Versets bibliques populaires de John 17

Partager

Ilaaguakkich iliŋnuksriḷugich iḷitchuġipkaġlugich iḷumun ittuanik ilivich uqaluŋnik.

Aasiuvva isuitchuaq iñuggun, ilaisa iḷitchuġivlutin kisivisualuk iḷumun God-autilaaġnik, suli Jesus Christ ilivich tiliŋakkan.

Aŋaiyyutiŋitkitka ukua iḷitchitquratka kisiisa, aglaallu taipkua ukpiġumaaqtuat uvamnun quliaqtuaŋannik tusaayugaaġiksuamik. Aŋaiyyutigitka iluqaġmiŋ atautchisun itquvlugich. Aapaa, atautchisuttuq illich uvaptiŋni, ilivich uvamniinmatun uvaŋalu iliŋni. Atautchisuttuq illich nunam iñuŋi ukpiliqsitchumiñaqsiḷugich iliŋnun tiliŋatilaamnik.

Aŋaiyyuŋitchuŋa iliŋnun piiqulugich nunamiñ, aglaan qaunagitquvlugich Tuunġaġmiñ.

Iḷisimanaqsiŋakavich iliŋnik uvamni, tainnatulli iḷisimanaqsiŋaruŋa uvamnik iliŋiññi, iliŋich atautchisun itquvlugich, uvaptiktun atausiuruatun. Uvaŋa ilaiññi suli ilivich uvamni, iliŋich atausiŋŋupiaġataġumaut, nunam iñuŋi iḷitchuġiyumiñaqsiyumaut iliŋnun tiliŋatilaamnik nunamun, suli piviuttaġivlugich ilivich piviuttaqsrisiktuttauq uvamnik.