Matta 28
28
Iysanıń qayta tiriliwi
(Mrk 16:1-10; Luk 24:1-12; Yuxn 20:1-10)
1Shabbat kúni ótkennen soń, ekshembi kúni tań sáhárde magdalalı Máriyam hám basqa Máriyam qábirdi kóriwge keldi. 2Birden jer qattı silkinip, Jaratqan Iyeniń perishtesi aspannan túsip keldi de, qábirdiń awzındaǵı tastı domalatıp alıp taslap, onıń ústine otırdı. 3Perishteniń túsi jıldırımday bolıp, kiyimi qarday appaq edi. 4Saqshılar onnan qattı qorqıp qaltırastı hám óli sıyaqlı bolıp, janları qalmadı.
5Perishte hayallarǵa:
– Qorqpańlar! Atanaq aǵashqa shegelengen Iysanı izlep kelgenińizdi bilemen. 6Ol bul jerde joq. Óziniń aytqanınday, Ol qayta tirildi. Barıp, Onıń jatqan jerin kórińler. 7Házir tez Onıń shákirtlerine barıp, Iysanıń ólimnen qayta tirilgenin aytıńlar! Ol sizlerden burın Galilaǵa baradı. Onı sol jerde kóresizler! Meniń sizlerge aytatuǵınım usı, – dedi.
8Hayallar birese qorqısıp, birese qattı quwanısıp, qábirden tez shıqtı da, Onıń shákirtlerine xabardı jetkiziw ushın asıǵıp juwırıp ketti.
9Kútilmegende Iysa olardıń aldınan shıǵıp:
– Assalawma áleykum! – dedi.
Olar jaqınlap keldi de, Iysanıń ayaǵın qushaqlap, Oǵan sıyındı. 10Sonda Iysa olarǵa:
– Qorqpańlar! Tuwısqanlarıma barıp aytıńlar, Galilaǵa barsın. Olar Meni sol jerde kóredi, – dedi.
Saqshılardıń xabarı
11Hayallar jolda júrgende saqshılardıń geybirewleri qalaǵa barıp, bolǵan waqıyanıń barlıǵın bas ruwxaniylerge aytıp berdi. 12Bas ruwxaniyler aqsaqallar menen jıynalısıp keńesti de, áskerlerge kóp aqsha berip:
13– «Túnde bizler uyıqlap atırǵanımızda shákirtleri kelip, Onı urlap alıp ketti», – dep aytıńlar. 14Eger bul xabar hákimniń qulaǵına jetse, bizler onıń menen kelisip, sizlerdi hár qanday báleden saqlap qalamız, – dedi.
15Áskerler aqshanı alıp, olardıń úyretiwi boyınsha isledi. Al usı sóz yahudiylerdiń arasında búgingi kúnge deyin keń tarqalǵan.
Ullı tapsırma
(Mrk 16:14-18; Luk 24:36-49; Yuxn 20:19-23; Elsh 1:6-8)
16On bir shákirti Galilaǵa, Iysanıń ózlerine aytqan tawına bardı. 17Olar Iysanı kórgende, Oǵan sıyındı, biraq geybirewleri gúmanlandı. 18Sonda Iysa olardıń qasına kelip:
– Maǵan aspanda da, jerde de pútkil biylik berilgen. 19Sonlıqtan da barıp, barlıq xalıqlardı Maǵan shákirt qılıńlar: olardı Ákeniń, Uldıń hám Muxaddes Ruwxtıń atı menen shomıldırıp, 20Meniń sizlerge buyırǵanlarımnıń hámmesin orınlawdı olarǵa úyretińler. Minekey, Men dúnyanıń aqırına deyin hámme waqıt sizler menen birge bolaman! – dedi.
انتخاب شده:
Matta 28: QrqMK22
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Институт перевода Библии, 2022
