NISTUM OO MAMOWE MUSSINA̔HUMAKĀWIN JOHN 1
1
PISKE̔TUSSINA̔HIKUN I.
1Unima mitchimach ka ke̔ o̔cheek, ka ke̔ pā̔tuma̔k, n’ iskesikoonana ka ke̔ o̔che wapu̔tuma̔k, ka ke̔ kunowapu̔tuma̔k, mena ne’ che̔chenana o̔che ka ke̔ saminuma̔k, Pimatissewe ayumewin; 2(Weya pimatissewin ke̔ nookwun, mena ne ke̔ wapu̔tānan, ākose ne we̔tānan, mena ke wapu̔teyitinan unima kakekā pimatissewin, Wā̀o̔tawee̔k ka ke̔ ussitche ayat, mena ka ke̔ wapu̔teyikoweya̔k); 3Unima ka ke̔ wapu̔tuma̔k mena pā̔tuma̔k ke we̔tumatinan, keyawaw mena kitta ke̔ wechāwakunimita̔k: weya tapwā ā wechāwukee̔t Wāo̔tawee̔k, mena oo’ Koosisa Jesus Christ. 4Mena ohoo kākwia ke mussina̔humatinan, kitta ke̔ sakuskināskakooyāk ke muma̔takoosewinewaw. 5Āwuko oma maka ka itwāhikooya̔k ā pā̔towukee̔t, ākose ka we̔tumata̔k, Muneto ā wastāwit, mena nummawawach wunetipiskissewin ā kekesku̔k. 6Keespin ne wechāwanan ket itwanow, maka wunetipiskissewini̔k pimo̔tāyu̔ko, ke keyaskinow, mena tapwāwin numma ke totānow: 7Maka keespin wastā̔k ke pimo̔tanow, wastā̔k ka isse ayat, ke wechā̔toonow, mena oo’ mi̔k Jesus Christ oo’ Koosisa ke kechistinikoonow ka̔keyow muche̔tewini̔k o̔che. 8Keespin ket itwanow numoweya net ayanan muche̔tewin, ke wuyāsehissoonow, mena tapwāwin numma ke kekeskakoonow. 9Keespin ke we̔tānow ke muche̔tewinenowa, tapwāwinewew mena kwiusk e̔tew kitta usānumatu̔k ke muche̔tewinenowa, mena kitta kechistinitu̔k ka̔keyow muchatissewini̔k o̔che. 10Keespin ket itwanow numoweya n’ o̔che muche̔tinan, keyaskisk ket issehanow, mena oot Ayumewin numma ke kekeskakoonow.
Actualmente seleccionado:
NISTUM OO MAMOWE MUSSINA̔HUMAKĀWIN JOHN 1: CSW
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
First published by the British and Foreign Bible Society 1876-1877.
