Luka 17
17
Ko te Agahala
(Mataio 18.6-7, 21-22; Maleko 9.42)
1Kua vāgana atu ia Iehu ki ona hoko, “Ko nā fakaohoohoga ke pakukū ai ia tagata ki te agahala, e mautinoa lava e pa mai; kae hāloa la te tino e māfua mai ai iēnei mea! 2E hili atu mo te tino tēnā pe kāfai e nonoa he fatupae lahi lele ki tona ua ma togi ai ki te tai, i lo te fai e ia o he mea ke uma ai te fakatuatua mai ki a te au, o hētahi o ki lātou iēnei e tamaiti. 3#Mat 18.15Kikila lelei la ki nā mea a koutou e fai!
“Kāfai tō uho e fai hana mea kino ki a te koe, apoapoaki ki ei, ma kāfai e halamō, oi fakamāgalo e koe. 4Kāfai e fakafitu ona fai ni ana mea kino ki a te koe i te aho, ma lea vē atu ki a te koe i nā taimi takitahi iēnā, ‘Ko au kua halamō,’ e tatau ke fakamāgalo e koe.”
Ko te Fakatuatua
5Kua lea atu te kau apohitolo ki te Aliki, “Fakatupu lahi ko to mātou fakatuatua.”
6Kua tali mai te Aliki, “Kana ia te koutou he fakatuatua e vē ko te lahi o he fatu hīnapi, e mafai koutou ke lea vēnei ki te hūkāmolu,#17.6 hūkāmolu: He lākau e kai ona fua ma e pa ki te 6 mita te loa. E fua i te tau māfanafana, kae malili ona lau i te tau malūlū. ‘Heki ake ki luga i ō aka ia koe e koe lava, ma fano oi totō i te tai!’ ma e uhitaki atu lava.
Ko he Tiute Lava e o te Kaukauna
7“E i ei nei he tino o koutou e i ei hana kaukauna e fakamalū e ia te kelekele, pe leoleoa te lafu māmoe, e lea vē ki ei kāfai e foki mai i te fatoaga, ‘Hau loa oi kai?’ 8Kae ka hē i na lea nei koe vēia ki ei, ‘Laulau mai loa taku meakai. Fai tō kofu kuka ma hau oi kikila taku meakai ke uma toku kai ma inu; ma ka uma loa tēnā, oi fātoā kai ai koe!’ 9E fakafetai koe ki te kaukauna auā kua fai e ia nā mea na fakatonu ki ei? 10E vēnā foki la koutou; kāfai e uma te koutou faia o nā mea uma na fakatonu atu ke fai, oi lea ai vē, ‘Ko ki mātou ni kaukauna hē aogā; kua fai lava e ki mātou o mātou tiute.’ ”
Kua Fakamālōlō e Iehu nā Tino e toka Hefulu
11I te fanoga o Iehu ki Ieluhalema, na kui atu ai i te kelekele e tuākoi ai ia Hāmālia ma Kalilaia. 12Kua pa atu ki hētahi nuku, oi fakafetaui mai ai ki ei ni tamāloa e toka hefulu, e maua i te lēpela. Kua tutū mamao mai 13kae taufōlua vē, “Iehu! Te Faiakoga! Alofa mai ko ki a te ki mātou!”
14 #
Lev 14.1-32
Kua kitea atu ki lātou e Iehu, oi lea vē atu ai ki ei, “Olo la oi fakaali outou tino ki nā ohitāulaga.#17.14 fakaali outou tino ki nā ohitāulaga: Ko nā tino e maua i te lēpela e tatau ke iloilo o lātou tino e he ohitāulaga, ke fakamāonia ai ko ki lātou kua “mamā” ma mafai ai ke auai ki nā mea tau tāpuakiga. ”
I te taimi na olo ai, na mālōlō ai lava. 15I te kiteaga e tētahi o ki lātou ko ia kua mālōlō, oi toe liliu mai ai, ma viviki ake ki te Atua i te leo lahi. 16Kua fakapakū fakapūlou ki te kelekele ki tafa o nā vae o Iehu, ma fakafetai ki ei. Ko te tamāloa ko he Hāmālia. 17Kua lea atu ia Iehu, “E toka hefulu ia tino na fakamālōlō; ei fea la tētahi toka iva? 18He ā te kua nā ko te tino nukukehe oioti te kua toe liliu mai oi fakafetai ki te Atua?” 19Oi lea atu ai ia Iehu ki te tino tēnei, “Tū la ki luga oi fano; ko tō fakatuatua kua mālōlō ai koe.”
Ko te Mālō o te Atua.
(Mataio 24.23-28, 37-41)
20Kua fehili atu iētahi tino o te kau Falehaio ki a Iehu, pe ko āfea te pa mai ai te Mālō o te Atua. Oi tali vē atu ai ki ei, “E hē mafai ke iloa e tagata ona e kikila ki ni fakailoga, pe ko āfea te pa mai ai te Mālō o te Atua. 21Ka hēai he tino e lea vē, ‘Kikila, tēnei!’ pe lea vē mai, ‘Tēia i ko!’; auā ko te Mālō o te Atua e i loto ia te koutou.”#17.21 e i loto ia te koutou; pe e i ei fakatahi ma koutou.
22Oi vāgana atu ai ki te kau hoko, “E hau te taimi ka lagona ai e koutou te fia kikila ki he aho e fokotahi o nā aho o te Ataliki o te Tagata, kae ka hē koutou kitea. 23Kāfai e lea vē atu nā tino ki a te koutou, ‘Kikila, tēnei!’ pe, ‘Kikila, tēnā!’ Koutou nahe olo oi mulimuli ki ei. 24Auā e vē ona napa te uila ma māinafia kātoa ai te lagi mai i tētahi itūlagi ki tētahi itūlagi, ka vēnā foki lava te Ataliki o te Tagata i tona aho.#17.24 i tona aho; ko iētahi tuhituhiga anamua e hē i loto ai te fakakupuga tēnei. 25Kae e tatau ke maua muamua ia i puapuagā e lahi, ma teteke ki ei ia tagata o te tupulaga tēnei. 26#Ken 6.5-8E vē ko te mea na tupu i nā aho o Noa, ka vēnā foki lava te mea ka tutupu i nā aho o te Ataliki o te Tagata. 27#Ken 7.6-24Nae kakai pea lava ma inu ia tagata, nae āvavaga ia tamāloloa ma fafine ke pa lava ki te aho na fano ai ia Noa ki luga o te vaka, oi pa mai ai te lolo ma fakaumatia uma ai ki lātou. 28#Ken 18.20—19.25E vē foki lava ko te mea na tupu i nā aho o Lota. Nae kakai pea lava ma inu ia tagata; nae fefakatauaki a lātou koloa, totō o lātou fatoaga, ma fau o lātou fale. 29Kae i te aho na fano kehe ai ia Lota mai Hotoma, na to ifo ai te afi ma te teiō mai te lagi e vē he ua, oi fakaumatia uma ai ki lātou. 30Ka vēnā foki lava te mea e pa ki ei, i te aho e fakakikila ai te lalolagi ki te Ataliki o te Tagata.
31 #
Mat 24.17-18; Mlk 13.15-16 “I te aho tēnā, ko te tino e i luga o te tuākaukau o tona fale, nahe fanaifo ki lalo ma toe ulu ki loto o te fale ke kave ana mea; e vēnā foki te tino e galue i te fatoaga, nahe toe foki ki tona fale. 32#Ken 19.26Ke koutou manatua te mea na tupu ki te āvaga a Lota! 33#Mat 10.39; 16.25; Mlk 8.35; Luk 9.24; Ioa 12.25Ko ai lava e mānumanu ki tona ola, ka hē ia mauagia, kae ko ai lava e māumau tona ola, ka maua e ia. 34E lea atu au ki a te koutou, i te pō lava tēnā, ka toka lua ia tino e momoe i te moega e fokotahi; e fokotahi ka kave, kae tuku tētahi. 35-36E toka lua ia fafine ka tuki haito fakatahi; e fokotahi ka kave, kae tuku tētahi.”#17.35-36 Ko iētahi tuhituhiga, e fakaopoopo ki ei te fuaikupu e 36: Ka toka lua ia tamāloa e gālulue i te fatoaga; e fokotahi ka kave, kae tuku tētahi.
37Oi fehili atu ai ki ei te kau hoko, “Te Aliki, i fea?”
Kua tali mai ia Iehu, “Ko te mea e i ei te tino oti, ka tumu atu foki ki ei nā āeto.”
Currently Selected:
Luka 17: TNT
Tõsta esile
Share
Copy
Want to have your highlights saved across all your devices? Sign up or sign in
Tokelauan New Testament © Bible Society New Zealand, 2009.