Jon 20
20
Na Mauri Tamaraha.
SOPENA 20.
1Me na majihana rani hina uik Mere Maktalene momalua me na malaha pepe vuha, mopohi reji, me na malo-ima hira tahamate, moreni telavituhe mine na malo me na vavana maloima.
2Tau morovo, monumai me Saimon Piter me na valuna uluo isei Iesu momejeia, moaso merarua, Telavituhe na Moli me na maloima, tosapinisi tejuria veae.
3Suria Piter molaho, na valuna uluo hi Iesu mono, teramalua me na maloima.
4Terarovorua; na valuna uluo hi Iesu morovo jivi Piter, monumai majiha me na maloima.
5Motitioho, moreni na lolona maloima, moreni ra visivisi tetitoho; maa mosaruhusahe.
6Natuha Saimon Piter momalua me na tahuna, moruhusahe me na lolona malo-ima, moreni ra visivisi te-tetohoae.
7Na ruru tetalihea me na rena mosatoho me ra valura visivisi maa itoho hasena me na vonae motea.
8Natuha na valuna uluo hi Iesu moruhusahe, isei momalua majiha me na malo-ima, morenia, morohoroho.
9Suria tesapinisi ra pepe tapu reji, mositamaraha hina mate.
10Tau ra uluo hi Iesu teralaho, teramule.
11Maa Mere moturitoho me na majaraha hina maloima, motahi: ihisa motahi motitioho, moreni na lolona i maloima.
12Moreni ra enjel morua terariri na visivisi voe, tesihetoho motea me na rena, motea me ra ena veae na epei Iesu tomotoho mine.
13Teraaso mea, Hajai, oitahi sura sava? Moaso merarua, Suria telavituhe na pilau Moli, asapinisi tejuria veae.
14Ihisa moaso paleeno, moilao, moreni Iesu moturitoho, mosapinisi inie Iesu.
15Iesu moaso mea, Hajai, oitahi sura sava? Moninima inie na tahamata na uma, moaso mea, Va oilavituhea mine, oivaraiau oijuria veae, alavituhea pa.
16Iesu moaso mea, Mere. Moilao, moaso mea, Raponi e me na loeja, Varese.
17Iesu moaso mea, Oitena tieliau: suria asasahe reji me Tamau: maa oivano me ra tuahau, oiaso mera, Asahe me Tamau, na Tamamiu, me na Atua hiu, na Atua himiu.
18Mere Maktalene monumai, movarai ra uluo hina moreni na Moli; moaso ra sanu naa ta mea.
19Me na rani iano me na pohi, na majihana rani hina uik, tau tetirihoro na pea veae ra uluo hi Iesu tehuhurahi suria teine ra Ju, Iesu momalua, moturitoho me na vuati hira, moaso mera, Na lolotamautu ta me amiu.
20Tau moaso paletuha, mopisera ra havena me na pararana. Natuha ra uluo hina teejieji suria tereni na Moli.
21Vahatea maa Iesu moaso mera, Na loldtamautu ta me amiu: palahi Tamau mosulau, asula amiu.
22Tau moaso na sanu naa, momahoso mera, moaso mera, Otolavi na Talume Tapu.
23Va otojurituhe ra: veioso hina tajua, ijurituhe; va otoasd ra veioso hina tetitoho, tesitoho.
24Maa Tomas, motea hira havulatea vana morua, na hisena Titimus, mosanieae ihisa Iesu momalua.
25Suria ra valura uluo hi Iesu teaso mea, Toreni na Moli mine. Maa moaso, va asareni me ra havena ra matamata hira vosa, asajuri na sasarihana haveu me na pararana, asarohoroho pa.
26Tau na pohi molimaravito, vahatea maa ra uluo hi Iesu tetoho me na pea, Tomas movaluira: natuha Iesu momalua, tetirihoro na pea mine, moturitoho me na vuati hira, moaso, Na lolotamautu ta me amiu.
27Natuha moaso me Tomas, Oisehe na sasarihana havemu, oireni ra haveu; Oisehe ria haverhu, oijojorea me na pararau: moso oisarohoroho, maa oirohoroho.
28Tomas moaso liliu, moaso mea, Na pilau Moli, na Atua hiu.
29Iesu moaso mea, Tomas, suria oireniati oirohoroho: ihire teejieji isei tesareniau maa terohoroho.
30Ra valura-matamata ra tari Iesu movera me na pahora uluo hina, tisaulira me na pepe naa:
31Maa tiuli ra matamata naa sura otorohoroho Iesu inie na Kristo; ria Matui Atua: sura otorohoroho oto-lavi na mauri suria otopinisia.
હાલમાં પસંદ કરેલ:
Jon 20: TLM9109
Highlight
શેર કરો
નકલ કરો
Want to have your highlights saved across all your devices? Sign up or sign in
This is a historic text maintained by the British and Foreign Bible Society.
