OO MEYO ACHIMOOWIN ST JOHN 7
7
PISKE̔TUSSINA̔HIKUN VII.
1Uskoo̔ch ohoo kākwia Jesus pimoo̔tāo Galileei̔k: weya āka ā we̔ pimoo̔tāt Judeai̔k, chikāma Jewa ā nutoonumeyit kitta nippa̔hikoot. 2Ākwa maka Jewuk oo we̔ko̔toowinewaw mekewa̔pa ka itumee̔k kissewak ayayew. 3Oo’ chewama maka omisse itik, Sipwā̔tā ota o̔che, mena itoo̔tā Judeai̔k, ke kiskino̔humowakunuk weyawaw ussitche kitta ke̔ wapu̔tu̔kik unehee utooskāwina ka totumun. 4Weya āka ā e̔tat oweyuk ā totu̔k kākwi kemooch, mena weya kā̔chewak nutoonum kitta puya̔tā kiskāyimee̔t. Keespin ket itotān ohoo kākwia, nookoohissoo uskee̔k. 5Weya neesta oo’ chewamā āka ā tapwā̔takoot. 6Ākose Jesus omisse itāo, Num’ āskwa neya ne tipa̔hikun ooche̔chepuyew: maka assi keyawaw ke tipa̔hikunewaw ooche̔chepuyew. 7Uske numoweya ke ga ke̔ pukwatikoonawaw; maka neya ne pukwatikoon, chikāma net atotān, unehee utooskāwina itta wā̔chekee ā muchayewu̔kee. 8Neyak keyawaw natumook oma we̔ko̔toowin: Num’ āskwa neya ne ga natān oma we̔ko̔toowin; weya num’ āskwa ne tipa̔hikun metoone ooche̔chepuyew. 9Ispe ohoo ayumewina ka̔ itat, kāyapitch ayaw Gilileei̔k. 10Maka ispe oo’ chewama ka̔ sipwā̔tāyit, itoo̔tāo weya mena we̔ko̔toowini̔k isse, numoweya moosisā, maka tapiskooch kemooch.
11Ākose Jewuk nutoonowāwuk we̔ko̔toowini̔k, mena itwāwuk, Tanewa? 12Ākose ke̔ ke̔che meywakache̔toowuk ayiseyinewuk weya o̔che: weya atee̔t ā itwātchik, Meyo napāwew: kotukuk itwāwuk, Numma; maka kukwāchesehāo ayiseyinewa. 13Maka numoweya oweya puya̔tā achimik weya ā koostatchik Jewa.
14Ākose mākwach ātookwā ā ape̔towuneyik we̔ko̔toowin Jesus itoo̔tāo ke̔che ayumehāwekumikoo̔k, ākose kiskino̔humakāo. 15Ākose Jewuk mamuskatumwuk, omisse ā itwātchik, Tanse ā ’se kiskāye̔tu̔k owa nāpāo mussina̔hikuna, āka we̔kach ā ke̔ kiskino̔huma̔t? 16Jesus nuskwāwusehāo, mena omisse itwāo, Ne kukāskimawusoowin nummayāo neya net ayan, maka weya oot ayan una ka ke̔ pā isitissa̔hoot. 17Keespin oweyuk itāye̔tam kitta totumwat oot itāye̔tumoowin, kitta kiskāye̔tum kukāskimawusoowin, keespin Munetoo̔k wā̔cheemukuneyikwā, a̔po keespin neya net achimissoon. 18Una ka achimissoot nutoonum weya kā̔chewak oo kistāye̔takoosewin: maka una ka nutoonumwat oo kistāye̔takoosewineyew unehee ka ke̔ pā isitissa̔hookoot, āwuko tapwāwinewew, mena numoweya kekeskak muchatissewin. 19Numma na Moses ke ke̔ meeyikoowaw itussoowāwin, ākose numma wawach pāuk keyawaw ke kunowāye̔tānawaw itussoowāwin? Tanā̔kā wā̔che nutoonumāk kitta nippa̔heyāk? 20Ayiseyinewuk nuskwāwusehāwuk mena omisse itwāwuk, Ket ayawaw muche a̔cha̔k: owāna nātoonu̔k kitta nippa̔hisk? 21Jesus peekiskwāo mena omisse itāo, Ne ke̔ totān pāuk utooskāwin, ākose ka̔keyow ke mamuskatānawaw. 22Moses ke ke̔ meeyikoowaw circumcision; (numoweya Mosesi̔k ā o̔cheek, maka o̔tawemawi̔k o̔che); mena keyawaw ā ayumehāwe kesikak napāo ke meeyawaw circumcision. 23Keespin napāo ā ayumehāwe kesikayik o̔tinum circumcision, āka oot itussoowāwin Moses kitta ke̔ peekoonumoo̔t; ke kissewahitinawaw na, metoone ā ke̔ pimachehuk napāo ā ayumehāwe kesikak? 24Ākaweya ooyussoowāk ā isse wapu̔tumāk, maka ooyussoowatumook kwiusk ooyussoowāwin. 25Ākose atee̔t unekee Jerusalemi̔k ka o̔cheetchik itwāwuk, Nummayāwa na ohoo, ka nutoonowatchik kitta nippa̔hatchik? 26Maka, matika, soo̔ketā̔hāwe peekiskwāo, ākose numma nantow itāwuk. Mutwane ka tipāyimewātchik kiskāye̔tumwuk tapwā metoone ohoo ā Christeweyit? 27Atoweya ke kiskāyimanow owa napāo itta wā̔cheet: maka ispe Christ tukoosee̔ke, numma oweyuk kiskāye̔tum itta kā o̔cheeyit. 28Ākose Jesus kissewāo pee̔che ayumehāwekumikoo̔k mākwach ā kiskino̔humakāt, omisse ā itwāt, Ke kiskāyiminawaw, mena ke kiskāye̔tānawaw itta wā̔cheeyan: mena numoweya kā̔chewak neya ā tukoosineyan o̔che, maka una ka ke̔ pā isitissa̔hoot tapwāwinewew, āka ka kiskāyimayāk. 29Maka neya ne kiskāyimaw: weya ākota ā o̔cheeyan, mena weya ka ke̔ pā isitissa̔hoot.
30Ākose nutoonumwuk kitta otinatchik: maka numma oweyuk ke̔ otināo, chikama numoweya chāskwa ooche̔chepuyeyew oo tipa̔hikun. 31Ākose me̔chāt ayiseyinewa tapwā̔tak, mena itwāyewa, Ispe Christ tukoosee̔ke, owusimā na mamuskache isse̔chekāwina kitta totum ispee̔ch ohoo owa napāo ka ke̔ totu̔k? 32Phariseewuk maka pā̔tumwuk ayiseyinewa unehee kākwia ā o̔che peekiskwāyit weya o̔che; ākose Phariseewuk mena ke̔che ayumehāwekemawuk isitissa̔wāwuk semakunissewekemawa kitta otinayit.
33Ākose Jesus omisse itāo, Kāyapitch utcheyow ke ga wechāwitinawaw, ākose kā natuk una ka ke̔ pā isitissa̔hoot. 34Ke ga nutoonowinawaw, ākose numoweya ke ga miskowinawaw: mena itta ā ayayan, ākota numoweya ke ga ke̔ pā itoo̔tanawaw. 35Ākose Jewuk omisse ititoowuk, Tantā kā itoo̔tāt, āka kā ke̔ miskowu̔k? kitta natāo na ka nunanis ayayit Gentilea, mena kitta kiskino̔humowat Gentilea? 36Kāko itwāwin oma ka ke̔ itwāt, Ke ga nutoonowinawaw, ākose numoweya ke ga miskowinawaw: mena itta ā ayayan, ākota numoweya ke ga ke̔ pā itoo̔tanawaw? 37Iskwyach ā kesikak, unima ke̔che we̔ko̔toowe kesikaw, Jesus nepowew mena kissewāo, omisse ā itwat, Keespin oweyuk noo̔tā yapakwātche, keyam ne ga pā natik, ākose kitta mini̔kwāo. 38Una ka tapwā̔towit, ka ke̔ isse itwāmuku̔kee ke̔che mussina̔hikāwina, wuta̔k o̔che kitta o̔chechewuneyewa sepeeä pimatissewe apoë. 39(Maka oma ka itwāt ā ayimoomat A̔cha̔kwa, unehee kā tapwā̔takoot kā ke̔ o̔tinayit: weya ka Kunatissit A̔cha̔k āka chāskwa ā ke̔ mākee̔k; weya āka chāskwa Jesus ā ke̔ kistukimee̔t.)
40Āwuk’ o̔che me̔chāt ayiseyinewuk, ispe peā̔tu̔kik oma itwāwin, itwāwuk, Kā̔chenamach tapwā owa una Ookiskewāhikāo. 41Kotukuk itwāwuk, Āwuko owa Christ. Maka atee̔t itwāwuk, Christ na Galileei̔k kitta o̔che o̔cheew? 42Numma na ke̔che mussina̔hikāwina itwāmukunwa, Christ kitta o̔cheet oot owasimisi̔k o̔che David, mena otānowi̔k o̔che Bethlehemi̔k, itta David ka ke̔ ayat? 43Ākose maka pa̔pa̔kan itwāwuk ayiseyinewuk weya o̔che. 44Mena atee̔t oo ga ke̔ otina̔tawaw; maka numoweya oweya otinik.
45Ākose semakunissewekemawuk ke̔che ayumehāwekemawa otee̔tāwuk mena Phariseewa; ākose omisse itāwuk, Tanā̔kā āka wāche pāsewāk? 46Semakunissewekemawuk omisse itāwuk, Numma we̔kach oweyuk isse peekiskwāo tapiskooch owa napāo. 47Ākose peekiskwāwuk weyawaw Phariseewuk, Keyawaw na ussitche ke kukwāchesehikowinawaw? 48Ke̔ tapwā̔towāwuk na ka tipāyimewātchik a̔po na Phariseewuk nantow weyawaw? 49Maka okoo ayiseyinewuk āka ka kiskāye̔tu̔kik ooyussoowāwin muchuke̔chekasoowuk. 50Nicodemus omisse itāo, (una ka ke̔ pā natat Jesusa nepatipisk, ā ussitukimee̔t,) 51Ket itussoowāwinenow ooyussoowatik na oweyuk, ā moyā pā̔takoot, mena kiskāye̔chekatāk kākwan teyotu̔k? 52Nuskwāwusehāwuk mena omisse itāwuk, Keya na ussitche Galileei̔k ket o̔cheen? Nutoonikā, mena nunatowape: weya Galileei̔k o̔che āka kitta o̔cheet ookiskewāhikāo. 53Ākose tu̔to napāo kewāo weya kā̔chewak oo waskahikuni̔k isse.
હાલમાં પસંદ કરેલ:
OO MEYO ACHIMOOWIN ST JOHN 7: CSW
Highlight
શેર કરો
નકલ કરો
Want to have your highlights saved across all your devices? Sign up or sign in
First published by the British and Foreign Bible Society 1876-1877.
