BaRoma 14
14
Ubufisalyoyo kubonywa ndwitiko
1Uyu linga monywa ulwitiko, yo mumwambililege;
2komma ukundonga isi ikwinogona umwene. Yumo ndwitiko lwake ikulya fyosa itolo, uyungi mbonywa bwake
3ikulya lyene li iseke lya mani. Umwene uyu ikulya, yo angansyokelaga uyu atikulya; loli yope uyu atikulya, angando-
4ngaga uyu ikulya, buno umwene Kyala amwambilile. Gwani gwe gwati undongege umbombi gwa yungi? Napa linga ikwima pamo ikugwa, syosa sili mu muntwa gwake; loli isakwimaga, papo uNtwa yo amenye ukumpelela ukwima.
5Yumo ikulyimika ilisiku limo ukukinda ilingi, uyungi ikugimika amasiku gosa ikuti gafwene itolo; fikuti umundu gwesa
6sinkolege fiyo munyinogono syake yuyo. Uyu linga ikulyimika ilisiku limo, yo ikumwimikila yu Ntwa; na uyu ikulya, yo ikulila mu muNtwa, buno ikugwa ulupi kwa Kyala; umwene uyu atikulya, yo ikufipikila mu muNtwa, yope
7ikugwa ulupi kwa Kyala. Buno nayumo mmyitu uyu ubumi
8bwake mwene, kangi nayumo uyu ikwifwila mwene. Namanga apa tuliko kubumi, po tuli bumi mu muNtwa; napa tukufwa tukufwila mu muNtwa; bunobuno lelo napa tuli
9bumi, napa tukufwa, tuli ba yu Ntwa. Namanga syo sisyo Kristi afwilile nukuya mumi, ukuti ayege Ntwa gwa bafwe
10nabumi. Loli ugwe kundonga fiki ugwamymu? Nungwe gwe yungi kunsyokela fiki ugwamymu? Buno twesa muno tuyilile, tukwakwimaga nkyeni nkikota kya bulongelo bwa
11Kyala. Namanga lisimbigwe ili likuti:
Bo apa ndi kubumi, amafundo gosa gisakufugamaga nkyeni mmyangu, bo ikuya uNtwa;
Po indimi syosa sisakuntufyaga Kyala.
12Bunobuno lelo twesa itolo muno tuyilile, tukwakwiyobelaga kwa Kyala uyu isyake uyu isyake.
13Popapo lelo atulekege ukulongana; isyene loli inunupo ukulonga syo sya kuti: Nayumo angampelelaga ugwamyabo
14simo isya kwikinya nisya kungwisya. Une menye, kangi singolile muNtwa Yesu, ukuti fikayako nafimo ifi finyali fyene itolo; fyene fifyo linga gwe mundu kufinogona ukuya finyali,
15fyo fikuya finyali. Loli linga ugwamymu fikumpelela ubusulumanie ifindu ifi kulya, bo ulekile ukwenda ndugano. Ungamonangaga mfindu fyako ifi kulya, uyu Kristi alimfwilile.
16Popapo lelo akandu akanunu aka; muli nako kangaheluli-
17gwaga. Buno ubutwa bwa Kyala fikaya fyakulya pamo fyakunwa, loli ubwene bo bugolofu, nulutengano, nulusekelo
18mu mwa Mbepo Mwikemo. Namanga uyu linga ikumbombela Kristi muli sisisi, yo ikunkyela itolo Kyala, yo bope
19nabandu bikumwitikila. Popapo lelo atusikongege imbelalu-
20tengano, na si sya kuyengana twe babo batupu. Komma ukupangula imbombo ya Kyala panongwa ya findu ifi kulya. Naloli fyosa itolo finunu, loli fikwipela fibibi kumundu uyu
21ikwikinya bo ikulya. Kununu ukusitakulya inyama nukusitakunwa ubwalwa bwa mafilu, na fyosa ifi linga fikumpelela ugwa-
22myinu ukwikinyamo. Ulwitiko ulu uli nalo, lo uyege nalo gwimwene nkyeni mwa Kyala. Nsangalufu uyu linga atikwi-
23longa muli isi asitike. Loli uyu linga ikwilamwa bo ikulya, yo atobesigwe ukuya mbibi, papo atikulila ndwitiko; loli kosa aka linga kakafuma ndwitiko, bo butulanongwa itolo.
Actualmente seleccionado:
BaRoma 14: NYY
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Nyakyusa Ngonde New Testament (Ulwitikano Ulupya) © United Bible Societies, 1966.
