Versets bibliques populaires de John 15

Partager

Uvaŋa napaaqtuayaatun ittuŋa, ilivsiḷi qisiqsiutitun ittusi. Tavraasii siiġñiqpaŋmatun piñiaqtusi atausiŋŋuqatigimaaġuvsiŋa, qanuq atausiŋŋuqatigiŋaisuaġuvsiŋa sumik piyumiñaitchusi.

Atausiŋŋuqatigimaaqsiŋa, uvaŋaptauq atausiŋŋuqatigimaaġniaġmigivsi. Qisiqsiun siiġñiyumiñaitchuq inmisun pituummiŋitkumi napaaqtuayaamun, tainnatuttauq atausiŋŋuqatigimaaŋisuaġuvsiŋa piyumiñaitchusi piraksriutimnik.

Ilivsi atausiŋŋuqatigimaaġuvsiŋa suli kamagituiññaġlugich uqalutka, apiqsrisitchi supayaamik pisukkavsiññik qaisauniaqtuq ilivsiññun.

Ilivsi piksraqtaaġiŋaitkivsiŋa, aglaan uvaŋa piksraqtaaġiŋagivsi aasii nalunaiqł̣usi aullaqtuksrauvlusi quliaqtuaġutiyaqtuġlugich iñuich tusaayugaaġiksuanik ukpiġumiñaqsiḷugich. Iliŋich siiġñiaġimmatun piñiaġisi nuŋulaiḷaagummatun illugich. Tavraasii sunapayaaq apiqsriaġikkaqsi Aapamun atipkun, ilaan aitchuutigiyumiñaġniaġaa ilivsiññun.

Kiñaliqaa kamanałhaaqtuamik piviuttaqqutaitchuq uumaŋŋa, iñuum tuqqutigimmagich avilaitqatini.

Qisiqsiutipayaaq uvamniittuaq siiġñiḷaiñman, ilaan piiġaa. Aasii qisiqsiutipayaaq siiġñisuuruaq nauyumiññaksaġuugaa siiġñivsaaquvlugu.

Uvva uvaŋa pitquraġa, piviuttaqqutisitchi avanmun piviuttaqsriñiptun ilivsiññik.

Siiġñiqpakavsi satqummiġiksi Aapama kamanautaa. Tainna pikavsi, ukpiġnaqsigiksi iḷitchitqurautilaaqsi uvamnun.

Uvaŋa iḷumun napaaqtuayaapiatun ittuŋa, aasii Aapaga qaunaksritun ittuq napaaqtuayaamik.

Iñuk atausiŋŋuqatauŋaitchuaq uvamnun qisiqsiutitun igitauvluni palliġuqtuatun ittuq. Palliich qisiqsiutit katitchuugaich aasii igiłługich igniġmun aasii ikirauvlutiŋ.

Tamatkuniŋa uqautiŋagivsi, uvaŋa quviasuutiga iḷuvsiññiitquvlugu, suli quviasuurri naamatquvlugu.

Ilivsi kamagiguvsigik pitquratka, piviuttaġipkaġniaqtusi uvamnun, uvaŋaptauq kamagimmatun Aapama pitquraŋi aasii piviuttaġipkaqłuŋa ilaanun.

Uumiŋa pitqurriġivsi, piviuttaqqutisitchi avanmun.

Ilivsi atausiŋŋuqatigimaaġuvsigik nunam iñuŋi, nakuaġinayaġaasi nakuaqsrisimiktun ilaisa iḷamiŋnik. Aglaan nunam iñuŋisa uumigigaasi qanuq atausiŋŋuqatigimaaŋitkisi, uvaŋa piksraqtaaġiŋavlusi iliŋiññiñ pigisukłusi uvaŋa.