BaRoma 15
15
1Loli uswe twe bakafu, fikuti tupimbege ubonywa bwa
2aba bakaya bakafu, tungikyelaga itolo twibene. Twesa yumoyumo fikuti tunkyelege umwinitu, ukuti abwagege
3ubununu ubwa kunjenga. Namanga yope Kristi akalikyelile mwene, loli bo lilyo lisimbigwe ili likuti: Amahelu ga babo
4bakuhelulaga ugwe, go gangwilile une. Buno syosa isi syasimbigwe iyolo, syo syasimbigwe ukuti luyege lumanyisyo kumyitu; ukuti mbufisalyoyo na ndusubisyo lwa mwa baka-
5lata, tuyege nulusubilo. Umwene loli Kyala umfisalyoyo, unsubisi, yo abapege inyinogono simosyene mwe babo
6batupu, mufwanege na Yesu Kristi; ukuti muntufyege nindumbula yimoyene, nundomo gumogwene, Kyala uGwise gwa Ntwa gwitu Yesu Kristi.
Indumi inunu kubapanja
7Popapo lelo amwambililanege mwe babo batupu, bo apa
8yope Kristi atwambilile, ko kuti Kyala imikigwege. Po apa nikuyoba une nikuti: Panongwa ya bwanaloli bwa Kyala, Kristi alipelile mbombeli gwa bubutigwa, ukuti asisisimiki-
9syege ifingo isi bapegigwe batata; ko kuti abapanja bamwimikege Kyala panongwa ya ipyana lyake, bo apa lisimbigwe ili likuti:
Syo sisyo nikukutufyaga mbapanja,
Yope ningamu yako nikuyimbilaga.
10Kangi ili likuti:
Amusekelege mwe bapanja pamopene nabandu bake.
11Kangi likuti:
Amumpalege uNtwa mwesa mwe bapanja,
Nabandu bosa bampalege.
12Yope Yesaya ikuyoba ikuti:
Gwisakuyangako unsi gwa Yese,
Yo isakusumukaga pakubalagila abapanja;
Mmyake mo abapanja bisakusubilaga.
13Umwene loli Kyala ugwa lusubilo, yo abisusyege umwe nulusekelo losa nulutengano ndwitiko lwinu; po ukuti amaka ga Mbepo Mwikemo gabapelelege ukuti mulefukege itolo ulusubilo.
Pauli ikwinokesya kuli isi asimbile
14Mwe bamyitu, nine menye itolo ukuti mwiswile nubununu, mwiswile namahala gosa, mumenye ukusokana mwe babo
15batupu. Loli muli simo ngibile fiyo ukubasimbila, ukuti mbakumbusyege panongwa ya ipyana ili ambele Kyala,
16nukuti njege mbombi gwa Kristi Yesu kubapanja, ukulibombela ilIbangeli lya Kyala mumbombo ya buputi; ko kuti abapanja bayege ikemo ilikyeligwa, ili lyelusigwe na Mbepo
17Mwikemo. Une lelo ndi nasyo isya kwitukifya mwa Kristi
18Yesu, mumbombo ya Kyala. Buno une ndikukiba ukuyoba nasimo isingi, loli syene isi Kristi abombile mmyangu ukuba-
19pelela abapanja ukupilika, mmasyu na mumbombo, mmaka ga fika mfiswigu, na mmaka ga Mbepo Mwikemo; fyobene mmalisisye itolo ukulumbilila ilIbangeli lya Kristi ukufuma mu-Yerusalemu na mfisu ifya mumbali, ukwakufika mwʼIliriki.
20Bunobuno nikwiyula ukulumbilila inongwa inunu, momma muno Kristi atalile ukuyobigwa, ko kuti nangayengaga palwalo
21lwa yungi, loli bo apa lisimbigwe ili likuti:
Aba bakabuligwamo inongwa syake bisakusibonaga,
Naba bakasipilikamo bisakusyaganiaga.
Inyinogono sya Pauli ukubuka ku-Roma
22Fyobene nagomoligwaga kabili kabili ukwisa kumyinu.
23Lilino loli, papo nagile ngaya nubuyo mfisu fififi, kangi papo
24nnyonyilwe ifyinja fi fingi ukwisa kumyinu, nisakwendaga mmyinu bo nikulonda ukubuka mu-Spania; namanga nikusubila ukubaketa bo nikukinda, nukuti mwisemusumusyege
25bo nikubuka kuko, bo twangele tupugile. Loli lilino nsu-
26mwike ku-Yerusalemu kukubabombela abikemo. Namanga abamMakedonia na mwʼAkaya sibakyelile ukusangula fimo
27ifya kubapa abalondo mbikemo ba mu-Yerusalemu. Namanga syabakyelile, kangi bipelile ukuya bameleligwa kumyabo, buno linga abapanja bikulilanila nabo isya mwa Mbepo, po bipelile bameleligwa ba kubabombela fyope nifya mumbili.
28Lelo bo njilekusimalisya sisisi, bo mbapele bununu mmaboko iseke sisisi, po nisakwendaga mmyinu ukubuka mu-Spania.
29Loli menye ukuti bo nikwisa kumyinu, nisakwisilaga ndusayo lwa Kristi losa muno luyilile.
30Mwe bamyitu, nikubapyelekesya muNtwa gwitu Yesu Kristi na ndugano lwa mwa Mbepo, nikuti: Atwiyulanilege nanumwe nanine ndwiputo ulwa kunyiputila kwa Kyala,
31ukuti mbokigwege kuli aba bikufuya aba mu-Yudai; nukuti imbombo yangu iyi nikubukila mu-Yerusalemu yikitikisigwege
32nabikemo, po lelo mbwigane bwa Kyala nisemfikege kumyinu
33ndusekelo, nisendusyege nanumwe. Umwene loli Kyala ugwa lutengano, yo ayege nanumwe mwesa. Amen.
Actualmente seleccionado:
BaRoma 15: NYY
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Nyakyusa Ngonde New Testament (Ulwitikano Ulupya) © United Bible Societies, 1966.
