Toango 22
22
Lomeko ja Abalayama
1Ko ndʼafeka bʼaoyiʼane, Nzakomba aomeka Abalayama lomeko; aokela, “Abalayama!” Ko ende aolamba, “Emʼone.” 2Ko aokela, “Kola bonʼoke, wae bonʼoke owa likinda Yisaka, ende ondoka we eefe, ko kenda ndʼokili wa Moliya, ko wolekyʼende mbeka eantatumba eko nda ngongo eʼemʼokosangela.” 3Ko Abalayama aoetswa la nkesa mongo, aolafya ekiselo nda mpunda ekae, ko aokola basekota bafe, ko lʼonʼokae Yisaka; aouna nkoi ndʼeloko ea mbeka ea ntatumba, nkako aolemala, ko aokenda ndʼitenela iki Nzakomba osangelaka. 4Nda mbile eʼisato Abalayama aosangyʼaiso, ko aolena wijʼoko ndʼesi. 5Nkako Abalayama aokela basekota bakae, “Inyo locikalʼane la mpunda; emi lʼonolu tifocwa mpiko, toyoosamele Nzakomba, mpanga tute lenkina elʼinyo.” 6Abalayama aokola nkoi ya mbeka ea ntatumba, aolafeza Yisaka bona okae iko, ko aotomba tsa lʼifaka nda likata likae. Baokenda o ngoko bolongo. 7Ko Yisaka aokela Abalayama, ise ekae, “Fafa ekami!” Ende aolamba, “Emʼone, bona okami.” Ko aokela, “Bala tsa ko la nkoi; lolo bona owa mpate ea mbeka ea ntatumba ale nko?” 8Abalayama aokela “Bona okami, Nzakomba ifoyaatelʼende mongo bonʼowa mpate ea mbeka ea ntatumba.” Ko baokenda nkʼiyʼafe bolongo. 9Akʼiyʼokitaka ndʼitenela iki Nzakomba osangelaka, Abalayama aolemya nkinda eko, ko aotanda nkoi nda nkinda, nkako aotungya Yisaka bona okande, ko aoloafya nda nkinda ndʼaliko ba nkoi. 10Nkako Abalayama aosembola likata, aokola ifaka wae aome bonʼokande. 11Lolo ekima ea Yawe aoloeta lima loola, aokela,” Abalayama! Abalayama!” Ko aolamba, “Emʼone.” 12Ende aokela, “Tawilake likata elʼonolu, ko tokeelakʼende joi; elʼaeyoko ndea wete oanga Nzakomba, eki we ntompima bona oke, wete bona oke owa likinda.” 13Nkako Abalayama aosangya baiso, aolenda, ko bala mpate ea jende eki eko ndʼafeka bakande, ekotungi nda nkaka lʼaseke bakande. Abalayama aocwa okola mpate eko, ko aolekyʼeko mbeka ea ntatumba ndʼeloko ea bona okande. 14La ngoko Abalayama aotanga lina jʼitenelʼiko Yawe-yile; nkʼelenge ete felama joi o la mbilʼene, “Bolemo wifokaema nda ngongo ea Yawe.”
15Ko ekima ea Yawe aoleta Abalayama weta wʼefe lima loola, 16aokela, “Yawe aotefela, Eki we okelaka joi line, ko ntompima bona oke, weta bona oke owa likinda, njosimba nsimbi lʼemi mongo; 17wete asakʼemi bokako, njifokosakela we bokako wa swa; ko afuzʼemi njifofuza banaʼake ngole tooci ta loola, ko ngole bekongo bele ndʼeselo ea lieke jʼokwa; ko banaʼake bifosangola wiso wʼaini bakiyo. 18Ko ba benanga biʼokili bauma bifosakema bokako wa swa lʼanaʼake la ncinʼeki wʼimezaka bomwa bokami.” 19Ko Abalayama aolutʼele basekota bakande, ko iyo baolemala, baokenda bolongo nda Bela-Seba. Ko Abalayama aofetsa nda Bela-Seba.
20Ko ndʼafeka ba baoyiʼane baosangela Abalayama, “Bala, Mileka aootela Naola, bokune oke, bana wete; 21Uza nsomi ekae, Buza bokune okae, Kemwele ise ea Alama, 22Kesede la Azo, Piladasa, Yidilafa la Betwele.” 23Ko Betwele aoota Lebeka. Mileka aootela Naola, bokune owa Abalayama bana bane mwambi. 24Ko waji okae owʼokwala, lina likae Luma, aolootela bana ngoko, wete Teba la Ngama la Tayasa la Maka.
હાલમાં પસંદ કરેલ:
Toango 22: LOL87
Highlight
શેર કરો
નકલ કરો
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987