Isaya 66
66
1 #
1 Mak 28:2; 2 Mak 6:18; Int 11:4; Inc 7:48,49; Mt 5:34-35; 23:22 Mbuboobu mbwaamba Jehova. Ijulu ncecuuno cabwami bwangu, anyika ncecilyatililo camaulu aangu. Ino ili kuli iŋanda njimuti ndiyakile? Nkokuli nkunkonzya kujana cilyokezezyo? 2#Int 34:18; Ezr 9:4; Int 119:120,161; Tus 28:14Nkaambo zintu ezi zyoonse, ijanza lyangu ndelyakazilenga, zyoonse nzezyangu, mbwaamba Jehova, Pele muntu ngunzoolemeka ngooyu: kufumbwa uulipenzya akulibombya mumoyo, uukankama kumajwi aangu. 3Kufumbwa uujaya musune uli mbuli oyo uujaya muntu, kufumbwa uutuuzya kabelele uli mbuli oyo uutyolela mubwa insingo, cipaizyo cabusu ncintu comwe abulowa bwangulube, ayooyo uutenta tununkilizyo ulyeelene ayooyo uukomba cikozyano camizimu. Bantu aba balilisalilide inzila zyabo, amyoyo yabo ilabotelwa zisesemyo zyabo. 4#Tus 1:24Lino ambebo njoobasalila mapenzi, acintu eco nciconya ncibayoowa njoocileta kulimbabo, nkaambo kakuti nindakaita teebakavuwa, nindakaamba teebakaswiilila, pele bakacita bubi mumeso aangu akusala citandiboteli.
5 #
Joh 15:18; Mt 24:9; Is 5:19; 2 Tes 1:10; Tit 2:13 Amuswiilile ijwi lya-Jehova inywe nemukankama kujwi lyakwe, Bana bakwanu bamusulide, bamutanda nkaambo kazina lyangu, balaamba kuti, Jehova alemekwe, kuti tubone lukondo lwanu, Pele mbombabo beni bayoousigwa insoni. 6Kwamvwigwa ijwi lyalupyopyongano lizwa mumunzi, ijwi lizwa muntempele! Ndijwi lya-Jehova uubweedezya basinkondonyina inkoto yabubi. 7#Ciy 12:5Zioni naatakaina kuciswa, wakatumbuka, Naatakaina kumvwa macise, wakazyala mwana mulombe. 8Nguni uumvwide cintu cili obo? Nguni uubwene makani aali obuya? Sa cisi cilazyalwa mubuzuba bomwe? Sa musyobo woonse ulazyalwa ciindi comwe? Nkaambo Zioni, naakamvwa macise aakwe, wakazyala bana bakwe ndilyonya. 9Na ndamuminsya sa ndakonzya kutamuzyazya? mbwaamba Jehova. Mebo nenzyazya sa ndakonzya kusinka izyalilo? mbwaamba Leza wanu.
10Amukondwe a-Jerusalemu, amumusekelele, nyoonse nemumuyanda.
Amutangale awe mukukondwa, inywe nemumulila, 11kuti munyonke akukuta kunkolo zyakwe zyakuumuzya, munywe cakubotelwa kubulemu bwakwe bugambya. 12#Is 48:18; 49:22; 60:4,5,16Nkaambo mbuboobu mbwaamba Jehova. Njoomuvuzizya luumuno mbuli mulonga, abuvubi bwabamasi buyoomubeda mbuli kalonga kapaya, elyo muyoonyonka, muyoobbalwa asolo akusumpaulwa amazwi. 13Mbubonya mbuli muntu banyina ngubaumbulizya, ambebo njoomuumbulizya, nkabela muyooumbulizigwa mu-Jerusalemu. 14#Ezk 37:1Lino muyoobona, nkabela myoyo yanu iyookondwa, azyalo zifuwa zyanu ziyoojata inguzu mbuli mweemvwe. Kuyoozibwa kuti ijanza lya-Jehova ndeligwasya balanda bakwe, pele basinkondonyina ulabakalalila. 15#Is 9:5; 2 Tes 1:8Nkaambo amubone! Jehova uyoosika amulilo, ankalaki zyakwe ziyooba mbuli kambizi, kuti bukali bwakwe bubuke canguzu, atapatile bantu amabangabanga aamulilo. 16#Is 27:1Nkaambo Jehova uyoobeteka amulilo; ipanga lyakwe liyoouma bantu boonse, abajayidwe ba-Jehova bayoovula, 17#Is 65:3,4Abaabo balisalazya akulibamba kunjila mumyuunda, batobela umwi uuli akati kabo, balya nyama yangulube azisesemyo ambeba, boonse bayoomaninina antoomwe, mbwaamba Jehova.
18 #
Ciy 2:2; Heb 4:13 Nkaambo mebo ndizi milimo yabo amiyeeyo yabo mbiibede. Ndeza kubunganya bamasi boonse abantu bamyaambo yoonse, elyo bayoosika kuti babone bulemu bwangu. 19#Lk 2:34; Mal 1:11Nkabela njoobika citondezyo akati kabo, Abamwi basyeede njoobatuma kulibamasi, ku-Tarisi aku-Puli akuli ba-Ludi basimata aku-Tubali aku-Javani akunyika zyakunkomwe yalwizi zili kule, kubantu batanamvwide impuwo yangu nikuba kubona bulemu bwangu, nkabela bayoolwiida bamasi makani aabulemu bwangu. 20#Rom 12:1; 15:16Lino bayooleta bana bakwanu boonse kuzwa kuzisi zyoonse, zibede Jehova cituuzyo. Bayoobaleta balitantide amabbiza, amunkalaki, amunola, aambongolo, aankamele, mane lumwi basike kucilundu cangu cisalala caku-Jerusalemu, mbwaamba Jehova, mbubonya mbuli bana ba-Israyeli mbubaleta zipo zyabusu kuŋanda ya-Jehova mucilido cisalala. 21#Kul 19:6; Is 61:6Abamwi babo njoobabweza kuti babe bapaizi aba-Levi, mbwaamba Jehova. 22#Is 65:17; 2 Pet 3:13; Ciy 21:1Nkaambo mbubonya mbuli ijulu ipya anyika impya nzinsi lenge mbuziyookalilila kubusyu bwangu, mbwaamba Jehova, lunyungu lwanu azina lyanu ziyookalilila mbubonya. 23#Zek 14:16; Int 65:2Nkabela kuzwa kumwezi mupya akusikila kuluumwi mupya, akuzwa kubuzuba bwa-Sabata akusikila kulibumwi bwa-Sabata, bantu boonse bayoosika kuzookomba kubusyu bwangu, mbwaamba Jehova. 24#Mk 9:48Lino bayooinka kuyoobona mitunta yabantu, ibakandipapila, nkaambo imvunyu zyabo tazikwe nizifwa, amulilo wabo tuukwe nuuzima, pele bayoobeda bantu boonse cisesemyo.
Sélection en cours:
Isaya 66: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.
