Zohan 16
16
1 #
Mt 11:6
“Nei ānbā u nōkna ranga, hiva ngāi hi na kōm una kei na ril u. 2#Isa 66:5; Kui 6:9-10; Anl 6:9Amānī'n sinagog ātā na la masuok u'n ti. Nangni anā that tak chu, Pathian kōma dorbōndom ādar anga ei lā bē una hun la hong suokin ti. 3Amānī'n Pā ei riat u nōk, koi um ei na riat u nōk sika, hiva ngāi hi na chung una la thō u'n ti. 4Hun a hong āsuok tikle, hiva ngāi rui hi kei na ril u tī nei riatthei una ranga, hiva ngāi hi ka na lei ril u a ni. Aphuta hiva ngāi hi kei na ril u nōk, asik chu na bil una kā om a.
Rathā Ānthiang Sinthō
5“Atun chu anā tīrpū kōma kā sē. Nangnī'n, ‘Hon mo nei sē rang?’ tīna tūtē'n na rakel u mak chē na. 6Tenchu hiva ngāi na kōm una kei ti sika, na malung u chu lungnā a bit a. 7Hanum ni sela, kei na ril u hi atak kēng. Kei sē hi nangni ranga a sā. Ka sē nōk ten Sanpū chu na kōm una hong nō ni. Tenchu kā sē ten, ama chu na kōm una hong tīr ka ting. 8Ama a hong tikle chu, āsia ruia, dikna ruia, ruirilna ruia maniapūr chu āsia hong manlō in ti. 9Āsia ruia, koi ei na iam u nōk sika āsia manlō u ka ting. 10#Kui 3:14; Rōm 1:17; 1Pe 3:18Dikna ruia, asik chu ka Pā kōma kā sē, nangnī'n na mu u lāi nō ta ni. 11Ruirilna ruia, asik chu hi maniapūr ruirilpū chu rui anrila om zei.
12 #
Mk 4:33; 1Ko 3:2 “Na kōm una arilruo ātampā ka lā dōn a, tenchu hava ngāi chu atun la diar thei u nō ta ni. 13#Sām 25:5Tenchu Chongtak Rathā a hong tika chu, chongtak dōrāna na ruoi u'n ti. Asik chu ama a ninga ningneināna ni mak ei chong rang, tenchu ei riat ngāi dōra kēng ei ril rang. Amā'n rui a la hong ātung rang ngāi chu na ril u'n ti. 14Amā'n koi chu na manlian in ti. Asik chu amā'n ka tā chu lāk in tia, hava han na kōm una puong in ti. 15Pā'n ei dōn dōra hi ka tā a ni. Hasikhan ka tā chu lāk in tia, hava ha na kōm una puong in ti, ka tī na. 16Sōtluitē suona, nangnī'n koi hi na mu u lāi nō ta ni. Sōtluitē suona, nangnī'n koi hi na mu rēt u na ti. Asik chu Pā kōma kā sē,” a tī na.
Anngūina chu Rāisānna Chang in ti
17Hatuka a zolāi ngāi senkhatin, “Koini na kōma, ‘Sōtluitē suona nangnī'n koi hi na mu u lāi nō ta ni, sōtluitē suona nangnī'n koi hi na mu rēt u na ti,’ hanūk chu, ‘Pā kōma kā sē,’ ei ti ngāi hi hong ei tina mo?” a ti u na. 18Hasikhan amānī'n, “Amā'n, ‘Sōtluitē’ ei tī hi hong ei tina mo? Hong mo ei tī hi riatthei lāi mak mē,” a ti u na. 19Amānī'n ama kōma ei rakel zōt u chu Isuo'n a riat a, a kōm u na, “ ‘Sōtluitē suona nangnī'n koi hi na mu u lāi nō ta ni, hanūk chu sōtluitēna suona nangnī'n koi hi na mu rēt u na ti’ tīna kei na ril u hi mo nei ānkel ansiat u? 20#Mk 16:10; Lk 23:27Ataktaka kei na ril a ni u zei, achapa, chapanngūi u na tia, tenchu maniapūr chu a rāisān in ti. Na malung na u'n tia, tenchu na malung ei na una chu rāisānna chang in ti. 21#Isa 13:8; Mik 4:9; 1Th 5:3Nupang, a nāihā a puong le a malung a nā na, asik chu a hun a hong āsuok zei a. Tenchu nāi ei hong mazir le, ei tiarna ngāi a mangil a, asik chu maniapūra miring ei ānzir sika a rāi asān a. 22#Zer 31:12Hasikhan, atun hin na malung a na u na. Tenchu na mu rēt u ka tia, na malung u rāisān in ti. Na rāisānna una chu tūtē'n na kōm u nātā lāk nō ni. 23#Mt 7:7Hava nikhuona chu nangnī'n ītē na rakel u nō ta ni. Ataktaka, kei na tī a ni u zei, ka raminga ka Pā kōma nei zong u tak, amā'n na pēk u'n ti. 24#Mt 7:7Atun ten hin ka raminga ītē la zong u mak chē na. Na rāisān una ei kip theina rang, zong u ro, man u na ti.
Isuo'n Maniapūr a Zui Zei
25 #
Sām 78:2; Izk 20:49; Mt 13:34; Mk 4:33-34 “Hiva ngāi hi ankhīna-chong le han na kōm una chong kei ril. Tenchu ankhīna-chong le kei na chongpui u lāi nōkna rang hun āhong āsuok kēng a ni zei. Tenchu anthiang vanga na kōm una Pā rui chu na ril u ka ting. 26Hava nikhuo tika nangnī'n ka raminga zong u na ti. Koiin Pā kōma na zongpē u ka ti kei tī ni mak. 27Nangnī'n koi nei nā dit u sika lē Pathian kōm ātā kei hong nei na iam u sika, Pā lenin ei nā dit u kēng. 28Koi chu Pā kōm ātā kei hong suok a, maniapūra kei hong a ni. Atun chu maniapūr amāka, Pā kōma sē rēt ka ting,” a tī na.
29A zolāi ngāiin a kōma, “Entā, atun chu ankhīna-chong mangluia, anthiang vanga nā chong zei. 30#1Rē 17:24Atun chu nangin aloma na riat zit zei tī na riat. Tūtē'n nang a nā'n kel nāng lāi mak. Pathian kōm ātā āhong nā ni ti koinī'n na na iam zei,” a ti u na. 31Isuo'n a kōm u na, “Atun chu na iam u mo zei?” tīna a masang a. 32#Mt 26:31, 56“Entā, ahun a hong āsuok rang a ni zei, ani, a hong āsuok kēng a ni zei. Nangni chu anchēn u na tia, na in chipa pan u na ti. Ka theia na māk rak u na ti. Hanum ni sela, ka thei ni mak ung, asik chu Pā ka bila ā om kēng. 33#Rōm 8:37; 1Zn 4:4Ka kōm ātā phūkdāina nei manthei una ranga, hiva ngāi hi na kōm una kei ril. Maniapūra hin antaknapui tiar u na ti. Tenchu a ngama om u ro, maniapūr chu ka zui suo zei,” a tī na.
Tällä hetkellä valittuna:
Zohan 16: RNL
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Bible in Ranglong, © Bibles International, the Bible society of Baptist Mid-Missions, 2024.
