Imbombo sya batumigwa 15
15
AbaKristi abafuma mbwapanja nululagilo lwa Mose
1Popapo abandu bamo balinkusuluka ukufuma mu-Yudai, balinkubamanyisya abamyabo ukuti: Linga mutikubutigwako ukufwana nulwiho lwa Mose mukabagila
2ukupokigwa. Lelo bo Pauli na Barnaba balundukene nukukanikana fiyo nabo, abinabo balinkubasumusya Pauli na Barnaba nabangi bamo ukufyuka ku-Yerusalemu kubatumigwa
3na kubakulumba, panongwa ya lukani lululu. Lelo bo ikipanga kibasindikile, balinkukisania mu-Fenike na mu-Samaria, balinkupanga isya lupinduko lwa bapanja; balinku-
4bapelela ulusekelo bosa abamyabo. Lelo bo bafikile mu-Yerusalemu, popapo balinkwambililigwa nikipanga, nabatumigwa nabakulumba; abene balinkubapangila syosa isi Kyala
5abombile nabo. Popapo balinkusumuka bamo aba nkapanga ka baFarisai, aba balipelile bitiki, balinkuyoba balinkuti: Fikuti babutigwengeko, kangi balagiligwege ukulukonga ululagilo lwa Mose.
Ulukomano lwa mu-Yerusalemu
6Popapo abatumigwa nabakulumba balinkubungana, ukuti
7bayikete inongwa yiyiyi. Lelo bo bakanikene fiyo, popapo Peteri alinkusumuka alinkubabula alinkuti: Mwe bamyitu, mumenye ukuti iyolo Kyala asalile mmyinu ukuti abapanja balipilikilege ilisyu lya nongwa inunu mundomo gwangu,
8nukusitika. Umwene Kyala ummanyandumbula, yo abasisimikisye bo ikubapa Mbepo Mwikemo, bo papo atupaga
9nanuswe. Kangi alinkusita nukubikapo ulukindano pakati pamyitu nababo, alinkubelusya indumbula syabo ndwitiko.
10Lilino lelo, po mukungela fiki Kyala, apa mukubika ikigoligoli#Ikigoligoli: kifwene bo ikipiki iki sikufwikigwa ingambaku pakulima. pamakosi ga bafundigwa, iki batata kangi nayuyuswe
11twatoligwe ukupimba? Loli tukwitika ukuti tukupokigwaga mwipyana lya Ntwa Yesu, ukufwana bo balabala.
12Lelo ikilundilo kyosa lulinkuya mye itolo, kilinkubapilikisya ba-Barnaba na Pauli bo bikubapangila isya fika mfiswigu,
13ifi Kyala abapelelaga abapanja mmaboko gabo. Abene bo bamalile ukuyoba, popapo Yakobu alinkwamula alinkuti:
14Mwe bamyitu, amupilikisye kumyangu. Simeoni atubulile muno Kyala atalile ukubaketela abapanja, ukuti egemo
15mmyabo abandu aba kuya ba ngamu yake. Isi sikwitikana namasyu ga bakunguluka, bo apa gasimbigwe ukuti:
16Panyuma pali sisisi, nisakugomokaga kangi,
Po nisakuyengaga kangi inyumba ya Davidi iyi yagwile,
Nimisyalila gyake nisakwandisyaga ukugiyenga
Nisakuyimikaga kangi;
17Ukuti abandu aba basyele bandondege uNtwa,
Nabapanja bosa aba ingamu yangu yiyobigwe kumyabo;
18Bo ikuya uNtwa, uyu asinangisye sisisi ukufuma liyolo.
19Po apa lukulonga ilya kuti, tungabatamyaga abapanja aba
20bikupindukila kwa Kyala. Loli tubasimbilege ukuti bepukeko kubunyali bwa fifwani, na kubuhahani, na kufinyamana
21ifi fipitigwe, kangi na kwilopa. Buno ukwanda pangulilo indasi, Mose ali nabo aba bikumfumusya ntwaya tosa, kangi inongwa syake sikubaligwa mu-Sinagogi bwila pa-Sabati.
Kalata ikutumigwa ku baKristi abafuma mbwapanja
22Popapo silinkuya nunu nkyeni mbatumigwa, nakubakulumba, nakukipanga kyosa ukubasala abandu nkati mmyabo aba kubatuma mwʼAntiokia, pamopene na Pauli na Barnaba, balinkunsala Yuda uyu batigi Barsaba, na Sila, abandu
23abalongosi mbamyabo; balinkubapa kalata ugwa kukolela mmaboko, uyu asimbigwe ukuti: Yo uswe twe batumigwa na twe bakulumba, twe bamyinu, tukubaponia mwe bamyitu, mwe ba mwʼAntiokia, na Siria, na Kilikia, mwe mufumile
24mbapanja. Papo tupilike ukuti bamo mmyitu babatamisye namasyu, nukugipalangania imyoyo gyinu, aba tukabalagile,
25bo twitikene, twagile nunu ukubasala abandu aba kubatuma
26kumyinu, pamopene nabakundwe bitu Barnaba na Pauli; aba ubumi bwabo babutagile panongwa ya ngamu ya Ntwa gwitu
27Yesu Kristi. Po apa tubatumile Yuda na Sila, bo bikuba-
28bulaga syosa sisisi mmilomo gyabo. Namanga Mbepo Mwikemo nanuswe, twagile syo nunu ukuti tungabongelelangapo ukubatwika ikitwalo ikisito ukukinda isi sikulondigwa
29isya kuti: Mwepukeko kuli ifi bikemekisye kufifwani, na kwilopa, na kufinyamana ifi fipitigwe, na kubuhahani. Linga mukwiyepusya kuli fififi, bo munosisye. Mugonege lelo.
30Lelo bo babasumwisye, balinkusuluka ukubuka mwʼAntiokia; abene bo bababungenie abandu, popapo balinkubapa
31kalata. Lelo bo babalile, balinkusekela panongwa ya lusu-
32bisyo ulu lwalimo. Popapo Yuda na Sila aba bope bali bakunguluka, balinkubasubisya abamyabo namasyu ga mingi,
33balinkubakasya. Lelo bo bagonilepo, popapo abamyabo balinkubasumusya nulutengano ukugomokela kuli aba babatu-
34mile. [Loli Sila alinkwaga ukuti kununu ukusyala mumo.]
35Umwene loli Pauli na Barnaba bo balinkuya mu mwʼAntiokia, balinkumanyisya nukulumbilila ilisyu lya Ntwa pamopene nabangi ba bingi.
Ukupagukana kwa Pauli na Barnaba
36Lelo bo gakindilepo amasiku manandi, popapo Pauli alinkumbula Barnaba alinkuti: Nduko tugomokeleko kukubaketa abamyitu ntwaya tosa muno twalumbilile ilisyu lya
37Ntwa, muno bayilile. Umwene Barnaba alondaga ukumwega
38Yohani, uyu batigi Marko ukubuka nagwe. Loli Pauli alinkwaga kukaya kununu ukumwega nukubuka nagwe, uyu ayongile mu-Pamfilia, kangi akanile ukubuka nabo kumbombo.
39Popapo lulinkutupuka ulukani ulukulumba, lo lulinkubapelela ukutapukana. Barnaba alinkumwega Marko, balinkwipaka
40mungalaba, balinkubuka mu-Saiprasi. Loli umwene Pauli alinkunsala Sila, alinkubuka nagwe, bo abamyabo bambikile
41mwipyana lya Ntwa. Popapo alinkukisania mu-Siria na mu-Kilikia, alinkufikasya ifipanga.
Actualmente seleccionado:
Imbombo sya batumigwa 15: NYY
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Nyakyusa Ngonde New Testament (Ulwitikano Ulupya) © United Bible Societies, 1966.
