Kuyamba 13
13
Kupatukana kwa Abhuramu na Loti
1Abhuramu adachoka mu Ijipiti, iye nankazi wake nabzentse bzaakhanabzo pabodzi na Loti nkuyenda ku Negebhu. 2Abhuramu akhadakhupuka kwene-kwene, pabzifuwo nasiliva nagolidhe. 3Adachoka mu Negebhu nkuyenda mpaka adazafika ku Bheteli, kwaadambazika matenti yake pakuyamba, pakati pa Bheteli na Ayi, 4pambuto yaakhadambamanga mbuto yakupelekela ntsembe pakuyamba, kumweko Abhuramu adachemela dzina la Chawuta.
5Loti uyo adayenda na Abhuramu, akhalimbo pomwe namabila nang'ombe namatenti. 6Nakutenepo mbuto imweyo ikhakwana lini kuti akhale pabodzi. Bzinthu bzawo bzikhali bzizinji kwene-kwene, bzikhakwanisika lini kuti akhale pabodzi, 7pomwe anyakabusa wabzifuwo bza Abhuramu na Loti adayamba kushupana. Nthawe imweyo a Kenani naa Perezi akhakhala mudziko limwelo.
8Abhuramu adati kwa Loti, “Anyakabusa wako nawangu ngaaleke kushupana, pakuti ndise wanthu wachibale. 9Ko dziko sindilo lentse lawuli kuwona? Nakutenepo iwe nayine ngatipatukane. Iwe ukayenda kujanja lamanzele, ine niniyenda kujanja ladidi.”
10 #
Kuya 2:10
Loti adanyangana nkuwona kuti muchigowa chamu Jorodhani, kufika ku Zoari kukhana madzi mazinji pentse-pentse ninga munda wa Chawuta, ninga bzikhadachita dziko la Ijipiti. Nthawe imweyo Chawuta akhanati waphwanya Sodhomu na Gomora. 11Nakutenepo Loti adasankhula chigowa chentse chamu Jorodhani, iye adazayenda kakhala kumabveladzuwa. Ndiko kupatukana kwaadachita awa awili. 12Abhuramu adakhala mudziko la Kenani, koma Loti adakhala pakati pamaguta yakhali muchigowa, adazika matenti yake pafupi na Sodhomu. 13Tsapano wanthu waku Sodhomu akhali wakuyipa, wakuyipa akulu pamaso pa Chawuta.
Abhuramu aniyenda ku Hebhuroni
14Chawuta adati kwa Abhuramu, pambuyo pakupatukana na Loti, “Nyangana, uwone kuchoka pambuto pawuli, chakudzulu nachakunyantsi, chakumabveladzuwa nachakumadokelo, 15#Mab 7:5pakuti dziko lawukuwona nin'zalipeleka kwayiwe, nakukum'badwe wako kufika lini nalini. 16Nin'zachita kuti m'badwe wako uwande ninga pfumbi lapadziko, kuti peno munthu ankwanisa kuwelenga pfumbi lapadziko lapantsi, m'mbadwe wakombo un'zakwanisa kuwelengeka. 17Sumuka, famba muwutali namuwufupi mwadziko, pakuti ninilipeleka kwayiwe.”
18Nakutenepo Abhuramu adachosa matenti yake achiyenda kakhala pamioki yapa Mamure mu Hebhuroni, kumweko adamangila Chawuta mbuto yakupelekela ntsembe.
હાલમાં પસંદ કરેલ:
Kuyamba 13: KUNDA
Highlight
શેર કરો
નકલ કરો
Want to have your highlights saved across all your devices? Sign up or sign in
Bhaibheri reChikunda © Bible Society of Zimbabwe