Maku 10
10
Kudiseŋa
(Mat 19:1-9)
1Wanyamukili kwenoku, hakuya mwituŋa daYudeya nimwishinadi daYodana. Mazaza awantu hiyakumupompela cheŋi, hakuyitaŋisha cheŋi neyi ochu chelilaŋayi.
2AFwarisewu hiyakwinza kudi yena nakumwihula mazu akumweseka nawu, Chaloŋa iyala kuseŋa iŋodindi, tahindi?
3Yena hakuyakula nindi, Indi #Kuhit 24:1-4Mosi wayilejeli nindidi?
4Wena nawu, Mosi wetejeli kusoneka mukanda wakuseŋa nachu, hikumuseŋa mumbanda.
5Yesu hakuyila nindi, Chayilejeliyi chumichi chafumini hakuchinchika kwanyichima yenu.
6Kwinza kufuma kutachi #13:19; 2 Pet 3:4kwaleŋeluwu yuma,
#
Kutach 1:27; 5:2 Nzambi wayileŋeli niiyala nimumbanda.
7 #
Kutach 2:24
Dichi iyala ashiyi tata yindi namama yindi,
Akakeli iŋodindi;
8Niwena ayedi akekali wumu;
hiyadi cheŋi ayeduku, adi wumu.
9Dichi ánabombuwu kudi Nzambi, bayi ayambula kudi muntuku.
10Atumbanji hiyakumwihula cheŋi nsaŋu iyi mwitala.
11Hakuyila nindi, Yowu #Mat 5:32; Luk 16:18; 1 Kor 7:10-11wukuseŋa iŋodindi hakusumbula wacheŋi, namwili iŋodindi chatama, neli dehi wuvumbi.
12Mumbanda wukuseŋa mfumwindi hakusumbuka nawacheŋi, neli dehi wuvumbi.
Yesu nawanyana anyanya
(Mat 19:13-15; Luk 18:15-17)
13Amuleteleli anyana anyanya kulonda ayinaŋiki makasa ilaŋa atumbanji hiyakuyihoshola.
14Yesu chanachimoniyi hakutiya kutama nankashi, hakuyila nindi, Itejenu #1 Pet 2:2anyana anyanya kwinza kudami, bayi muyilekeshaku, muloŋa wanta waNzambi wawena adi chochichi.
15Nukuyileja chalala nami, muntu wukubula kutambula wanta waNzambi neyi #Mat 18:3mwana wanyanya, hakwiŋilamu nihantuku.
16 #
9:36; Isa 40:11 Hakuyakata, nakuyinaŋika makasa, nikuyikiswila nkisu.
Mukwenzi mukwamaheta
(Mat 19:16-30; Luk 18:16-30)
17Cheliliyi nindi aholokeli munjila, iyala hakwinza kudi yena lufuchi; hakumufukamina nakumwihula nindi, Eyi Nkuluŋaŋa wamuwahi, #Luk 10:25nukwila ŋahi kulonda nakaswani wumi wahayanyaka?
18Yesu hakumwila nindi, Wukuntenenadi neyi muwahi? Hosi muwahuku, chiŋa Nzambi hohu.
19 #
Kwi 20:12-16; Kuhit 5:16-20 Nshimbi wajiluka dehi nawu,
Kujaha muntu chinjila.
Kwila wuvumbi chinjila.
Kwiya chinjila.
Kushimuna wunsahu wakutwamba chinjila.
Kudiila mukwenu yawukombi chinjila.
Lemeshaku tata yeyi namama yeyi.
20Yena hakumwila nindi, Eyi Nkuluŋaŋa, yuma yejimiyi nayihembi dehi kufumisha kuwansi.
21Yesu hakumushinshika, hakumukeŋa, hakumwila nindi, Kunashali chuma chimu hohu; yaŋa #Yil 2:45; 4:34-35wakalandishi yuma yeyi yejima winki atuzweŋi, eyi wakaheta #Mat 6:20; Luk 12:33maheta mwiwulu; winzi wunlondelaŋa.
22Ilaŋa yena hakudihomba kumesu nezu odu, hakudiyila kwindi nakuneŋa; muloŋa wadiŋi muntu waheta maheta amavulu nankashi.
23Yesu hakuyitala kwi-ndo; hakuyila atumbanji twindi nindi, Akwamaheta, O chamonaŋawu kukala kwiŋila muwanta waNzambi!
24Atumbanji hiyakuhayama nankashi mazu indi. Ilaŋa Yesu hakuyila cheŋi nindi, Anyikenu, ákuhwelelaŋa maheta, O chamonaŋawu kukala kwiŋila muwanta waNzambi!
25Ŋameli kuhanuka mudisu dandoŋu chaswayi, kwinza mukwamaheta kwiŋila muwanta waNzambi chakala.
26Wena hiyakusweja kuhayama nankashi nawu, Indi dinu wukutwesha kwamwinewa hinyi?
27Yesu hakuyitala nindi, Chuma chikukaŋanya muntu, Nzambi wukuchitwesha, muloŋa yuma yejima yinatwesheki kudi Nzambi.
28 #
1:16-20
Petulu hakutachika kumwila nindi, Tala, etu tunashiyi yuma yejima, tunakulondeli.
29Yesu nindi, Nukuyileja chalala nami hikudi muntu nashiyi hela itala, hela anakwindi, hela ahelindi, hela mama yindi, hela tata yindi, hela anyana, hela maha, kukoola ami ninsaŋu yayiwahi,
30wukubula #Mat 6:33; Luk 18:30kutambwilamu nkulakaji (100) katataka makonu, nimatala, nianakwindi, niahelindi, niamama, nianyana, nimaha, kubombelaku nikuyikabisha; hanyaka yakenzaku wumi wahayanyaka.
31Ilaŋa amavulu #Mat 19:30; 20:16; Luk 13:30akusambila akekala akukuminina; niakukuminina akekala akusambila.
Yesu hakushimunaŋahu dehi cheŋi kufwa kwindi
(Mat 20:17-19; Luk 18:31-33)
32Adiŋi munjila yakukanduka kuYerusalema; Yesu hakutwamina kumbidi. Hiyakuhayama, ninowu alondelelaŋa munyima hiyakutiya woma. Hakupompesha cheŋi owu ikumi nayedi (12), nakutachika kuyileja yuma yakamonayi.
33Nindi, Tiyenu, hitukukanduka kuYerusalema, #8:31; 9:12, 31; Luk 9:22Mwana kaMuntu akamulubula kudi akulumpi jawatupristu nikudi ansoneki; akamufwisha namuloŋa nawu afwi, akamulubula kudi aJentili.
34 #
14:65; 15:19 Akamuseha, akamufwijila mazeŋi, akamuvupola, akamujaha; chimwakahita mafuku asatu wakasaŋuka mudi afu.
Kulomba kwaYakoba niYowanu
(Mat 20:20-28)
35Anyana kaZebedewu aYakoba naYowanu hiyakuswila kwakwihi nayena, hiyakumwila nawu, Eyi Nkuluŋaŋa, tunakeŋi wutwililuku chuma chitukukulomba.
36Yena hakuyila nindi, Munakeŋi niyilili chumanyi?
37Wena hiyakumwila nawu, Twiteji #Mat 19:28; Luk 22:30twakashakami mulubanji lwakulema kweyi, iwu kuchikasa cheyi chachidiilu, iwu kuchikasa cheyi chachimunswa.
38Yesu hakuyila nindi, Chuma chimunalombi himunachilukuku. Enu mutweshi kunwa #Yow 18:11mulupasa lunukunwami? Mukutwesha kujimikewa #Luk 12:50nachijimikilu chakujimikawu nachu ami?
39Wena hiyakumwila nawu, Tukutwesha. Yesu hakuyila nindi, #Yil 12:2; Chim 1:9Lupasa lunukunwami, mwakanwamu; nichijimikilu chakunjimikawu nachu ami, ninenu nawa akayijimika nachu.
40Hakwinza kushakama kuchikasa chami chachidiilu, hela kuchikasa chachimunswa, #Mat 13:11; Yil 1:7hichuma chami mwaka nichitejuku; chambala chanawa aloŋeshelawu dehi.
41Owu ikumi chanachitiyuwu, hiyakutachika kutiya kutama nankashi nawaYakoba naYowanu.
42Yesu hakuyitambika, hakuyila nindi, Mweluka dehi #Luk 22:25-27anyanta jawaJentili chayiyuulaŋawu, niantu awu alema chekalaŋawu nawanta hadi wena;
43ilaŋa mukachi kenu bayi mwakekala chochochuku. Yowu wukukeŋa kwikala #9:35; Mat 20:26muneni mukachi kenu ekali mukwakuyikalakela.
44Yowu wukukeŋa kwikala mukwakubadika mukachi kenu ekali nduŋu yenu.
45Muloŋa chalala chenjiliyi Mwana kaMuntu, halondeli nindi #Mat 20:28akamukalakeluku; nindi akakalakeli akwawu, #1 Tim 2:5-6akalambuli wumi windi wakukuula nachu antu amavulu.
Kutonesha Baratimewu
(Mat 20:29-34; Luk 18:35-42)
46Hiyakushika kuYeriku. Chadiŋi nakufumayi kuYeriku nawatumbanji twindi niizaza deneni, mwana kaTimewu Baratimewu, mputamesu, mukwakulomba yamukunkulu, wadiŋi washakama kunsa yanjila.
47Chanatiyiyi nawu diyi Yesu wakuNazareta, hakutachika kubilela nindi, Eyi Yesu, Mwana kaDavidi, ntiyili luwi.
48Antu amavulu hiyakumuhoshola nawu, Mwenaku. Ilaŋa yena hakusweja nikubilela nankashi nindi, Eyi Mwana kaDavidi, ntiyili luwi.
49Yesu hakwimana ku-ka, nindi, Mutambikenu. Hiyakumutambika owu mputamesu, hiyakumwila nawu, #Mat 9:2Tiyaku kuwaha, nyamukaku, hakukutambika.
50Yena hakunata chikowelu chindi, hakutakumuka, hakwinza kudi Yesu.
51Yesu hakumwihula nindi, Wunakeŋi nikwilili chumanyi? Mputamesu nindi, Eyi Raboni, nakeŋi nimoni.
52Yesu hakumwila nindi, Yaŋa kweyi, #Mat 9:22kukuhwelela kweyi kunakukoleshi dehi. Hohenohu amona nikumona, hakumulondela Yesu munjila.
اکنون انتخاب شده:
Maku 10: MWW04
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Holy Bible in Lunda Ndembu © United Bible Societies, 2003.
