Versets bibliques populaires de Gyenesise 1

Partager

Afei Nyameɛ sele kyɛ, “Ɛ́mɔma yɛyɔ sona kyɛ yɛ sɛso, ma osoma yɛ; ná yɛ́ma benya tumi wɔ ɛpo nu ngaka so, ewienu nnomaa so, awuro ngaka so, aseɛ amukoraa so, ɔne kaka biala bɔ ɔtwe ye nwo ase wɔ aseɛ so ɔ so.” Yiti Nyameɛ bɔle sona kyɛ ye bɔbɔ ye sɛso, Nyameɛ sɛso yeɛ ɔbɔle ye ɔ; ɔbɔle bienzua ne brasua.

Nyameɛ yirale bɛ, na osele bɛ kyɛ, “Ɛ́mɔwo ná ɛmɔta, ɛ́mɔyi aseɛ so tɛkyɛ ná ɛmɔli so; ná ɛ́mɔnya tumi wɔ ɛpo nu naen so, ɔne ewienu nnomaa ne kaka biala bɔ ɔwɔ aseɛ so ɔ so.”

Ahyɛaseɛ ne, Nyameɛ bɔle anwuro ne aseɛ.

Né aseɛ te sesakaa bɔ olle bɔbea biala ɔ. Né awosii akata buma ne anye; na né Nyameɛ Sunzum natenate nzue ne anyeso faa.

Na Nyameɛ hane kyɛ, “Ɔ́ta hyireinn!” Na ɔtale hyireinn.

Nyameɛ nwuni kyɛ nningyein bɔ wayɔ ne amukoraa te paa paa. Aleɛ sane, na aleɛ hyene: kyẽa bɔ ɔtɔ so nzia ɛne.

Nyameɛ nwuni kyɛ hyireinn ne te paa, na ɔtele hyireinn ne fili awosii ne anwo.

Na Nyameɛ sele kyɛ, “Ɛ́mɔtie, mafa bakaa biala bɔ osu mmaa wɔ aseɛ so, ɔne bakaa biala bɔ mmaa wɔ ye aleɛ nu mama ɛmɔ, kyɛ ɛmɔ aleɛ ɛne.

Nyameɛ tole hyireinn ne dumaa Alehyeleɛ, yeɛ ɔtole awosii ne dumaa Alesaleɛ. Aleɛ sane, na aleɛ hyene: kyẽa bɔ oli moa ɛne.

Na Nyameɛ hane kyɛ, “Ewienu bra, na ɔɔtete nzue nemɔ anu!” Na ɔwale nu sɔ.

Na kaka biala bɔ ngoa wɔ ye nu: aseɛ so ngaka mukoraa, ewienu nnomaa mukoraa, yeɛ kaka biala bɔ ɔtwe ye nwo ase wɔ aseɛ so ne, mafa nyaanyaa mukoraa mama bɛ kyɛ beli.” Na ɔwale nu sɔ.

Na Nyameɛ hane kyɛ, “Nganea bra ewienu, na bɛɛtete alehyeleɛ ne alesaleɛ bɛ nu, na bɛ́yɛ mmerɛ, ngyẽa ne afoɛ mɔ nwo nzɛngyerɛnneɛ

Na Nyameɛ hane kyɛ, “Aseɛ ófifi ndire, mmakaa bɔ osu mmaa, ɔne mmakaa bɔ ye mma wɔ ye aleɛ nu, ebiala kyɛbɔ ye sue si te ɔ wɔ aseɛ so!” Na ɔwale nu sɔ.

Nyameɛ yɔle ewienu, na ɔtele nzue bɔ ɔwɔ ewienu bo fili bɔ ɔwɔ ewienu anwuro nwo.

Aseɛ fifili ndire, mmakaa bɔ osu mmaa, ɔne mmakaa bɔ mmaa wɔ ye aleɛ nu, ebiala kyɛbɔ ye sue si te ɔ. Na Nyameɛ nwuni kyɛ ɔte paa.

Yiti Nyameɛ yɔle nganea mbiri nyɔ ne, kyɛ pirikua ne oli alehyeleɛ so, na kaaba ne oli alesaleɛ so; ɔyɔle nzramaa mɔ koso.

Na Nyameɛ hane kyɛ, “Nzue bɔ ɔwɔ ewienu bo ne, ɔ́boa ye noa neka horɛ, na aseɛ wosee bra!” Na ɔwale nu sɔ. Nyameɛ tole nekaa wosee ne dumaa Aseɛ, yeɛ nzue bɔ ye noa aboa ne koso, ɔtole ye dumaa Ɛpo. Na Nyameɛ nwuni kyɛ ɔte paa.

Nyameɛ yirale bɛ, na ɔhane kyɛ, “Ɛ́mɔwo ná ɛmɔlɔ pee, ná ɛ́mɔyi ɛpo nu tɛkyɛ; nnomaa koso ɛ́mɔta pee wɔ aseɛ so!”

Na Nyameɛ hane kyɛ, “Aseɛ ɔ́ma ngaka bɔ ngoa wɔ bɛ nu béfi ye nu bɛbra, kyɛbɔ bɛ sue te ɔ: awuro ne eburo ngaka, ngaka mmaa ne ngaka bɔ bɛtwe bɛ nwo ase, yeɛ eburo ngaka mbiri, kyɛbɔ bɛ nu biala sue si te ɔ!” Na ɔwale nu sɔ.

Na Nyameɛ hane kyɛ, “Nzue ɔlɔ abɔdeɛ ahoroɔ pee bɔ bele ngoa ɔ, ná nnomaa koso bétu bɛ́fa aseɛ so wɔ ewienu!”

Na Nyameɛ yɔle aseɛ so ngaka mbiri, awuro ngaka, yeɛ ngaka mmaa ne ngaka bɔ bɛtwe bɛ nwo ase, kyɛbɔ bɛ sue si te ɔ. Na Nyameɛ nwuni kyɛ ɔte paa.