NISTUM OO MAMOWE MUSSINA̔HUMAKĀWIN JOHN 2
2
PISKE̔TUSSINA̔HIKUN II.
1Net upistowasisimetik, ohoo kākwia ke mussina̔humatinawaw, āka kitta muche̔teyāk. Mena keespin ke muche̔tinow, ket ayawanow kā nutotāstumakooyu̔k O̔tawemawa, Jesus Christ kwiusk ootitatissew ote: 2Mena weya ke tipa̔hikāstumakoonow ke muche̔tewinenowa: mena numoweya keyanow piko, maka oo muche̔tewinewawa ka tu̔to ayatchik missewā uskee̔k. 3Mena ota kā o̔che kiskāye̔tumu̔k ā kiskāyimu̔k, keespin ke kunowāye̔tumwanow oo’nussoowāwina. 4Una ka itwāt, ne kiskāyimaw, maka āka kunowāye̔tumwatche oo’nussoowāwineyewa, keyaskew, mena tapwāwin numoweya kekeskum. 5Maka una ka kunowāye̔tumwat oot ayumewineyew, metoone tapwā keyekesku̔k Muneto oo sakehewāwin: ākota wā̔che kiskāye̔tumu̔k ā kekeskowu̔k. 6Una ne kekeskowaw ka itwāt oo ga isse pimo̔ta̔ weesta, ka ke̔ isse pimo̔tāyit. 7Ne’ Chewametik, numoweya ooske oonussoowāwin ka mussina̔humatukook, maka kuyas oonussoowāwin mitchimach ka ke̔ o̔che pā̔tumāk. Kuyas oonussoowāwin āwuko ayumewin ka ke̔ pā̔tumāk mitchimach o̔che. 8Mena, ooske oonussoowāwin ke mussina̔humatinawaw, āwuko tëapwāmuku̔k ā kekesku̔k mena ā kekeskumāk: weya wunetipiskissewin ā muyawepuyik, mena tapwā wastāo ākwa ā wastāk. 9Una wastā̔k net ayan ka itwāt, maka oo’ chewama pukwatatche, wunetipiskissewini̔k ayaw peeyis unoo̔ch isko. 10Una ka sakehat oo’ chewama wastā̔k ayaw, mena numoweya ayaw kākwi itta kā ke̔ o̔che pu̔kissinewee̔t. 11Una ka pukwatat oo’ chewama wunetipiskissewini̔k ayaw, mena wunetipiskissewini̔k pimo̔tāo, mena numoweya kiskāye̔tum ittā āto̔tāt, weya āwuko wunetipiskissewin ā kipa̔humakoot oo’ skesikwa. 12Ke mussina̔humatinawaw keyawaw, upistowasisetik, weya ā usānumakoweyāk ke muche̔tewinewawa oo we̔yoowin o̔che. 13Ke mussina̔humatinawaw, o̔tawetik, weya ā kiskāyimāk una mitchimach ka o̔cheet. Ke mussina̔humatinawaw, ooskeneketik, weya ā ke̔ sakoochehāk muche aya. Ke mussina̔humatinawaw, upistowasisetik, weya ā ke̔ kiskāyimāk Wāo̔tawee̔k. 14Ke ke̔ mussina̔humatinawaw, o̔tawetik, weya ā ke̔ kiskāyimāk una mitchimach ka o̔cheet. Ke ke̔ mussina̔humatinawaw keyawaw, ooskeneketik, weya ā muskowisseeyāk, mena Muneto oot ayumewin ā kekeskumāk, mena ā ke̔ sakoochehāk muche aya. 15Ākaweya sake̔tak uske, a̔po unehee kākwia uskee̔k ka ayakee. Keespin ayiseyinew sake̔tatche uske, O̔tawemaw oo sakehewāwin numoweya kekeskum. 16Weya ka̔keyow kākwia uskee̔k ka ayakee, meyas oot ukawatumoowina, mena miskesikoowe ukawatumoowina, mena pimatissewe kistāyimoowina, numoweya Wāo̔tawee̔k o̔chémukunwa, maka uskee̔k o̔chémukunwa. 17Mena uske ispee̔che muyawepuyew, uskeewe ukawatumoowina ussitche: maka una ka totu̔k ā itāye̔tumeyit Munetoowa kakekā kitta e̔taw. 18Upistowasisetik, ākwa unne iskwayani̔k: mena ka ke̔ isse pā̔tumāk kitta tukoosee̔k ā Christe̔kasoot, a̔po assi mā̔chātitchik ā Christe̔kasootchik; ākota ka o̔che kiskāye̔tumu̔k ākwa iskwayani̔k. 19Keyanow itta ke̔ o̔cheewuk, maka numoweya tapwā ke ke̔ wechākoonowuk; keespin tapwā ke̔ wechākooyu̔kik, numoweya āka tu̔ke ke ga ke̔ wetuppemikoo̔tanowuk: maka ke̔ wuyoweewuk, kitta nookwu̔k āka ka̔keyow ā ke̔ tapwā wechāwitu̔kook. 20Maka keyawaw ka Kunatissit Aya ke ke̔ uspa̔hakāwe toominikoowaw, mena ka̔keyow kākwia ke kiskāye̔tānawaw. 21Numoweya āka ā kiskāye̔tumāk tapwāwin ka o̔che, mussina̔humatukook, maka ā kiskāye̔tumāk o̔che, mena āka keyaskewin a̔ o̔cheek tapwāwini̔k. 22Owāna kāyaskiskit numma che una ka anwā̔tu̔k Jesusa ā Christeweyit? Āwuko ā christe̔kasoot, ka anwā̔tu̔k ā e̔tayit O̔tawemaw mena Wākoosisewee̔t. 23Una ka anwā̔tu̔k ā e̔tayit Wākoosisewee̔t, āwuko numoweya Wāo̔tawewee̔t ayawāo; maka una ka achimat Wākoosisewee̔t Wāo̔tawee̔t ussitche ayawāo. 24Keyam maka kekeskumook, unima mitchimach ka ke̔ o̔che pā̔tumāk. Keespin unima mitchimach ka ke̔ o̔che pā̔tumāk tu̔ke ke kekeskānawaw, keyawaw mena ke ga pee̔tiskowawaw Wākoosisee̔k, mena Wāo̔tawee̔k. 25Mena āwuko oma ussootumakāwin ka ke̔ ussootumatu̔k, kakekā pimatissewin. 26Ohoo kākwia ke ke̔ mussina̔humatinawaw ā achimukik unekee ka wuyāsimikooyākook. 27Maka toominikun ka ke̔ oo̔tinumakooyāk ke kekeskānawaw, mena numoweya ke kweetumanawaw ayiseyinew kitta kiskino̔humakooyāk: maka unima toominikun ka isse kiskino̔humakooyāk ka̔keyow kākwia, mena ā tapwāmuku̔k, mena āka ā keyaskemuku̔k, mena a̔po ka ke̔ isse kiskino̔humakooyāk, ke ga kekeskowawaw. 28Ākwa maka, upistowasisetik, pee̔tiska̔k; ispe neyookoositche, ke ga aya̔tanow uspāyimoowin, āka kitta nāpāweseestowu̔k ispe tukoosee̔ke. 29Keespin ke kiskāye̔tānawaw kwiusk ā itatissit, ke kiskāye̔tānawaw tu̔to oweyuk ka kwiusk e̔tit ke̔ ne̔tawekehik.
Actualmente seleccionado:
NISTUM OO MAMOWE MUSSINA̔HUMAKĀWIN JOHN 2: CSW
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
First published by the British and Foreign Bible Society 1876-1877.
