Suosittuja jakeita Raamatun kirjasta Zohan 17

Jaa

Amāni ngāi chu na chongtak le han manthiang ro. Na chong hi atak a ni.

Hiva hi tāituon damna a ni, nang rong hi Pathian Diktak lē nangin nei hong tīr Isuo Khristā ei riatthei una rang a ni.

“Hiva ngāi rang ronga ni mak kei zong, tenchu amāni a chongril u nātā koi ana lā iam ngāi rang um kei zong. Alom una pumkhat ei ni thei una ranga, ka Pā, nang koia nei om anga, koi nanga kei om anga, amānī'm koinīna pumkhata ei om thei una ranga, nangin nei na tīr ti maniapūrin ei iam thei una ranga.

Nangin amāni ngāi chu maniapūr ātā nei lāk ranga zārzong mak ung a, tenchu āsiat ātā ānzōk ranga kēng kei na zong.

Nangin anlianna nei na pēk ha, amāni kōma ka pēk zei. Koini angkhat nei ni anga amānī'm angkhat ei ni thei una ranga. Koi amānīna kei om, nang koia nei om. Amāni chu satanzuia pumkhat ei chang thei una rang. Nangin nei na tīr tī maniapūrin ei riattheina ranga lē nangin nei nā dit anga nangin amāni nei ādit ei riatthei una ranga.