Ra Vei Hira Yarisula 1
1
NA SOPENA 1.
1A Na majihana sope aivea, Teovilus, suri ra sanu vunuvunu Iesu movaere vera me mopipisera.
2Me na majihana me na rani mosahe me na tailahi, tau valui na tuiturituai Talume Tapu movaraira pilana Varisula ra sanu tevera pa.
3Me na tahu mopisea Inie momauri ta mera, tau na mate hina, me na rio ra tari tepinisi susuhia. Momalua ta mera vahatari me na rani havulavate, me molalaa ta mera suri na Vanuai Atua:
4Me vahatea, hisa mohani valuira, movaraira tesajuri Jerusalem, maa tetilohotiae na sanu ria Tata moaso morahu, na sanu otorohoe meau mine.
5Suria Jon mopaptais me na pei, inaa otopaptais pa me na Talume Tapu taroroi.
6Me na rani motea Ra Varisula tehuhurahi, tetuha Iesu na sanu naa, Varese, ihisa na rani momalua Iniho na Moli hauhaua tuitui me Israel?
7Moaso, Mosapilamiu sura pinisi na rani na Tata moaso sura sena hauhaua;
8Maa otolavi pa na hauhaua me na rani na Talume Tapu mosumai meamiu, me amto ototajua-hina-lalaa suriau, me sa Jerusalem hasa, maa me Jutia vunuvunu me Sameria, me neevano jujua me na ulu.
9Hisa mosori na lalaa, tilavia motasahe me na nohora, na mariho mopunia, ilavia tesarenia.
10Ra Varisula teriosahe me na masau, terenia mosahe, me vileahi tereni-rarua visivisira voevoe teraturi taroroi mera, teraaso:
11“Motoma tohoriosahe na masau, amiu hi Kalili? Iesu naano isei mosahe me na tailahi, isumai pa palahi otorenia mosaheae.”
12Tau Ra Varisula tetasumai me na vuti, na hisena Olivet, me Jerusalem. Moparavu na kilometer itea me na vanua tahajia.
13Tetaliliu, tetasahe me na sitavonara, na vonae veae tetohoae. Hiretou Piter, Jon, Jemes, Antru, Vilip, Tomas, Partolemu me Mattiu, Jemes matui Alpeus, Saimon na Mahoti, me Jutas matui Jemes.
14Tehuhurahi vunuvunu tuitui sura tematapisi vunuvunu valui ra hajae, Mere na tinai Iesu motea, valui ra tuahana mono.
15Valarani me na huhurahi hira Tuahara, Piter mdmaraha sura lalaa, tari vahatea havularua tajuaae.
16“Tuahara, moaso, Ra sanu Na Pepe moaso mosimalua, na sanu na Talume Tapu moaso me na vivira Tevit suri Jutas, na taha pise na rio, hira tajua isei telavi Iesu, ihije, me sipilana varao me na varao hija.”
18Na tajua naa movoli motina tano suri na volina hina mahui; mojovi me na asahejua, na epena motahajajalai me taitalina temalua.
19Ra tajua vunuvunu me Jerusalem tepinisia, suria na tano molavi na hisena me na loera Akeltama, mopala “tano hina jae.”
20Me na pepe Ra Aviavi, Piter moaso, mouli— “Na peana moso, mojepo pa, Motahonai saitea itohoae;” mono— “Te tajua tatea ialia,”
21Suria hira tajua tetitoho valuija tuitui me na rani Iesu, Varese hija,
22Momauri valuija, movaere me na rani Jon mopaptaisia me na rani Iesu mosahe tureja, tosilavi te tajua tatea pilaja sura varai momaraha hina mate.”
23Temeje na tajua irua, Josev Parsapas, na valuha hisena Justus, me Mattias,
24Tematapisi paleeno, O moli, oievi ra lolomamu, oivaraija isei, ti-matapisi Meho, na tajua oimejeia.
25Sura, molavi na pilana varao, mo-varisula, suria Jutas morovo punu sura vano me na sivanuana.
26Tesasahatiro; me Mattias mopasuae, suria telavia motatea hira Varisula havulatea na vana motea.
હાલમાં પસંદ કરેલ:
Ra Vei Hira Yarisula 1: TLM9109
Highlight
શેર કરો
નકલ કરો
Want to have your highlights saved across all your devices? Sign up or sign in
This is a historic text maintained by the British and Foreign Bible Society.
