BaRoma 3

Ukukindapo kwa baYuda

1Lelo unjuda akindilepo fiki pabandu abangi? Kangi

2ububutigwa buli nubununu buki? Akindilepo munjila syosa itolo; aka kwanda, abaYuda bapegigwe ukugalindilila

3amasyu aga ayobile Kyala. Bule lelo, linga bamo bakalitike, kali ukusitakwitika kwabo kubagile ukomola ubusubiligwa bwa

4Kyala? Himma, kukabagila! Umwene Kyala yo gwa naloli, loli abandu bo batungulu itolo, bo papo lisimbigwe ili likuti:

Ukuti uyobigwege ubugolofu mmasyu gako;

Nukuti utobesyege bo kulongigwa.

5Lelo linga ubuniongafu bwitu bukubwimika ubugolofu bwa Kyala, po tutubulege uswe? Ngimba Kyala nniongafu apa ikutwala ingalalisi? (Nikuyoba bo mumo bikuyobela abandu).

6Himma, akaya nniongafu! Linga bo sili, po Kyala abagile

7ukukilonga bulebule ikisu? Lelo linga panongwa ya butungulu bwangu, ubwanaloli bwa Kyala bukindilile ukumpa ubukulumba, po fiki une ngali ngulongigwa ukuya ntula-

8nongwa? Kali tuyobege sisyo bikutuhelula bamo apa bikuti uswe tukuti: Atubombege si mbibi, ukuti mo sifumege inunu? Bo aba ukubatobesya kwabo kugolwike itolo.

Ukutoligwa kwa bandu bosa

9Bule lelo, tubakindile abangi uswe? Himma, tukabakinda; buno tutalile ukulonga ukuti, naba Yuda nabaGriki bosa

10itolo bali pasi pabutulanongwa, bo lilyo lisimbigwe ili likuti:

Akayako nayumo ungolofu, nayumo itolo;

11Akayako nayumo ugwa kusyagania,

Nayumo uyu ikundonda Kyala.

12Bosa bapagwike, bonangike itolo,

Akayapo nayumo uyu ikubomba inunu,

Nayumo itolo popapo.

13Abene ingolomilo syabo lyo ipumba ili lili bwasi,

Indimi syabo lusyobo lutupu;

Amata ga njoka amakali gali nkati mmilomo gyabo.

14Nkanwa mmyabo mwiswile ifigune nubukali;

15Amalundi gabo mengo ukona ililopa,

16Lonangiko itolo, kangi butolwe butupu munjila syabo,

17Iyene injila ya lutengano yo bakayimanya;

18Lukayapo ulutilo ulwa kuntila Kyala nkyeni mmyabo.

19Tumenye ukuti syosa isi lukuyoba ululagilo, lukubabula aba bali pasi palulagilo; ukuti undomo gwa mundu gwesa, gubatamisigwege, nukuti ikisu kyosa kiyege pasi pabulongi bwa

20Kyala. Namanga akayako nayumo ugwa mbili, uyu isakuyo-bigwaga ubugolofu nkyeni mmyake, panongwa ya mbombo sya lulagilo; papo ndulagilo mo sikufuma isya kubumanya ubutulanongwa.

Ubugolofu bukufuma ndwitiko lwa mwa Kristi

21Loli lilino kisita lulagilo, ubugolofu bwa Kyala bubonike pabwelu itolo, ubu busisimikisigwe ndulagilo na mbaku-

22nguluka. Nikubala ubugolofu bwa Kyala ubu bukwendela ndwitiko lwa kumwitikila Yesu Kristi, kuli bosa aba bikumwi-

23fika. Namanga lukayako ulukindano; papo bosa itolo batulile inongwa, bagilwe ukufikapo pabukulumba bwa Kyala.

24Bayobigwe itolo ukuya bagolofu mwipyana lyake, ili lyendile

25mbubangi ubu buli mwa Kristi Yesu; uyu Kyala alimwimike, ukuya kandu ka kusayanilamo ndwitiko lwa mwilopa lyake, ukunangisya ubugolofu bwake, apa Kyala asilekaga itolo imbibi

26syabo, isi babombile iyolo bo ikuti lyambepa; ko kuti nkabalilo kakaka abunangisyege ubugolofu bwake, ukuti yuyo mwene yo ngolofu, nukuti ikunjoba ubugolofu uyu ali nulwitiko mwa Yesu.

27Bule lelo, ukwitufya kuli kugu? Kwigaliligwe panja itolo. Ndulagilo luliku? Ulwa mbombo? Himma, loli ndulagilo

28ulwa lwitiko. Popapo lelo tusyagile ukuti, umundu ikuyobeligwa ubugolofu mu ndwitiko kisita mbombo sya lulagilo.

29Pamo, kali Kyala yo Kyala gwa baYuda bene? Akaya gwabo bope nabapanja? Ena, umwene gwabo bope nabapanja;

30namanga Kyala ali yumoywene itolo; uyu isakubayobaga ubugolofu ababutigwako munjila ya lwitiko, nabasitakubutigwako isakubayobaga ubugolofu panongwa ya lwitiko.

31Kali po tukulomelaga ululagilo nulwitiko ulu? Himma, tutikulomolaga, loli tukulwimikaga ululagilo.

Actualmente seleccionado:

BaRoma 3: NYY

Destacar

Copiar