Toango 25
25
Iwa ya Abalayama
(1 Bes 1.32-33)
1Limʼako Abalayama aokola waji omo, lina likae Ketula. 2Ende aolootela Zimelana, Yokesana, Medana, Midiana, Yisebaka la Sua. 3Ko Yokesana aoota Seba la Dedana. Ko bana ba Dedana wae Basula, Letusima, la Lumima. 4Ko bana ba Midiana baki Efa, Efele, Anoka, Abida, la Eleda. Bane bauma baki bana ba Ketula. 5Ko Abalayama aokaya Yisaka liaci likae liuma. 6Lolonde ele bana bʼaende bʼamatoʼakae bʼakwala aokaya nganji, ko nkʼaikʼende, aolaimola limʼele bonʼokae Yisaka, aolakenza wiji wa est, ndʼokili wa est.
7Bembile beuma bia loiko ja Abalayama beki mbula bonkama fa ntuku nsambo lʼitano. 8Ko Abalayama aowa akiʼndʼokitaka engambi mongo lʼofula wa mbula, ko aocwʼele banto bakae bawei. 9Bana bakae, Yisaka la Yisamaele baolokunda nda ntoka ea Makepela, nda lisala liki Efulona, bona owa Soala, owa Ete, nda est ea Mamele. 10Lisala liko wae liki Abalayama osombaka limʼele bana ba Ete. Abalayama la waji okande Sala baokundamʼeko. 11Ndʼafeka bʼiwa ya Abalayama Nzakomba aosakela Yisaka bona okande bokako wa swa. Ko yisaka aofetsa ntutama lʼetoko ea Bela-lai-loi.
Biotswelo bia Yisamaele
(1 Bes 1.28-31)
12Bine bile biotswelo bia Yisamaele, bona owa Abalayama, oki Angala, bosi Ejipeto, bokwala owa Sala, ootelaka Abalayama. 13Baina ba bana bʼaende ba Yisamaele bale ngone, ndʼelenge ekiʼyʼootswaka. Nsomi ea Yisamaele wete Nebayota, nkako Kedala, Adabele, Mibesama, 14Misema, Duma, Masa, 15Adala, Tema, Yetula, Nafisa la Kedema. 16Bako bale baina ba bana bʼaende ba Yisamaele, elengʼele benanga bekiyo la beyalo bekiyo, rois jom lʼafe elengʼele beloi bekiyo. 17Mbula ya loiko ya Yisamaele iki wete mbula bonkama la ntuku isato la nsambo. Ko ende aowa, ko aocwa ele baise bakande. 18Bana bakande bafetsaki lima Awila elaka nko Sula, nda joso jʼEjipeto nda mboka ecwa Asulia; ende afetsaki ndongama la bioto bikae biuma.
19Bana ba Yisaka, bona owa Abalayama, bale ngone: Abalayama aoota Yisaka. 20Yisaka aokita mbula ntuku inei akiʼndʼokolaka Lebeka, bona owa Betwele, bosi Sulia, owa Padanalama, nkana ea Labana, bosi Sulia, wae ayalewaji okande. 21Ko Yisaka aondaki Yawe ndʼeloko ea waji okae, ekiʼnde ekomba: ko Yawe aoloka boondoʼokae, ko Lebeka, waji okae, aofoswa jemi. 22Ko bana baosukana nda likunju likae, ko aokela, “Nga joi lile ngone, njoata jemi lae?” Ko aocwa ouola Yawe joi liko. 23Ko Yawe aolokela,
“Beoci befe bele nda likunju like,
Ko beloi befe biʼanto bifokafwana limʼolelo nda likunju like;
Boloi bomo wifolekola bonkina la mpamba,
Ko nsomi ifosaela owʼafeka.”
24Ko aki ekeke ekae ea mbaota ielaka, bala baasa baki nda likunju likae. 25Owa joso aolola, aki o ngola, jonge liuma liki ngʼonkoto wa nkunza; ko baotanga lina likae Esau. 26Nkako bokune okae aolola, ko likata likae jokita limucu jʼEsau: ndʼewelʼeko baoloilʼende lina Yakoba. Yisaka aokita mbula ntukʼotoa aki Lebeka aotaka.
27Banʼako baosekwa, ko Esau aoyala nkangʼoenga, ko lʼonto owʼokonda; lolo Yakoba aoyala bonto owa kuci, ko aokitase nda tolombe ta bito. 28Yisaka aolanga Esau, ekiʼndʼoleka nyama ikande yʼokonda; lolo Lebeka aolanga Yakoba.
29Bokolʼomo, aki Yakoba okatsaka toma, Esau aolundola limʼokonda, aowa lʼonkata wa nzala. 30Ko Esau aokela Yakoba, “Onkaya toma toko ta ngola, kela nde, elʼemi njowa lʼonkata wa nzala!” (La ncinʼeko lina likande jotangema Edome.) 31Yakoba aokela, “Mbilʼene ontekeza ndʼewelʼea toma tone mpifo eke ea nsomi.” 32Esau aokela, “Bala, ntutsi lʼiwa, ko mpifo ea nsomi eombatelʼemi nkito na?” 33Ko Yakoba aokela, “Onsimbele nsimbi joso.” Ko aolosimbela nsimbi, ko aotekeza Yakoba mpifo ekae ea nsomi. 34Nkako Yakoba aokaya Esau mampa la njunda. Ende aola ko aomela, nkako aolemala ko aokenda. Esau atengwelaki mpifo ekae ea nsomi nkʼelenge eko.
હાલમાં પસંદ કરેલ:
Toango 25: LOL87
Highlight
શેર કરો
નકલ કરો
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987