Popular Bible Verses from Luka 17

Share

Oi lea atu ai ia Iehu ki te tino tēnei, “Tū la ki luga oi fano; ko tō fakatuatua kua mālōlō ai koe.”

Kāfai e fakafitu ona fai ni ana mea kino ki a te koe i te aho, ma lea vē atu ki a te koe i nā taimi takitahi iēnā, ‘Ko au kua halamō,’ e tatau ke fakamāgalo e koe.”

I te kiteaga e tētahi o ki lātou ko ia kua mālōlō, oi toe liliu mai ai, ma viviki ake ki te Atua i te leo lahi. Kua fakapakū fakapūlou ki te kelekele ki tafa o nā vae o Iehu, ma fakafetai ki ei. Ko te tamāloa ko he Hāmālia.

Kikila lelei la ki nā mea a koutou e fai! “Kāfai tō uho e fai hana mea kino ki a te koe, apoapoaki ki ei, ma kāfai e halamō, oi fakamāgalo e koe.

Kua lea atu ia Iehu, “E toka hefulu ia tino na fakamālōlō; ei fea la tētahi toka iva?

Kua tali mai te Aliki, “Kana ia te koutou he fakatuatua e vē ko te lahi o he fatu hīnapi, e mafai koutou ke lea vēnei ki te hūkāmolu, ‘Heki ake ki luga i ō aka ia koe e koe lava, ma fano oi totō i te tai!’ ma e uhitaki atu lava.

Ko ai lava e mānumanu ki tona ola, ka hē ia mauagia, kae ko ai lava e māumau tona ola, ka maua e ia.

Kua vāgana atu ia Iehu ki ona hoko, “Ko nā fakaohoohoga ke pakukū ai ia tagata ki te agahala, e mautinoa lava e pa mai; kae hāloa la te tino e māfua mai ai iēnei mea! E hili atu mo te tino tēnā pe kāfai e nonoa he fatupae lahi lele ki tona ua ma togi ai ki te tai, i lo te fai e ia o he mea ke uma ai te fakatuatua mai ki a te au, o hētahi o ki lātou iēnei e tamaiti.

E vē ko te mea na tupu i nā aho o Noa, ka vēnā foki lava te mea ka tutupu i nā aho o te Ataliki o te Tagata. Nae kakai pea lava ma inu ia tagata, nae āvavaga ia tamāloloa ma fafine ke pa lava ki te aho na fano ai ia Noa ki luga o te vaka, oi pa mai ai te lolo ma fakaumatia uma ai ki lātou.