Maku 11
11
Kwiŋila muYerusalema namushindu
(Mat 21:1-9; Luk 19:29-38; Yow 12:12-19)
1Chanaswiluwu kwakwihi naYerusalema, kuBetefwaji naBetani, kwokumpidi yaOliveta, hakutemesha atumbanji twindi ayedi,
2hakuyila nindi, Yenu mumukala wudi kumbidi wuna. Chimukushikamu, hohenohu mukuwana mwana kachimbulu anamukasi, wakadi kukandamaŋahu dehi kudi muntu, mwakamukasununi mumuleti.
3Neyi hadi muntu wukuyila nindi, Mudi nakwiladi? mukwila nenu, Anamukeŋi kudi Mwanta; wukumufuntisha cheŋi swayi.
4 #
14:16
Ayili kwawu, aweni mwana kachimbulu anamukasi kuchisu hanzi munjila kachi; hiyakumukasununa.
5Antu amakwawu emenuku hiyakuyila nawu, Mudi nakumukasunwinadi mwana kachimbulu?
6Hiyakuyileja mwomwayilejeliyi Yesu; hiyakuyiteja kuya nindi.
7Hiyakuleta mwana kachimbulu kudi Yesu; hiyakushahu mahinawu, yena hakukandamahu.
8Amavulu hiyakwala mahinawu munjila, amakwawu hiyakukotola tunyitayi mumaha, hiyakwala munjila.
9Ninawa atwaminini kumbidi ninawa alondeleli munyima hiyakubilela nawu,
#
Mas 118:26; Mat 21:15; 23:39 Kisu kisu, wamwinu winzi!
Wakiswilewa iwu wukwinza mwijina daMWANTA!
10Kisu kisu wanta wukwinza wowu watata yetu Davidi!
Kisu kisu mwiwulu dakubadika, wamwinu winzi!
11Hakwiŋila muYerusalema nimuTembeli lwe-e; chanataliyi yuma yejima, kwila nimelela, hakwidikamu, hakuya #Mat 21:17kuBetani nekumi nayedi (12).
Yesu hakutookesha Tembeli
12Chikunachi, helili anafumi dehi muBetani, hakutiya nzala.
13Hakumona #Mat 21:18-19; Luk 13:6-9mutondu wachikuyu kwakulehi, wukweti mafu; hakuyaku nindi amonuku neyi kudi nyikabu; chanashikiyi kumutondu kuwana kwamafu hohu, muloŋa hihadiŋi hachilaaka chayikuyuku.
14Hakuwuhosha nindi, Kufuma kulelu bayi akadya nyikabu yeyi kudi muntu hayanyakaku. Atumbanji twindi achitiyili.
15Ashikili kuYerusalema. Hakwiŋila #Mat 21:12-16; Luk 19:45-47; Yow 2:13-22muTembeli, hakutachika kutemunamu ádiŋi nakulandisha, niádiŋi nakulanda muTembeli, hakuhinona nijimesa jawakwakuhimpa mali, nimatanda anawa alandishilaŋa tutela.
16Hetejeli muntu kusenda chuma achihitishi muTembeluku.
17Hakuyitaŋisha nindi, Anasoneki nawu,
#
Isa 56:7
Itala dami akaditena nawu itala dakulombelela nyunza yejima.
#
Yer 7:11
Hakwinza enu munadibalumuni dehi kwikala
iyeŋu dawamakombi.
18Akulumpi jawatupristu niansoneki chachitiyiluwu, hiyakukeŋa hakumukisaŋena; muloŋa amutiyili woma, nanochu chahayaminuwu antu ejima kutaŋisha kwindi.
19Hakufumaŋa muŋanda #Luk 21:37namelela hefuku hefuku.
Kuuma kwamutondu wachikuyu
(Mat 21:19-22)
20Chadiŋi nakupandakanawu habudidi, hiyakumona owu #v12-14mutondu wachikuyu wunomi dehi chawu, kufumisha kunyiji.
21Petulu hakwanuka, hakumwila nindi, Eyi Rabi, tala mutondu wachikuyu wuwashiŋa, wunomi dehi chawu.
22Yesu hakuyakula nindi, Mukuhwelelenu Nzambi.
23Nukuyileja chalala nami neyi muntu wukwila mpidi iyi nindi, Tutulukaku wudinati mwijiya; mumuchima windi kutadika nehi, #Mat 17:20; Luk 17:6hakukuhwelela nindi ichi chanahoshiyi chikwila, wukuchitambula.
24Dichi nukuyileja nami, yuma yejima #Mat 7:7-8yimukulomba, yimukukeŋa, kuhwelelenu nenu munayitambuli dehi, mwakayitambula.
25Mafuku ejima chimukwimanaŋa nakulombela, neyi hadi mwinenu mudi nindi nansaŋu, #Mat 6:14-15; 18:35mwanakenenu, kulonda tata yenu wudi mwiwulu ayanakeni nshidi jenu nawa.
26Ilaŋa neyi enu mukubula kuyanakena akwenu, niTata yenu wudi mwiwulu hakuyanakena nshidi jenuku.
Hiyakutadika wanta waYesu
(Mat 21:23-27; Luk 20:1-8)
27Hiyakwinza cheŋi kuYerusalema. Chadiŋi nakwendayi muTembeli akulumpi jawatupristu niansoneki niakulumpi hiyakwinza kudi yena.
28Hiyakumwila nawu, Eyi welaŋa yumiyi nawantanyi? Indi nakwinki wantiwu wakwila yumiyi hinyi?
29Yesu hakuyila nindi, Nukuyihula chuma chimu muŋakuli, ninami nukuyileja wanta wunelaŋa nachu yumiyi.
30Chijimikilu chaYowanu chakwiwulu, tahindi chakudi antu? Ŋakulenu.
31Hiyakudihujola muntu namukwawu nawu, Neyi tukwila netu chakwiwulu, wukutwila nindi, Indi dinu mwalekelelidi kumukuhwelela?
32Kwinza neyi tukwila netu chakudi antu! Hiyakutiya nawa antu woma, muloŋa antu ejima elilaŋa nawu Yowanu chalala hikaprofwetu.
33Hiyakumwakula Yesu nawu, Kwiji, etu kwiluka nehi. Yesu niyena hakuyila nindi, Ninami nawa hinukuyileja wanta wunelaŋa nachu yumiyuku.
اکنون انتخاب شده:
Maku 11: MWW04
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Holy Bible in Lunda Ndembu © United Bible Societies, 2003.
