ga nippinawaw ke muche̔tewinewa̔k: ittā ā itoo̔tāyan, numoweya ke ga ke̔ pā itoo̔tanawaw. 22Ākose Jewuk omisse itwāwuk, Kitta nippa̔hissoo na? chikāma omisse itwāo, Ittā ā itoo̔tāyan, numoweya ke ga ke̔ pā itoo̔tanawaw. 23Ākose omisse itāo, Nee̔che keyawaw k’ o̔cheenawaw; Neya ispimi̔k o̔che: ota uskee̔k keyawaw k’ o̔cheenawaw; Neya numoweya ota uskee̔k n’ o̔cheen. 24Āwuk’ o̔che wā̔che ke̔ ititukook, ke ga nippinawaw ke muche̔tewinewa̔k: weya keespin āka tapwā̔tumāko neya ā āwukooweyan, ke ga nippinawaw ke muche̔tewinewa̔k. 25Ākose omisse itāwuk, Owāna keya? Ākose Jesus omisse itāo, Āwuko kāyapitch ka ke̔ ititukook mitchimach o̔che. 26Net ayan me̔chāt kākwia kitta itwāyan mena kitta ooyussoowāyan keyawaw o̔che: maka una ka ke̔ pā isitissa̔hoot tapwāwinewew; mena ne we̔tān ota uskee̔k unehee kākwia ka ke̔ pā̔tuman weya o̔che. 27Numoweya ke̔ nisseto̔tumwuk ā ayimootumakootchik O̔tawemawa. 28Ākose Jesus omisse itāo, Ispe ke̔ oo̔pināko napāwe‐Koosisan, ākose kā kiskāye̔tumāk neya ā āwukooweyan, mena āka ā totuman kākwi neya kā̔chewak; maka ā ke̔ isse kiskino̔humowit n’ O̔tawe, Ne we̔tān ohoo kākwia. 29Mena una ka ke̔ pā isitissa̔hoot ne wechāwik: O̔tawemaw numoweya ne ke̔ nukutik kitta pāukoowuk; weya mosuk ā totumwuk unehee kākwia ka na̔heyowāhikoot. 30Mākwach ā ayumit ohoo ayumewina me̔chāt tapwā̔tak.
31Ākose Jesus omisse itāo unehee Jewa ka tapwā̔takoot, Keespin ayayāko net ayumewini̔k, ākose keyawaw wākiskino̔humowakunimimitukook tapwā; 32Mena ke ga kiskāye̔tānawaw tapwāwin, mena tapwāwin ke ga pukitinikoonawaw.
33Omisse itāwuk, Neyanan Abraham oot owasimisa, mena numma we̔kach oweyuk ne ke̔ owa̔katikoonan: tanā̔kā wā̔che itwāyun, Ke ga pukitinikowinawaw? 34Jesus omisse itāo, Tapwā, tapwā, k’ ititinawaw, Piko oweyuk ka totu̔k muche̔tewin utooskāyakunewew muche̔tewini̔k isse. 35Mena utooskāyakun numoweya kakekā pee̔che waskahikuni̔k ayaw: maka Wākoosisee̔k ayaw kakekā. 36Keespin maka Wākoosisee̔k pukitinikooyāko, ke ga pukitinikowinawaw tapwā. 37Ne kiskāye̔tān Abraham ā ootowasimisimikooyāk; maka ke nutoonānawaw kitta nippa̔heyāk, chikāma net ayumewin numoweya ke kekeskakoonawaw. 38Ne atotān unima ka ke̔ wapu̔tuman ā wechāwuk n’ O̔tawe: mena ket i̔totānawaw unima ka ke̔ wapu̔tumāk ā wechāwayāk k’ o̔tawewaw. 39Nuskwāwusehāwuk mena omisse itāwuk, Abraham n’ o̔tawenan. Jesus omisse itāo, Keespin Abraham ootowasimisimikooyāk, ke ga totā̔tawaw oot utooskāwina Abraham. 40Maka ākwa ke nutoonānawaw kitta nippa̔heyāk, napāo ka ke̔ we̔tumakooyāk tapwāwin, ka ke̔ isse pā̔tuman Muneto o̔che: āwuko oma numoweya ke̔ totum Abraham. 41Ket i̔totānawaw oot i̔totumoowina k’ o̔tawewaw. Ākose omisse itāwuk, Neyanan numoweya pisikwatissewini̔k n’ o̔cheenan; net ayawanan pāuk O̔tawemaw, Muneto ote. 42Jesus omisse itāo, Keespin Muneto O̔taweyāk, ke ga sakehe̔tawaw: weya ākota ā o̔cheeyan mena Munetoo̔k ā ke̔ pā o̔to̔tāyan; mena numoweya neya kā̔chewak ne ke̔ pā itoo̔tan, maka weya ne ke̔ pā isitissa̔hook. 43Tanā̔kā numoweya ke nisseto̔tānawaw ne kukāskimawusoowin? chikāma āka ā pā̔tumāk net ayumewin. 44Keyawaw k’ o̔cheenawaw k’ o̔tawewa̔k o̔che muche muneto, mena ā isse ukawatu̔k k’ o̔tawewaw ket itāye̔tānawaw kitta totumāk. Ke̔ nippa̔takāskew mitchimach o̔che, mena numoweya tapwāwini̔k ke̔ ayaw, chikāma āka tapwāwin ā ke̔ kekeskakoot. Tu̔twaw ka peekiskwatu̔k keyaskewin, atotum oot ayan kā̔chewak: weya ā kukeyaskiskit, mena ā o̔tawesku̔k āwukwāyew. 45Mena chikāma ā we̔tumatukook tapwāwin, numoweya ke tapwā̔towinawaw. 46Owāna oma ka i̔tusseyāk ka sakoochimit muche̔tewin o̔che? Mena keespin tapwāwin net itwan, tanā̔kā numoweya ke tapwā̔towinawaw? 47Una Munetoo̔k ka o̔cheet pā̔tumwāo Munetoowa oot ayumewineyewa: keyawaw maka numoweya ke pā̔tumwanawaw, chikāma numoweya Munetoo̔k k’ o̔cheenawaw.
48Ākose Jewuk peekiskwāwuk, mena omisse itāwuk, Numma na kwiusk net itwanan ā Samaritaneweyun, mena ā ayawut muche a̔cha̔k? 49Jesus omisse itāo, Numoweya net ayawaw muche a̔cha̔k; maka ne kistāyimaw n’ O̔tawe, ākose numoweya ke kistāyiminawaw. 50Mena numoweya ne nutoonān neya kā̔chewak ne kistāye̔takoosewin: maka e̔taw pāuk ā nutoonu̔k mena ā ooyussoowasewāt. 51Tapwā, tapwā, k’ ititinawaw, Keespin oweyuk kunowāye̔tu̔ke net itwāwin, numoweya we̔kach kitta wapu̔tum nippoowin. 52Ākose Jewuk omisse itāwuk, Ākwa ne kiskāye̔tānan ā ayawut muche a̔cha̔k. Abraham ke̔ nippew, mena ookiskewāhikāwuk; ākose ket itwan, Keespin oweyuk kunowāye̔tu̔ke net itwāwin, numoweya we̔kach kitta kochistum nippoowin. 53Owusimā na ket itāye̔takoosin ispee̔ch n’ o̔tawenan Abraham, ka ke̔ nippit? mena ookiskewāhikāwuk ka ke̔ nippitchik: owāna maka keya āssehissooyun? 54Jesus omisse itwāo, Keespin neya ne kistāyimissoon, ne kistāyimoowin numma nantow kākwi: n’ O̔tawe une ka kistāyimit; una ka itayāk, ā Oomunetoomeyāk: 55Numoweya ke ke̔ kiskāyimawaw; maka ne kiskāyimaw: mena keespin ata itwāyan, numoweya ne kiskāyimaw, ne ga kukeyaskiske̔ tapiskooch keyawaw: maka ne kiskāyimaw, mena ne kunowāye̔tumwan oot itwāwin. 56K’o̔tawewaw Abraham ke̔ muma̔takoosew kitta wapu̔tu̔k ne kesikam: ākose ke̔ wapu̔tum, mena ke̔ muma̔takoosew. 57Ākose Jewuk omisse itāwuk, Numma āskwa ke neänunometunowāpipoonan, ākose ke ke̔ wapumaw na Abraham? 58Jesus omisse itāo, Tapwā, tapwā, k’ ititinawaw, Ā moyā e̔tat Abraham, ne ke̔ e̔tan.
59Akose otināwuk ussineeä ā we̔ pimwussinahatchik: maka Jesus kasoo, mena wuyoweew ayumehāwekumikoo̔k o̔che, ā utte itoo̔tāt mākwach itta ā ayayit, mena ākose ā utte muyaskowat.
હાલમાં પસંદ કરેલ:
OO MEYO ACHIMOOWIN ST JOHN 8: CSW
Highlight
શેર કરો
નકલ કરો
Want to have your highlights saved across all your devices? Sign up or sign in
First published by the British and Foreign Bible Society 1876-1877.
