Jon 21
21
SOPENA 21.
1Tau ra sanu naa Iesu motapuna pisea vahatea maa me ra uluo hina me na Tasi hi Taipitius.
2Imalua paleeno, Saimon Piter, Tomas na valuna hisena Titimus, Nataniel, hi Kena hi Kalili, ra matui Sepeti, morua maa hira uluo hi Iesu tehiihurahi ae.
3Saimon Piter moaso mera, Ataitali na maji. Teaso rhea, Hije monotolaho valuiho. Telaho, tesahe me na ure vahatea: me na pohi natuha tesalavi tea.
4Na matana maso momaraha; Iesu moturitoho me na one; maa ra uluo hitla tesapinisi inie Iesu.
5Natuha Iesu moaso rdera, Matuu, te majiae? Teaso liliu mea, Aue.
6Moaso mera, Otojuri na maliu me ma matuana pararana ure, otolavira. Suria tejuria, naanoi tesapinisi na raverahae suria ra maji tetavere tavere.
7Suria na uluo hina isei Iesu momejeia moaso me Piter, Inie na Moli. Ihisa Saimon Piter morohoe inie na Moli, rriohajiritusi ra visivisina mea (suria rtiomala-mala) motivu tasivo me na tasi.
8Ra valura uluo hina tenumai me na ure (suria tesaparavu me na ulu, taroroi na Seahi vahahavulalima) terave na maliu me ra maji.
9Ihisa teravea me na ulu, tereni rta hapuae, rla maji me na vosana hapu, na pret mono.
10Iesu moaso mera, Otolavina maji numai otoraveira mine.
11Saimon Piter mosahe me na ure, morave na maliu me na one, mosohoni hira maji tahajia, tari vahatea havulima na vana motolu: tetavere tavere maa na maliu mosamajejere.
12Iesu moaso rriera, Otonumai, otoharti hamiu. Saitea hira motuhae, Iniho isei? suria tepirttei inie na Moli.
13Tau Iesu monumai, molavi na pret, moraurau nie, na maji mono.
14Iano na vahatoluna Iesu motapuna pisea me na uluo hina me na tahuna sena tamaraha hina mate.
15Tau tehani hara tau, Iesu moaso me Saimon Piter, Saimon matui Jonas, oimejeau jivira naa? Moaso mea, Io Moli; oipinisi amejeiho. Moaso mea, Oirau hara ra sipilau matuna sip.
16Moaso mea vaharua, Saimon matui Jonas, oimejeau? Moaso mea, Io, Moli, oipinisi amejeiho. Moaso mea, Oimata ra pilau sip.
17Moaso mea vahatolu, Saimon matui Jonas, oimejeau? Piter mojomi suria moaso vahatolu Oimejeau? Moaso mea, Moli oipinisi ra sanu vunuvunu; oipinisi amejeiho. Iesu moaso mea, Oirau hara ra sipilau sip.
18Motaharahu aaso meho, Me na rani oi-uluo, oivisiho, oilaho veae oimejeia; maa me na rani oivarie, oisehe pa ra havemu, motatea mohajiriho mopalaho veae oisamejeia.
19Moaso na sanu naa sura pisea paleve momate sura hale Atua. Tau moaso na sanu naa moaso mear Oilaho tahuu.
20Natuha Piter moilao moreni na uluo Iesu mcmejeia molaho tahuna; inie moveserahi me na vusona me na hanihani hina ravi, moaso, Moli, isei mcmahui niho?
21Piter morenia, moaso me Iesu, Moli, na tajua naa movei pa na sava?
22Iesu moaso mea, Va amejeia tomotoho me na rani atamalua, mosapilam! oilaho tahuu.
23Suria na aso naa molaholaho me ra Tuahana na uluo naa mosamate pa; maa Iesu mosaaso mea, Mosamate pa; maa va amejeia tomotcho me na rani atamalua mosapilam.
24Inie na uluo hi Iesu isei movetiveti suri ra sanu naa: topinisi na sena vetiveti motaharahu.
25Ra valura sanu tari Iesu movera, va tiulira vunuvunu aninima ra pepe tesohoni na ulu tiulira surira. Amen.
હાલમાં પસંદ કરેલ:
Jon 21: TLM9109
Highlight
શેર કરો
નકલ કરો
Want to have your highlights saved across all your devices? Sign up or sign in
This is a historic text maintained by the British and Foreign Bible Society.
