BaRoma 4
4
Aka kutetelamo mwa Abrahamu
1Lelo lilino tukutigi fiki isya Abrahamu, umwisukulu gwitu
2ulwa mbili? Buno linga Abrahamu ayobigwe ubugolofu panongwa ya mbombo, po ngimba ali nasyo isya kwitukifyamo,
3loli momma nkyeni mwa Kyala. Umwene kalata ikuti fiki? Ikuti: Abrahamu alinkumwitika Kyala; syo silinkumpelela
4ukubaligwa ukuya ngolofu. Umwene loli uyu ikubomba imbombo, yo ifihombigwa fyake fitikubaliligwa ukuya fya mwipyana, himma, loli fikubaliligwa ukuya fya pamaka gake.
5Umwene uyu atikubomba, loli ikunsubila yuyo ikunjoba ubugolofu numwila-Kyala, yo ulwitiko lwake lwisakubali-
6gwaga ukuya bugolofu. Bo lilyo yope Davidi ikunjoba ubusangalufu umundu uyu Kyala ikumbalila ubugolofu bo akabombamo imbombo, apa ikuti:
7Basangalufu aba baswegigwe ingilanio syabo, naba imbibi syabo sikupikiligwe.
8Nsangalufu umundu uyu uNtwa atikumbalila ubutulanongwa.
9Ubwene lelo ubusangalufu bububu, kali bukunjoba yu mbutigwako mwene, pamo yope nunsitakubutigwako? Namanga tukuti: Ulwitiko lulinkumpelela Abrahamu ukubaligwa
10ubugolofu. Kali umwene abaliligwe bulebule? Bo abutigweko, pamo bo akali ukubutigwako? Akabaliligwe bo
11abutigweko, himma, loli bo akali ukubutigwako. Umwene alyambilile ububutigwa ukuya kimanyilo itolo, nukuya lusisimikisyo lwa bugolofu bwa lwitiko, ulu ali nalo bo akali nukubutigwako; ukuti ayege gwisabo bosa aba bikwitika bo bakabutigwako, ko kuti bope babaligwege ukuya bagolofu.
12Kangi ayege gwise gwa bubutigwa bwa aba bakabutigwako ku kubutigwako kwene, loli bikukonga mmakato ga lwitiko ulu ali nalo tata Abrahamu bo akali nukubutigwako.
Ulufingo ulu bikubonekela ndwitiko
13Namanga ulufingo lula, ulwa kulwingilapo ikisu kyosa, ulu apegigwe Abrahamu nimbeyu yake yosa, lukalyendile ndulagilo, loli lwalyendile mbugolofu ubu bukufuma ndwitiko.
14Linga bikuya benekilingo aba bikulukonga ululagilo, po ulwitiko lwipelile lwa itolo, lope na lu lufingo lomwike.
15Namanga ululagilo lukupela ingalalisi, loli apa linga lukayapo
16ululagilo, po lope nulukilanio lukayapo. Ko kuno nikuti sikwendela ndwitiko, ukuti liyege lyo ipyana itolo, ko kuti ulufingo lula luyege lwa naloli kumbeyu yosa; komma kwene kuba ndulagilo, loli kope na kuba ndwitiko lwa Abrahamu,
17uyu yo tata twesa. (Bo lilyo lisimbigwe ili likuti: Ngupelile gwise gwa fikolo fi fingi itolo); nkyeni muli uyu alimwitike, yo yu Kyala uyu ikubasyusya nabafwe, uyu ikufibilikila ifi
18fikayako ukuti fiyengeko. Umwene napa lukalipo ulusubilo, alinkwitika ndusubilo ukuti ikuyaga yo gwise gwa fikolo fi fingi; bo lilyo liyobigwe ilya kuti: Bo yikuyaga bunobuno imbeyu yako.
19Umwene alinkusita nukuyeta ulwitiko bo ikwibona umbili gwake umfwe, bo aliti ali nafyo ifyinja imia yimo (100), kangi
20bo ikuketa ukuma imbapo kwa Sara. Napapo ukusitakwitika uku kwabagile ukumpelela ukwilamwa ndufingo lwa Kyala, pope alinkukaka ndwitiko, alinkumpa Kyala ubukulumba;
21silinkunkola fiyo ukuti Kyala abagile itolo ukubomba isi
22afingile. Sisisi syo silinkumpelela ukubaligwa ukuya ngolofu.
23Loli sikasimbigwe panongwa yake mwene isya kuti: Abaligwe,
24himma, loli na yuyuswe, twe twisakubaligwaga linga tumwitike
25uyu ansyusyaga Yesu uNtwa gwitu mbafwe. Umwene Yesu yo abikigwe mbufwe panongwa ya busobi bwitu, kangi asyusigwe ukuti tuyobigwege ubugolofu.
Actualmente seleccionado:
BaRoma 4: NYY
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Nyakyusa Ngonde New Testament (Ulwitikano Ulupya) © United Bible Societies, 1966.
