Jeremiya 1
1
Jeremiya mbwaakapegwa milimo yabusinsimi
1 #
Jos 21:18
Ngaaya majwi aa-Jeremiya mwana wa-Hilikiya, umwi wabapaizi bakuAnatotu mucisi ca-Benjamini. 2#2 Pet 1:21; Jer 25:3; 2 Bam 22:3–23:27; 2 Mak 34:8–35:19Ngonguwe iwakasikilwa ijwi lya-Jehova mumazuba aa-Josiya mwana wa-Amoni mwami wa-Juda, mumwaka wakumi aitatu wabwami bwakwe, 3#Jer 39:2; 52:12; 2 Bam 25:8; 2 Bam 23:36–24:7; 24:18–25:21; 2 Mak 36:5-8,11-21amumazuba aa-Jehoyakimu mwana wa-Josiya mwami wa-Juda, mane kusikila kumwaka wakumi aumwi wabwami bwa-Zedekiya mwana wa-Josiya mwami wa-Juda, bantu ba-Jerusalemu nibakatolwa kubuzike mumwezi wasanu.
4Ijwi lya-Jehova lyakandisikila, lyakati, 5#Lk 1:15Nkentana kukubumba mwida ndakalikuzi, nowatakaina kuzwa muzyalilo ndakakusalazya akukubika kuti ube musinsimi wakukambaukila bamasi. 6#Kul 4:10Lino ndakaamba kuti, Akaka Mwami Jehova! Mebo nsikonzyi kukambauka, nkaambo ncili mwanikenike. 7#Kul 7:1,2; Ezk 2:3,4; Mt 28:20; Mk 16:15,16; My 22:20; 1 Bam 22:14Pele Jehova wakandaambila kuti, Utaambi kuti, Ncili mwanikenike, nkaambo uleelede kwiinka kubantu boonse, kufumbwa nkundakutuma, amakani oonse ngendakulailila uleelede kwaamba ngao. 8#Kul 3:12; Dt 31:6; Inc 26:17Utayoowi masyu aabo pe, nkaambo ndi ayebo, nzookuvuna, mbwaamba Jehova. 9#Is 6:7; 51:16Mpawo Jehova wakatandabika ijanza lyakwe, waampa mulomo wangu, wandaambila kuti, Bona! Ndabika majwi aangu mumulomo wako. 10#1 Bam 17:1; Jer 25:15; Ciy 11:3-6; 2 Kor 10:4Langa! Buzuba obuno ndakupa bwami bwabamasi abwazisi, bwami bwakunonkola abwakumwaya, bwakunyonyoona abwakujayilila, bwakuyaka abwakusimpika.
Zilengano zyobile nzyaakabona Jelemiya
11Lino ijwi lya-Jehova lyakandisikila, lyakati, Ncinzi ncobona, Jeremiya? Ndakavuwa kuti, Ndabona musako waalmondi. 12#Dt 32:35Lino Jehova wakandaambila kuti, Wabona kabotu, nkaambo mebo ndalangilila majwi aangu kuti nkaazuzikizve.
13Elyo ijwi lya-Jehova lyakandisikila lwabili liti, Ncinzi ncobona? Ndakavuwa kuti, Ndabona ibiya lyakujikila, lilisuleme kulanga kunyika. 14Lino Jehova wakandaambila kuti, Kunyika nkokuyoozwa mapenzi, ayoosikila bantu boonse bacisi. 15#Jer 39:3Ncobeni ndaita inzubo zyoonse zyazisi zyakunyika, mbwaamba Jehova, nkabela bayoosika, bayookazika umwi aumwi cuuno cakwe cabwami kumanjililo aamilyango ya-Jerusalemu, akuzyungulusya malambo aawo oonse, akuminzi yoonse yacisi ca-Juda. 16#Lev 26:15; Jer 4:12; Dt 28:20Lino njoombolozya abo nkaambo kabubi boonse mbubacita, nkaambo balinditakatide, balatentela mizimu myeenzu tununkilizyo akukotamina zilenge zyamaanza aabo beni. 17#1 Bam 18:46; Kul 3:12Lino webo, kolyaanga mucibuno, buka, ukabaambile majwi oonse ngendakulailila. Utayoowi kulangana abo, kuti ntakuyoosyi kumeso aabo. 18Bona! Buzuba obuno ndakubika kuti ube munzi uuli alubaya, munsende wabutale, malambo aamundalila, kunyika yoonse, kubami bacisi ca-Juda abasilutwe baco abapaizi baco abantu boonse banyika. 19#My 14:9; Int 27:1; Rom 8:31Bayookulwisya, pele tabakooyookuzunda pe, nkaambo ndi ayebo, nzookuvuna, mbwaamba Jehova.
Sélection en cours:
Jeremiya 1: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.
