BaRoma 1

U luponio

1Pauli untumwa gwa Yesu Kristi, uyu abilikiligwe ukuya ntumigwa, uyu asunguligwe ukulifumusya ilIbangeli lya

2Kyala, ili afingile ngani nabakunguluka bake mwa bakalata

3abikemo, ili likunjoba uMwanake, uyu kulubafu lwa mbili

4apapigwe mumbeyu ya Davidi, uyu imikigwe ukuya Mwana gwa Kyala mmaka, ukufwana na Mbepo gwa bwikemo, pala

5asyukege mbafwe, Yesu Kristi uNtwa gwitu, muli uyu twambilile ilipyana nubutumigwa, ukuti ifikolo fyosa fimpili-

6kege ndwitiko panongwa ya ngamu yake; muli bababa, mo

7mumo nanumwe mubilikiligwe ukuya ba Yesu Kristi; kubakundwe ba Kyala bosa aba bali mu-Roma, aba babilikiligwe ukuya bikemo: Ilipyana liyege nanumwe, nulutengano ulufuma kwa Kyala Tata, na kuNtwa Yesu Kristi.

Pauli ikulonda ukwakufika ku-Roma

8Nikutala ukugwa ulupi kwa Kyala gwangu mwa Yesu Kristi, panongwa yinu mwesa, namanga ulwitiko lwinu

9lufumwike nkisu kyosa. Buno Kyala uyu nikumbombela mumbepo syangu mwIbangeli lya Mwanake yo nketi gwangu,

10ukuti ndikulindila ukubakumbuka umwe bwila munyiputo syangu, nikusuma ukuti linga Kyala itike mbwigane bwake,

11njage injila ya kwisila kumyinu uko lilino. Namanga nikunyonywa ukwisa kukubaketa umwe, ukuti nanine pamo

12mbapepo ikikungilwa kya Mbepo ikya kubakasya, nikubala ukusubikisania ndwitiko ulu tuli nalo, twesa nanine nanumwe.

13Mwe bamyitu, ngigana ukuti mungasimanyaga ukuti kabili kabili nalondaga ukwisa kumyinu, — loli napingigwaga ukwisakufika kulilino kuno — ukuti njege niseke mmyinu, bo mumo

14ndi nasyo mbapanja abangi. Ndi gwa kumeleligwa nabaGriki

15naba bakaya baGriki, aba mahala nabasita mahala; po apa nikulonda ukusifumusya inongwa inunu na kumyinu mwe ba

16mu-Roma. Namanga une ndikufwa isoni pIbangeli; buno go maka ga Kyala ga kumpokela gwesa uyu ikwitika, unjuda

17tasi, po lelo nunGriki. Buno mo mumo bukinguliligwe ubugolofu bwa Kyala, ukufuma ndwitiko ukulabila ndwitiko, bo apa lisimbigwe ili likuti:

Ungolofu ikuyaga mumi mu ndwitiko.

Ubwila-Kyala bwa bapanja

18Namanga ingalalisi sya Kyala sikinguligwe ukufuma kumwanya pabwila-Kyala bosa, nubuniongafu bwa bandu bosa aba bikubugomolela kunyuma ubwanaloli nubuniongafu bwabo.

19Namanga tosa utwa kummanyilamo Kyala tuli pabwelu itolo

20mmyabo, bosa abakingulile yu Kyala. Namanga akayilo kake aka katikuboneka — nikubala amaka gake ga bwilabwila nubwa-Kyala bwake — kabonekile pabwelu ntundu utu apelile ukufuma mbwandilo bwa kisu. Popapo abene bakaya nisya

21kwinokesya; buno napa balimmenye Kyala, balinkusita nukumwimika ukuti yo Kyala, kangi balinkusita nukugwa ulupi kumyake; loli balinkwipela ba itolo munyinogono syabo, kangi indumbula syabo isitamahala silinkwipela ngisi.

22Abene bo bikwiyoba ukuya ba mahala, balinkwipela ukuya

23bakonyofu, balinkusania ubukulumba bwa Kyala unsitakuyonga nikifwani kya mundu umbuguyufu, nikya njuni, nikya finyamana, nikya ifi fikwendela inyanda.

24Ko kuno Kyala alinkubaleka mfinyonyo fya mundumbula

25syabo, mbunyali bwa kwiywelula babo imibili gyabo; papo abene busaniaga ubwanaloli bwa Kyala nubutungulu, balinkwiputa nukukibombela ikipeligwa ukukinda Umpeli, uyu yo mwimikigwa bwilabwila itolo, Amen.

26Ko kuno Kyala alinkubaleka mfinyonyo fya buywelufu; namanga abakikulu babo balinkwandiila imbombo ya mibili gyabo ukufwana muno bapeligwe, balinkubomba isi bakape-

27leligwe ukubomba. Bope nabanyambala bububo; halekile ukuya nabo abakikulu bo papo bapeligwe, bapilanile babo batupu mfinyonyo, abanyambala babombaga nabanyambala binabo ingosyasoni, kangi biyegelaga ifihombigwa ifi fifwene nubusobi bwabo.

28Lelo bo apa bakasilondaga isya kummanya bununu Kyala, umwene Kyala alinkubaleka munyinogono isya itolo, nukuti

29babombege isi sikabagila. Abene balinkwisula nubuniongafu bosa nubugasi, nubunyonywafyosa, nububibi, biswile akabini, nubugogi, nukulwa, nulusyobo, nukwinogona imbibi, ba

30luheho, bohesi, bambengile Kyala, ba matingo, ba lwitufyo,

31ba lwiyimiko, bagulambibi, bilabapapi, basitamahala, bafu-

32fyalwitikano, basitabumanyani, basitalupakisyo; abene napa balumenye ulutumulilo lwa Kyala, ulwa kuti bosa aba bikubomba sisisi kubabagile ku kufwa, batikusibomba ku kusibomba kwene, himma, loli bikubitikila naba bikusibomba.

Actualmente seleccionado:

BaRoma 1: NYY

Destacar

Copiar