Mark Kitap haqqında maǵlıwmat
Kitap haqqında maǵlıwmat
Bul Xosh Xabardı Yuxan dep te atalǵan Mark jazǵan. Ol ózi elshi bolmaǵanı menen de, Pavel hám Barnaba menen birge xızmet etken (Elsh 13:5). Áyyemgi masiyxıylardıń maǵlıwmatı boyınsha ol Petrdiń dilmashı bolǵan.
Ol kitaptı yahudiy emeslerge, yaǵnıy rimlilerge hám basqa millet adamlarına qarata jazǵan bolıwı múmkin. Sebebi kitapta yahudiylerdiń úrp-ádetleri hám arameyshe sózlerdiń mánisleri túsindiriledi.
Mark Iysanıń qúdireti hám biyligine ayrıqsha pát beredi. Ol Iysanı Qudaydıń Ulı dep tastıyıqlap, Iysa ullı Ustaz, teńi joq Shıpaker ekenin, hátteki shaytan, jinler hám ólim Oǵan boysınatuǵının sóz qıladı. Avtor Iysanıń tábiyat, gúna, diniy úrp-ádetler hám Ibadatxanadaǵı tártip ústinen Húkimdar ekenin kórsetedi. Iysanıń adamlarǵa shıpa bergeni haqqında Mark qayta-qayta sóz etip, Onıń bul káramatlardıń hámmesin Qudaydıń qúdireti menen qılǵanın tastıyıqlaydı.
Jáne de, usı kitaptaǵı 10:45-ayatta Iysanıń Ózi: «Adam Ulı Ózine xızmet ettiriwge emes, al Ózi xızmet etiwge hám kóplerdiń azatlıq qunın tólew ushın, Óz janın baǵıshlawǵa keldi», – dep aytqanınday, Mark Iysanı barlıq adamlardı gúnadan azat qılıw ushın Quday jibergen xızmetshi sıpatında kórsetedi.
انتخاب شده:
Mark Kitap haqqında maǵlıwmat: QrqMK22
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Институт перевода Библии, 2022