KISAH 6
6
Tujoh Urag Mai Bipileh
1Ku mase ajeh, ijengoi pengikot-pengikot Yesus gumaken jeoi. Ku engkap enai ajeh mong mai Yahudi de belwal engrok Yunani ru mai Yahudi de belwal engrok Ibrani. Mai Yahudi de belwal engrok Yunani nairarok ha mai Yahudi de belwal engrok Ibrani kerana balu-balu enai pek naikep tenulog ha caknak jap arik. 2Kerana ajeh, 12 urag rasul naikumpol rimdij pengikot Yesus ru naiurok, “Pek bor jiperdij mase jiha-uros hal caknak kerana sepatotnye jiguna mase ajeh untok jiperlei engrok Jenang. 3Jadi, sesedara, lebeh bor engkepileh tujoh urag ratak liengkek de bikuasa ya Kelog Santen ru de cerdeg. Jik doh jiog tugas ajeh nu enai 4supaye jik mong mase untok jibedoa ru jiperlei engrok Jenang.”
5Dikdij pengikot Yesus naibesetuju nu cadangan ajeh. Jadi, enai naipileh Stefanus. Stefanus ajeh numom de ihad kipecaya nu Yesus ru kek juga numom de bikuasa ya Kelog Santen. Enai juga naipileh Filipus, Prokhorus, Nikanor, Timon, Parmenas, ru Nikolaus mai Antiokhia de kimuj agame Yahudi. 6Tujoh urag sengoi ajeh bien nu ngar rasul-rasul lalu rasul-rasul ajeh naibedoa ru naidek teg enai ku sengoi-sengoi ajeh untok nailantek enai ha tugas ajeh.
7Jadi, engrok Jenang ya gucep lei ijengoi pengikot-pengikot Yesus ku kote Yerusalem gumaken deras kibetambah. Mong juga jeoi imam agame Yahudi de naipecaya nu Yesus.
Stefanus Bicap
8Stefanus ajeh sengoi de ihad biberkat ru mong kuasa Jenang. Kek kibeh hal-hal luar biasa ru tanda-tanda ajaib ku engkap mai jengoi. 9Tapi mong mai de naitentang ha kek. Enai ajeh anggote Deg Sembahyang Ha Mai Bebas.#6:9 Anggote Deg Sembahyang Ha Mai Bebas: Adeh kirujok nu mai Yahudi de bien sebegei mai tawanan perag ya mai Rom ku tahut 63 SM de bijual sebegei hambe, tapi ipenyudah biterlas. Enai mong deg sembahyang liknai ku kote Yerusalem. Enai ajeh mai Yahudi ju lengrik Kirene, Aleksandria, Kilikia, ru Asia. 10Tapi Kelog Santen Kiog Stefanus cerdeg kibelwal lei enai pen pek dapat naiha-sangkal ha ibengwal ajeh. 11Kerana ajeh, nairasuah memerip urag sengoi ru naior naiurok, “Jik jicerngai Stefanus kihina ha Nabi Musa ru Jenang!” 12Begei ajehloh icare enai ajeh naihasot ha mai jengoi, raknak-raknak mai Yahudi, ru guru-guru Hukom Taurat. Lalu Stefanus bicap ru bien nu ngar Mahkamah Agame Yahudi. 13Telas ajeh naien memerip urag supaye naiog kesaksian palsu tentang Stefanus. Saksi-saksi ajeh naiurok, “Sengoi adeh selalo kihina ha Deg Jenang de suci ru kihina ha Hukom Taurat. 14Mong juga jicerngai kek kiurok begei adeh: ‘Yesus Mai Nazaret ajeh doh Kipetateh Deg Jenang ru Kiubah rimdij adat de ya hiterima ju Nabi Musa!’ ” 15Dikdij sengoi de naigei ku kateh Mahkamah Agame Yahudi ajeh nailet nu Stefanus ru naineng irenes begei ha renes malikat.
انتخاب شده:
KISAH 6: AEH
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
