Toango 23
23
Iwa ya Sala. Abalayama asomba ekundelo
1Ko Sala aokita mbula bonkama la ntukʼife la nsambo: ine iki mbula ya loiko ja Sala. 2Ko Sala aowa nda Kiliyata-Alaba, wae Ebulone, ndʼese ea Kanana; ko Abalayama aokesela ndʼewelʼea Sala, ko aolelʼende. 3Nkako Abalayama aolemala nda joso jʼilaka ya waji okae, ko aokela bana ba Ete bʼaende, 4“Emi nde bofaya la bokenji elʼinyo. Lonkaya bokili wʼekundelo, kela nkunde bawei bakami eko.” 5Ko bana ba Ete baolamba Abalayama wete, 6“Nkolo ekami, otokoza; wole wete roi ea Nzakomba ndʼetei ekiso: sona ekundelo ekiso elanga we, ko kunda bawei bake nkʼeko; nkʼontʼokiso okolima ekundelo ekande. Wambokunde bawei bake.” 7Ko Abalayama aolemala, ko aokusama ele bana bʼese eko, wae bana ba Ete. 8Ko aolakela, Ayaka lolimeza wae nkunde bawei bakami limʼaiso bakami, londokoza, ko lombondele Efulona, bona owa Soala, 9wae ankaya ntoka eatʼende, ele nda ngongo ea Makepela, ele nda ntundo ea lisala likande. Ko njifolokaya wiko bouma wʼofuto wʼeko, mpanga ankayʼeko wae eyale ekundelo ekami ndʼetei ekinyo.” 10Efulona akokitase nda ntoku ea bana ba Ete. Ko Efulona, Bo-Ete, aolamba Abalayama nda joso ja Ba-Ete, wete nda joso jʼantʼauma bandotswa nda wiso wʼonanga, 11“Nkolo ekami, afa ngoko. Ondokoza! Nkokaya lisala liko o nkaka, ko nkokaya ntoka ele nda liko o nkaka; nkokaya nda joso jʼanto bakami. Wambokunde bawei bakawe.” 12Nkako Abalayama aokusama nda joso jʼanto ba ese eko, 13Ko aotefela la Efulona ndʼatoi bʼanto bʼese eko, “Lolonde ngʼolanga, ondokoza; njifokokaya wiko wa lisala liko; ambaka boko limʼelʼemi, kela nkunde bawei bakami eko.” 14Efulona aolamba Abalayama wete, 15“Nkolo ekami, ondokoza; ete i eʼokili ekoka la sekele benkama benei, ndatsʼemi la we eko ele na? Wambokunde bawei bakawe.” 16Ko Abalayama aolimeza bomwa wa Efulona. Ko Abalayama aoleleza Efulona sekele ikiʼndʼoandaka ndʼatoi ba Ba-Ete, sekele ya argent benkamʼenei, nkʼelenge eʼiko isomba banto baoka.
17Ngoso lisala ja Efulona liki nda Makepela nda est ea Mamele, wae lisala liko la ntoka eki eko, ko la betamba beki ndʼelelo bia lisala kio samanyu baolekyama 18ele Abalayama nda joso ja banto ba Ba-Ete, wete nda joso jʼantʼauma bandotswa nda wiso wʼonanga. 19Ndʼafeka bʼaoyiʼane, Abalayama aokunda Sala, waji okande, nda ntoka eki nda lisala ja Makepela nda est ea Mamele, wete Ebulone, ndʼese ea Kanana. 20Lisala ko la ntoka eki eko baolekyama ngʼeatelo ele Abalayama limʼele bana ba Ba-Ete, wae bayale ekundelo ekande.
હાલમાં પસંદ કરેલ:
Toango 23: LOL87
Highlight
શેર કરો
નકલ કરો
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987