BaRoma 13
13
Isya kulamba kubalagili
1Mwesa mwilambikege kubulagili ubu buli pamwanya pamyinu; buno bukayako nabumo ubulagili ubu bukafuma kwa Kyala; bosa ubu buliko bwimikigwe na yu
2Kyala. Popapo lelo uyu linga ikukindana nubulagili, bo ikulwa na isi Kyala imike; abene loli aba bikulwa nasyo, bo
3bisakwambililaga ubulongi. Namanga abalagili bakaya ba kubapelela ulutende aba bikubomba inunu, loli aba bikubomba imbibi. Bule kulonda ukuti ungayaga nulutende kundagili? Bombaga itolo si nunu, po kwisakwambililaga
4ulwimiko kumyake. Namanga umwene yo mbombi gwa Kyala, panongwa ya kukutwalila ubununu. Loli linga kubomba imbibi po uyege nulutende; buno lukaya lwa kwiyangakisya itolo ulubo ulu akolile; namanga umwene mbombi gwa Kyala, mbukisi#mbukisi, bamo bikuti gwa kugalukisya. gwa kumfunda yuyo linga ikubomba imbibi.
5Popapo lelo fikuti gwilambikege, ungilambikilaga itolo panongwa ya ngalalisi, loli gwilambikege papo gwibwene
6munyibonelo syako. Yo nongwa iyi mukusonga isongo, namanga abene bo babombeli ba Kyala, bikwiyula itolo
7pambombo yiyiyi. Popapo lelo amubapege bosa ifi fyo fyabo, ugwa songo mumpege isongo, ugwa songo ya pampaka yo mumpege isongo ya pampaka, ugwa kuntila yo muntilege, ugwa kumwimika yo mumwimikege.
Ulugano lwa bunyamundu
8Mungayaga ba kumeleligwa numundu, loli kwene ku kuganana; buno uyu linga anganile unnine, yo afikilepo
9palulagilo. Namanga isyene ingomelesyo, ulwa kuti: Ungalogwaga, ungagogaga, ungahiyaga, ungatotomelaga, nalinga lo lukomelesyo lumo ulungi, sikamandenie mwisyu lilili ili likuti: Unganege unnino bo papo gwiganile gwimwene.
10Ulugano lutikumbombela nasimo imbibi unnino, popapo lelo isi sikulumalisya ululagilo lo lugano.
Ukusegelela kwa isiku lya Kristi
11Mubombege sisisi papo mukamenye akabalilo, ukuti akabalilo ka kulembukila ntulo umwe kafikile; buno ubupoki bwitu
12busegelile lilino, bukaya bo pala twandege ukwitika. Ikilo kikuya pakumalika, umusi gusegelile; atusilekege lelo imbo-
13mbo sya mungisi, tufwalege ifilwilo fya lumuli. Bo tukwenda twiyufyege, tubonekege ukuya ba pamusi; tungayaga balufu kufindu, tungayaga bagalabwalwa, tungayaga balogwe pamo bahahani, tungayaga ba kulwa, kangi tungayaga ba kabini;
14loli mumfwalege uNtwa Yesu Kristi, kangi umbili gwinu mungagulekaga ukuti gulabilege kufinyonyo.
Actualmente seleccionado:
BaRoma 13: NYY
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Nyakyusa Ngonde New Testament (Ulwitikano Ulupya) © United Bible Societies, 1966.
