Versets bibliques populaires de HAOKAPHOK 1

Partager

Chiwui thili Varena hānga, “Ithumwui sakrin khuida ithumli ngaraikachā mi sākhuisa; kala shamadruli khalei khaihyur, kazingli yongkazata vānao, sha̱kei kala okathuiwui ngaleitungli ngarikazata saikorawuitungli athumna mungranu.” Chithāda Varena awui sakrin khuida mi sākhui, Varewui sakrin khuida mayarnao sākhui; mayarnao eina sha̱nao chi sākhui.

Kala Varena anili somida hānga, “Athei matheilu kala mayāsanglu, okathui chipemlu kala khamunga sālu; shamadruwui khaih, kazingwui vānao, kala ngaleitungli ngawokazat manglākapai kachiva̱wuitungli munglu.”

Haokaphokli Varena kazing eina ngalei sai.

Okathui hi amei-amā maleisāmana, kala kathuka chiwui ari arāp tangmangting eina leisai; kala Varewui Manglā china tara̱tungli zatung-zatvā sai.

Kala Varena hānga, “Kahor leiranu”; chieina kahor leihaowa.

Kala Varena sākahai saikora chi yanglaga phālakhaira da ana thei. Chithang ngazin eina ngathor chi katharuka thangna.

Kala kahor chi phāhaira da Varena thei; kala Varena kahor chi tangkhamangwui eina ngatei ngasaka.

Varena hānga, “Yanglu, okathui apam huptali khalei athā kapanga akhar katonga, kala atheili athā kazanga atheirong kachiva̱ ina khamina; naniwui vang kashakazā ngasāra.

Varena kahor chili Ngashun, kala tangkhamang chili Ngayā da hoi. Chithang ngazin eina ngathor chi kharethangna.

Kala Varena hānga, “Tara̱ ngachaiwui eina khamasai shokranu, kala china tara̱ akhawui eina tara̱ akhali ngatei ngasakranu.”

Kala okathuili khalei sāyur saikora, kazingwui vānaoyur saikora kala ngaleitungli ngarikazata, kala khaksuida kharinga yur kachiva̱li, khamateka thingnā-ra̱hā kachiva̱ kashakazā sākhavai ina mihaira.” Kala chi tākam eina shoka.

Varena hānga, “Ngashun eina ngayā ngatei khavai kazingwui khamasaili kahorbing leiranu, kala china atam, zimiksho kala zingkum theikhui khavai sāranu

Kala Varena, “Ngaleina akhār khārda thingnā-ra̱hā, athā kazang arongyurbing, kala atheirong yurna kachichāwui ayur athishurda athā kazanga athei matheiranu” da hānga. Kala chi tākam eina shoka.

Kala Varena khamasaiwui azingli khalei tara̱ eina khamasaiwui atungli khalei tara̱ chi ngatei ngasaka. Kala chi tākam eina shoka.

Ngaleili thingnā-ra̱hā kachungkha shoka, arong ayur ngatateida athā zangsera, kala thingrongbingna athei matheida ayur ayurwui athishurda athā zangsera. Kala chi Varena phāhaira da thei.

Varena kahor kahakva̱ khani sai, hakkhamei kahor china ngashun mungkhavai, teokhamei kahor china ngayā mungkhavai; kala ana sirā kachungkhala sākhui.

Kala Varena hānga, “Kazingli khalei tara̱ chi apam akhali kazipkha sāhaida ngalei katheng leiranu.” Kala chi tākam eina shoka. Katheng chili Varena Ngalei hoi, kala tara̱ kazipkha sākahai chili Shamadru hoi. Kala chi phāhaira da Varena thei.

Kala Varena athumli somida hānga, “Athei matheilu kala mataisanglu kala shamadruwui tara̱lungli chipemlu, kala okathuili vānao mayāsangranu.”

Varena hānga, “Ngaleiwui eina manglākapaiyur kachiva̱: sha̱kei, ngarikazata yur, kala sāyur shokranu.” Kala chi tākam eina shoka.

Kala Varena hānga, “Tara̱wui eina manglākapai kachungkha shokranu, kala okathuili vānaobingna kazingramwui khamasaili yongzatranu.”

Kala Varena sāyur ayāyāva̱, sha̱kei ayur ngatateida kala ngaleili ngarikazata ayur ngatateida shokngasaka. Kala chi phāhaira da Varena thei.