BaRoma 5

Ukutengana na Kyala mu muNtwa Yesu

1Lelo papo ulwitiko lutupelile ukuyobigwa ubugolofu, po tuli ndutengano na Kyala mu muNtwa gwitu Yesu

2Kristi; muli uyu munjila ya lwitiko tubwagile ubwingililo bwa mwipyana lilili, ili twimilemo; kangi tukwitukifya ndusu-

3bilo lwa bukulumba bwa Kyala. Kakaya ko kakaka kene, loli tukwitukifya na mbutolwe, bo tumenye ukuti ubutolwe

4bukupela ubufindangʼoma, ubwene ubufindangʼoma bukupela ubunyambala indumbula, ubwene ubunyambala indumbula

5bukupela ulusubilo; ulwene ulusubilo lutikunsusya nayumo, namanga ulugano lwa Kyala lonigwe itolo mundumbula syitu, 6mwa Mbepo Mwikemo uyu tupegigwe. Buno naloli Kristi abafwilile abila-Kyala pakabalilo akanunu, bo tukali tuli

7bonywa. Namanga kupala ukuti umundu yumo amfwile ungolofu, napapo pamo yumo abagile ukukiba ukumfwila

8umundu unnunu. Loli Kyala anangisye ulugano lwake kumyitu, pala Kristi atufwilege bo tukali tuli batulanongwa.

9Apa lelo tuyobigwe ubugolofu mwilopa lyake, po tukukindi-

10lilaga ukupokigwa kungalalisi mu mmyake yuyo. Namanga linga bwatusayenie na Kyala bu bufwe bwa Mwanake bo tukali tuli balugu itolo, po tukukindililaga itolo ukupokigwa

11mbumi bwake, apa tusayene lilino. Kakaya ko kakaka kene, loli tukwitukifya mwa Kyala muNtwa gwitu Yesu Kristi, uyu twambililemo ulusayano lilino.

Ubufwe bwendile mwa Adamu, ubumi mwa Kristi

12Bo mumo ubutulanongwa bwalisile nkisu muno mmundu yumoywene, bope nubufwe bwendile mbutulanongwa, po apa ubufwe bulinkusatanila mbandu bosa, papo bosa batulile

13inongwa. Namanga bo lukali ululagilo, ubutulanongwa bwalimo nkisu; loli ubutulanongwa butikubaligwa ukuya

14butulanongwa linga ululagilo lukayapo. Loli ukufuma pa Adamu ukwisakufika pa Mose, ubufwe bwali bunyafyale itolo, bwabalambike bosa naba ubutulanongwa bwabo bukafwene nulukilanio lwa Adamu, uyu yo kifwani kya uyu ayaga

15pakwisa. Loli ikikungilwa iki, kikala bo ubusobi bula; namanga linga bingi bafwile panongwa ya busobi bwa mundu yumoywene, po likukindililaga itolo ukubalefukila ba bingi ilipyana lya Kyala, nifyabupe fya mwipyana lya mundu

16yumoywene yula, yu Yesu Kristi. Kangi ifyabupe fila, fikaya bo ubutulanongwa bwa mundu yumo yula; namanga ukulongigwa kwa mundu yumoywene kutwele ukuyobigwa ububibi, loli ikikungilwa iki kisile mbusobi bu bwingi, kyo

17kikutwala ukuyobigwa ubugolofu. Lelo linga mbusobi bwa mundu yumoywene, ubufwe bwalipelile bunyafyale mmundu yumoywene yula yula, po bikukindililaga itolo aba bikwambilila ilipyana, ili Ukulefuka nifyabupe ifya bugolofu ukuya banyafyale mbumi, mmundu yumoywene, yu Yesu Kristi.

18Popapo lelo linga ubusobi bwa mundu yumoywene, bwabapelile ukuyobigwa ububibi abandu bosa, po apa bope nububombangolofu bwa mundu yumoywene, bubapelile abandu bosa

19ukuyobigwa ubugolofu ubupelabumi. Namanga bo apa ukusitakupilika kwa mundu yumo kwabapelile ba bingi ukuya batulanongwa, bunobuno kope ukupilika kwa mundu yumo-

20ywene kwisakubapelelaga ba bingi ukuya bagolofu. Ulwene ululagilo lwingile itolo kunyuma ukuti lububasye ubusobi, posa apa ubutulanongwa bwabele, po lyope ilipyana lilinku-

21kindilila ukulefuka, ukuti bo apa ubutulanongwa bwalipelile ukuya bunyafyale mbufwe, bunobuno lyope ilipyana lipelege ukuya inyafyale mbugolofu, ubu bukupela ubumi bwa bwila mwa Yesu Kristi uNtwa gwitu.

Actualmente seleccionado:

BaRoma 5: NYY

Destacar

Copiar