Zohan 17
17
Isuo'n a ninga rang Zār a Zong
1 #
Mt 26:18
Isuo'n hiva ngāi hi a ril a, vānram tiang a tang a, “Ka Pā, ahun a hong āsuok zei. Na Nāipasalin um ei na manlian theina ranga, na Nāipasal chu manlian ro. 2#Dnl 7:14; Mt 25:46; 28:18Miring dōra chunga a kōma ningneina nei na pēk anga, amā'n um a kōma nei na pēk ngāi dōra kōma tāituon damna kei pēk theina rang a ni. 3#Fil 3:8Hiva hi tāituon damna a ni, nang rong hi Pathian Diktak lē nangin nei hong tīr Isuo Khristā ei riatthei una rang a ni. 4Phila hin nang chu ka na manlian zei. Nangin sin athō ranga nei na pēk chu ka zui zei. 5#Fil 2:6O Ka Pā, maniapūr a om māna na bila anlianna kei dōn ha, atun hin um nang na bila na manlian ro.
Isuo'n a Zolāi ngāi rang Zār a Zong
6“Nangin maniapūra mi nei na pēk ngāi kōma na raming ka manlang zei. Amāni chu nang na tā a ni, nangin ka kōma nei na pēk. Amānī'n na chong a tel u na. 7Nangin nei na pēk ngāi dōra hi na kōm ātā kēng tī hi atun chu a riat u zei. 8Asik chu nangin chong nei na pēk ngāi dōra chu amāni kōma ka pēk zei. Amānī'n hava ngāi chu a pom u na, koi hi nang na kōm ātā āsuok kā ni ti chu adik phita a riat u zei. Nangin nei na tīr tī a iam u zei. 9#Lk 22:32Amāni ranga zār ka zong. Maniapūr mi ranga zong mak ung, tenchu nangin nei na pēk ngāi rang kēng kei zong, asik chu amāni chu nang na tā kēng. 10Ka tā dōra chu nang na tā kiar a ni, na ta ngāi chu ka ta a ni. Amānīna hin anliana kei om. 11#Sām 133:1Koi chu maniapūra om lāi mak ung tenchu hiva ngāi chu maniapūra a lā om u, koi chu na kōma kā hong. Pā Ānthiang, koini angkhat nei ni anga amānī'm angkhat ei ni thei una ranga, nangin nei na pēk ngāi chu na raming le rung ro. 12#Mt 1:22Maniapūra amāni bila kā om lāi han amāni chu na raming le ka rung u na. Nangin nei na pēk ngāi chu ka rung u na. Peianchang nāipasal rong nōk chu ānpei angkhattē ngal u mak, Pathian chong ei kip theina rang a ni. 13Tenchu atun hin na kōma kā hong. Ka rāisānna amānīna ei kip theina ranga, maniapūra hiva chong ngāi hi kei ril. 14Nang na chong chu a kōm una ka pēk a. Maniapūra mī kei ni nōk anga, amānī'm maniapūra mī ni u mak a, hasikhan, amāni chu maniapūrin a mūmāk u na. 15#Mt 5:37Nangin amāni ngāi chu maniapūr ātā nei lāk ranga zārzong mak ung a, tenchu āsiat#17:15 āsiat: Ole, “misaluipā.” ātā ānzōk ranga kēng kei na zong. 16Maniapūra mī kei ni nōk anga, amānī'm maniapūr mī ni u mak. 17#2Sa 7:28; 1Rē 17:24Amāni ngāi chu na chongtak le han manthiang ro. Na chong hi atak a ni. 18Nangin maniapūra nei na tīr anga, koiin um amāni hi maniapūra kei tīr u a ni. 19Amāni chu ataka ei ānthiang thei una ranga, amāni ngāi sika ka ninga kei ānthiang a ni.
Isuo'n Āiampū ngāi Dōra rang Zār a Zong
20“Hiva ngāi rang ronga ni mak kei zong, tenchu amāni a chongril u nātā koi ana lā iam ngāi rang um kei zong. 21#Zer 32:39Alom una pumkhat ei ni thei una ranga, ka Pā, nang koia nei om anga, koi nanga kei om anga, amānī'm koinīna pumkhata ei om thei una ranga, nangin nei na tīr ti maniapūrin ei iam thei una ranga. 22Nangin anlianna nei na pēk ha, amāni kōma ka pēk zei. Koini angkhat nei ni anga amānī'm angkhat ei ni thei una ranga. 23Koi amānīna kei om, nang koia nei om. Amāni chu satanzuia pumkhat ei chang thei una rang. Nangin nei na tīr tī maniapūrin ei riattheina ranga lē nangin nei nā dit anga nangin amāni nei ādit ei riatthei una ranga. 24#Mt 25:34Ka Pā, nangin nei na pēk ngāi hi kei omna taka ka bila ei om thei una ranga hi kei zōt a ni. Nangin anlianna nei na pēk chu ei mu thei una ranga. Asik chu maniapūr ansiang mān ātā nei na madit a ni. 25Ka Pā Diktak, maniapūrin nang chu na riat mak a, koiin chu ka na riat. Hiva ngāiin nangin nei na tīr tī a riat u zei. 26Na raming chu amāni kōma ka puong zei, la puong tir ka ting. Nangin nei na ditna anditna ha amānīna ei om theina ranga, koi um amānīna kei om theina rang,” a tī na.
Tällä hetkellä valittuna:
Zohan 17: RNL
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Bible in Ranglong, © Bibles International, the Bible society of Baptist Mid-Missions, 2024.
