NISTUM OO MAMOWE MUSSINA̔HUMAKĀWIN JOHN 3
3
PISKE̔TUSSINA̔HIKUN III.
1Wapu̔tumook, tantooa sakehewāwin ke ke̔ oo̔cheestumakoonow Wāo̔tawee̔k, Muneto oo’ koosisanuk kitta isseni̔katikoweyu̔k: āwuko o̔che uske numma ke kiskāyimikoonowuk, weya āka ā ke̔ o̔che kiskāyimikoot. 2Seäkehitukook, ākwa Munetoowe koosisaneweyu̔k, mena numoweya āskwa nookwun kā isse ayayu̔k: maka ke kiskāye̔tānow, ispe nookoositche, ke ga nuspitowanow; weya kitta wapumayu̔k ā isse ayat. 3Mena tu̔to oweyuk ka ayat oma uspāyimoowin pā̔kehoo, ka isse pā̔katisseyit. 4Tu̔to oweyuk ka muche̔tit peekoonum ussitche oonussoowāwin: weya muche̔tewin o̔che ā peekoonumee̔k oonussoowāwin. 5Mena ke kiskāye̔tānawaw ā ke̔ nookoosit kitta ootinumakooyu̔k ke muche̔tewinenowa; mena numoweya kekeskum muche̔tewin. 6Tu̔to oweyuk ka wechāwat numoweya muche̔tew: tu̔to oweyuk ka muche̔tit numoweya o̔che wapumāo, mena numma o̔che kiskāyimāo. 7Upistowasisetik, ākaweya ayiseyinew ke ga wuyāsemikoowaw: una ka kwiusk e̔tit kwiusk itatissew, ka isse kwiusk itatisseyit. 8Una ka muche̔tit muche munetoo̔k o̔cheew; weya muche muneto ā ke̔ pā muche̔tit mitchimach o̔che. Āwuko o̔che ke̔ nookooseyewa Muneto oo’ Koosisa, kitta nissewunache̔tayit muche muneto oot utooskāwina. 9Tu̔to oweyuk ka ne̔tawekehikoot Munetoowa numoweya muche̔tew; weya oot a̔cha̔kooyewa ā pee̔tiskakoot: mena numoweya ke̔ muche̔tew, weya Munetoowa ā ne̔tawekehikoot. 10Ākota ka o̔che kiskāye̔takoositchik Muneto oot owasimisa, mena muche muneto oot owasimisa: tu̔to oweyuk āka ka kwiusk e̔tit numoweya Muneto o̔che ne̔tawekehik, mena una āka ka sakehat oo’ chewama. 11Weya oma itwā̔toowin mitchimach ka ke̔ o̔che pā̔tumāk, kitta sakehitooyāk. 12Numoweya tapiskooch Cain, muche ayee̔k itta ka ke̔ o̔cheet, mena oo’ chewama ka ke̔ ni̔ppa̔hat. Tanā̔ke nippa̔hāo? Chikāma weya oot isse̔chekuna ā ke̔ mayatuneyikee, maka oo’ chewama oot isse̔chekuna ā ke̔ meywasineyikee. 13Ākaweya mamuskatumook, ne’ chewametik, keespin uskee̔k ke pukwatikowinawaw. 14Ke kiskāye̔tānanow ā ke̔ muyaskumu̔k nippoowin kakekā pimatissewin ā ote̔tumu̔k, weya ā sakehu̔kook wāchewamee̔k. Una āka ka sakehat oo’ chewama nippoowini̔k ayaw. 15Tu̔to oweyuk ka pukwatat oo’ chewama nippa̔takāskew: mena ke kiskāye̔tānawaw numoweya nippa̔takāsk kakekā pimatissewin kekeskum. 16Ākota ka o̔che wapu̔tumu̔k Muneto oo sakehewāwin, ā ke̔ pukitinu̔k oo pimatissewin keyanow o̔che: keyanow mena ke ga pukitinā̔tanow ke pimatissewinenowa wāchewamee̔k o̔che. 17Maka una ka ayat uske wāyootissewina, wapumat maka oo’ chewama ā kweetumayit, āka maka kissāwatotowatche, tanse ā isse kekeskakoot Munetoowa oo sakehewāwineyew? 18Net upistowasisimetik, ākaweya ket ayumewinena̔k, mena ke’ tāyunena̔k o̔che sakehewātan; maka ket i̔totumoowinena̔k mena tapwāwini̔k o̔che. 19Mena ākota kā o̔che kiskāye̔tumu̔k tapwāwini̔k ā o̔cheeyu̔k, mena ke ga kā̔chenahoonow ke’ tā̔ena̔k kānowapumikooyu̔ko. 20Weya keespin ke’ tā̔enowa ke we̔tumakoonow ā muche̔teyu̔k, Muneto owusimā ke̔chayewew ispee̔che ke’ tā̔enowa, mena ka̔keyow kākwi kiskāye̔tum. 21Seäkehitukook, keespin ke’ tā̔enowa numma ke we̔ missimikoonow, ākose āspāyimoototowu̔k Muneto. 22Mena tu̔to kākwi ka nutotumowu̔k, k’ oo̔cheestumakoonow, weya ā kunowāye̔tumwu̔k oo’nussoowāwina, mena ā totumwu̔k unehee kākwia ka meywāye̔tu̔k kitta wapu̔tu̔k. 23Mena oma weya oo’nussoowāwin, Kitta tapwā̔tumwu̔k oo we̔yoowineyew oo’ Koosisa Jesus Christ, mena kitta sakehitooyu̔k, ka ke̔ isse oonustwatitu̔k. 24Mena una ka kunowāye̔tumwat oo’nussoowāwineyewa pee̔tiskowāo, mena pee̔tiskak. Mena ota k’ o̔che kiskāye̔tānow ā pee̔tiskakooyu̔k, ka ke̔ meeyikooyu̔k oot A̔cha̔kwa.
Actualmente seleccionado:
NISTUM OO MAMOWE MUSSINA̔HUMAKĀWIN JOHN 3: CSW
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
First published by the British and Foreign Bible Society 1876-1877.
