BaRoma 2

Bope abaYuda batulile inongwa

1Ko kuno sikayako nasimo isya kwinokesya gwe mundu, gwe kulonga, nalinga uye gwe ani; buno muli isi kundonga unnino, mo kwitobesya gwimwene; namanga sisyo kulonga

2gwe ndongi, syo sisyo kusibomba. Buno tumenye ukuti, ubulongi bwa Kyala bukutalula itolo kubandu aba bikubomba

3bo sisisi. Gwe mundu gwe kubalonga aba bikubomba bo sisisi, kali kwinogona ukuti kwisakuponaga kubulongi bwa

4Kyala, bo nanungwe kubomba sisyo? Kingamo kubusyokela ubwingi bwa bololo bwake nulwifimbilisyo, napa ikuti lyambepa bwila? Ukamanya ukuti ubololo bwa Kyala buku-

5kulabisya kulupinduko? Panongwa ya ndumbula yako ingafu isitakupinduka, kwilundikila ingalalisi pisiku lya ngalalisi,

6apa bwisakukinguligwaga ubulongi ubugolofu bwa Kyala, uyu isakunhombaga umundu gwesa ukufwana nimbombo syake.

7Kuli aba bikwifimbilisya mumbombo inunu ukukinda ubukulumba, ulwimiko nubusitakufwamo, isakubapaga ubumi bwa

8bwila; abene abapelakulundukana, aba bikusila isya naloli, loli bikusitika si sya buniongafu, bo bisakwambililaga ingalalisi

9nubukali. Bwisakuyako ubutolwe nubukamandanigwa ku-mundu gwesa itolo uyu ikubomba imbibi; unjuda tasi, po

10lelo nunGriki; loli bwisakuyako ubukulumba nulwimiko nulutengano kumundu gwesa uyu ikubomba inunu, unjuda

11tasi, po lelo nunGriki. Namanga Kyala atikunsalila umundu

12mbundu bwake. Buno bosa aba batulile inongwa bo bakaya nalo ululagilo, bisakupyutigwaga kisitakulongeligwa ndulagilo; kangi bosa aba batulile inongwa bo bali nalo ululagilo, bisa-

13kulongeligwaga ndulagilo. Namanga bakaya bo bagolofu kwa Kyala, aba bikupilika kwene ku kupilika ululagilo, loli aba bikulukonga ululagilo, bo aba bisakuyobigwaga ubugolofu.

14Namanga apa abapanja aba bakaya nululagilo bikukonga isya ndulagilo bo bakasimanya, bikwipela ukuya lulagilo

15babo; napa babo bakaya nululagilo. Abene bikunangisya itolo ukuti imbombo sya lulagilo sisimbigwe mundumbula syabo; apa inyibonelo syabo sikubasisimikisya, ninyinogono

16syabo sikulongana pamo sikunokesania sisyo ndupu. Pisiku lilyo — ukufwana nIbangeli lyangu — Kyala isakusilongelaga isya mbutitu sya bandu mwa Yesu Kristi.

17Lelo linga kwiyoha yuyugwe ukuya njuda, kulusubila lu

18lulagilo, kwitukifya mwa Kyala, ubumenye ubwigane bwake, usilingenie inunu nimbibi papo umanyisigwe ndulagilo,

19kwibona gwimwene ukuya gwe ndongosi gwa bafwamaso, uli

20lumuli lwa ba mungisi, uli mfundamahala ga bakonyofu, uli mmanyisi gwa bana, gwe ndulagilo usibwene muno siyilile

21isya bumanyi nisya naloli; lilino lelo gwe kummanyisya uyungi, po fiki utikwimanyisya gwimwene? Gwe kulumbilila

22ukuti komma ukuhiya, po kangi nanungwe kuhiya? Gwe kuti komma ukulogwa po kangi nanungwe kutogwa? Gwe

23ufibengile ififwani, po kangi kupupa mwa-tempeli? Gwe kwitukifya ndulagilo, po fiki kunjwelula Kyala apa kulukilania

24ululagilo? Namanga lisimbigwe ili likuti: Ingamu ya Kyala

25yikuheluligwa mbapanja panongwa yinu. Namanga ububutigwa bo bununu itolo linga kukonga ululagilo; loli linga kulukilania ululagilo, bo ububutigwa bwako bwipelile busita-

26bubutigwa. Lilino lelo, linga unsitakubutigwako ikusikonga isi silagiligwe ndulagilo, kali ubusitakubutigwa bwake butisa-

27kuyobigwaga ukuya bubutigwa? Lelo popapo umundu uyu akaya mbutigwako ukufuma pabwandilo, loli ikulukonga ululagilo, isakukulongaga gwe uli nagwe kalata nububutigwa,

28loli kulukilania ululagilo. Namanga akaya yo njuda uyu linga njuda munyuma itolo, kangi bukaya bo bubutigwa ubu

29buli munyuma mumbili itolo; himma, loli uyu linga njuda nkati, bo njuda naloli; kangi ububutigwa bwa naloli, bo bwa mundumbula, bwa mwa Mbepo, bukaya bwa mwa kalata; umundu bo yuyuyu, yo ulwimiko lwake lutikufuma mbandu, loli lukufuma kwa Kyala.

Actualmente seleccionado:

BaRoma 2: NYY

Destacar

Copiar