Versets bibliques populaires de John 16

Partager

Uqautiŋagivsi tamatkuniŋa tutqiutiqaquvlusi atausiŋŋuqatigiŋakavsiŋa. Nunami iłuiḷḷiuġutiqpaqaġniaqtusi, aglaan qapiŋairrutiqaġluataġitchi, uvaŋa akiiḷipiaġataŋagitka nunam iñuŋi iłuiḷḷiuqtitchiruat ilivsiññik.

Aglaan Ilitqusiata iḷumun ittuam qaigumi, kaŋiqsisaiññaqtinniaġaasi iluqaanik iḷumun ittuamik, qanuq ilaa uqaġniaŋitchuq ilaan ataniġnaqunmigun, aglaan sunapayaaq tusaarani uqautiginiaġaa. Aasii ilaa quliaqtuaġniaqtuq ilivsiññun sunik qaiyumaaqtuanik.

Paŋmapaŋmun aglaan apiqsriŋaitchusi sumik atipkun. Apiqsrisitchi, aasii aitchuusiaqaġniaqtusi quviasuutiksi naamatqulugu.

Suŋiñmiuq, aasii uqallautigivsi iḷumun ittuamik, anniqsuutauniaqtuq ilivsiññun aullaġuma, qanuq aullaŋisuaġuma, Ikayuqtim ullaŋniaŋitkaasi. Aglaan aullaġuma, tiliñiaġiga ilivsiññun. Aasii qaigumi, ilaan qanuqpisiiḷḷiñiaġai nunam iñuŋi piḷuutikun nalaunŋarualiqinikullu isivġiġvikullu.

Tainnatun isumaaġutiqaqtusi paŋmapak, aglaan taututqigñiaġivsi aasii quviatchaktitaupiaġniaqtusi, suli kiapayaaq ipiqtusuliqsitchumiñaitkaasi. Taivrumani uvlumi apiqsruqtuġniaŋitkivsiŋa sutigun. Iḷumutupiaġataq uqallautigivsi, qiññuaġuvsi supayaamik Aapamiñ, aitchuutiginiaġaa ilivsiññun uvaŋa iḷitchitquraġikavsi.

Iḷumutupiaġataq uqallautigivsi, qianiaqtusi suli kiŋuvġulusi, aglaalli nunam iñuŋi quviasugniaqtut. Isumaaqpagniaqtusi, aglaan isumaaŋaiġḷusi quviatchagniaqtusi.