Imbombo sya batumigwa 16
16
Timoti ikwaganila na Pauli mu-Listra
1Popapo alinkufika mope na mu-Derbe na mu-Listra; mo alimo umfundigwa yumo uyu ali yo Timoti ingamu, umwana gwa nkikulu unjuda uyu ali mwitiki, loli
2ugwise ali nGriki. Yo balinkunjoba ubununu, abamyabo
3aba mu-Listra na mwʼIkoni. Umwene Pauli alondaga ukubuka nagwe yuyuyu; popapo alinkumbutako, papo balimo abaYuda ntwaya tula, namanga bosa bamenye ukuti ugwise ali
4nGriki. Lelo bo bikukisania ntwaya, balinkubapa indagilo isi balitikene abatumigwa nabakulumba ba mu-Yerusalemu,
5ukuti basikongege. Popapo ifipanga Alinkukaka ndwitiko, Alinkongelapo ukubala amasiku gosa.
Pauli ikukisania mwa Asia unnandi
6Popapo balinkukisania nkisu kya Frigia na Galatia, namanga bakanisigwe na Mbepo Mwikemo ukulumbilila ilisyu
7mwʼAsia. Lelo bo bikuya pakufika mu-Misia, balinkugela ukwingila mu-Bitinia, loli Mbepo gwa Yesu alinkusita nuku-
8bitikisya. Abene balinkukisania mu-Misia, balinkusuluka
9ukubuka mu-Troa. Popapo ikisetuka kilinkumbonekela Pauli pakilo; alinkwaga umundu yumo ugwa mMakedonia imile ikupyelesya kumyake ikuti: Loboka gwisege mMakedonia
10ututule. Lelo bo akibwene ikisetuka, nakalinga itolo tulinkulonda ukubuka mMakedonia, tulinkumanya ukuti Kyala atubilikile kukubabula inongwa inunu. Pauli ikuloboka ukubuka ku-Makedonia; ikufika pa Filipi
11Popapo tulinkwipaka mungalaba ukufuma mu-Troa, tulinkugoloka ukubuka mu-Samotrake; ulwa kilabo tulinkufika
12mu-Neapoli; ukufuma papo tulinkwakufika mu-Filipi, aka ko kaya akakulumba nkisu kya Makedonia, yo koloni ya
13baRoma. Tulinkugonamo mumo amasiku manandi. Lelo pisiku lya Sabati, tulinkusoka pakipata, tulinkubuka pambali palwisi, apa twatigi bulipo ubuyo bwa kwiputilapo; tulinku-
14tugala, tulinkuyoba nabakikulu aba babungene papo. Popapo yumo unkikulu uyu ali yo Lidia ingamu, umulisi gwa myenda imifubifu-ubutitu, ugwa nkaya ka Tiatira, uyu antilaga Kyala, yo alinkupilikisya; yo uNtwa alimwigwile indumbula ukusi-
15pilikisya isi ayobaga Pauli. Umwene lelo bo osigwe nabannyumba yake bosa, popapo alinkupyelesya alinkuti: Linga mumbwene ukumwitika uNtwa naloli, po mulisaga munyumba yangu mo mugonege; umwene alinkutufimbilisya itolo.
16Lumo lelo bo nikubuka pabwiputilo, popapo tulinkwaganila nundindwana yumo untumwa, uyu ali nimbepo ya malago, uyu abakabilaga ikyuma ikingi fiyo abenenagwe nubulagusi
17bwake. Yo alinkunkonga Pauli nanuswe, alinkukolela alinkuti: Abandu aba bo batumwa ba Kyala unkinde, aba
18bikubafumukisya injila ya bupoki. Syo alinkubomba amasiku mingi sisisi, popapo Pauli alinkukalala, alinkuyisyutukila imbepo, alinkuyibula alinkuti: Nikukulagilila mungamu ya Yesu Kristi, ukuti usokemo mmyake. Popapo yilinkusoka pakabalilo kako itolo.
Pauli na Sila bikwigaliligwa nnyumba ya bannyololo kangi tukupokigwa
19Lelo bo abenenagwe bagile kasokilemo aka basubilaga ukukabilamo, popapo balinkunkola Pauli na Sila balinkubalu-
20sila pasokoni nkyeni mbalagili; bo babatwele nkyeni mbalongi balinkuti: Abandu aba bikukapalangania akaya kitu, namanga
21baYuda; kangi bikufumusya inyiho isi sili mwiko kuli twe
22baRoma, ukusitika nukusibomba. Popapo ikilundilo kyosa kilinkongana nabo kilinkubalukila, abene abalongi balinkubafula imyenda, balinkulagila ukuti bakomigwege nifikoti.
23Lelo bo babakomile ifikoti fi fingi itolo, balinkubigalila nnyumba ya bannyololo, balinkundagila undindililanyumba
24ya bannyololo ukuti abaketelelege fiyo. Umwene bo alwambilile ululagilo lululu, popapo alinkubabika nnyumba ya nkati fiyo, amalundi gabo alinkubafyatila mfipindo.
25Lelo pakilo pakati, Pauli na Sila balinkwiputa nukuntufya Kyala ninyimbo; abene abannyololo balinkubapilikisya.
26Popapo balinkunyomoka lukuboneka akasenyenda akakulumba, syope ninyalo sya nyumba ya bannyololo silinkusukanika; nakalinga itolo inyigi syosa silinkwiguka, nimbingu sya bosa
27silinkulagala pasi. Popapo undindililanyumba ya bannyololo alinkulembuka, lelo bo agile inyigi sya nyumba ya bannyololo sigwike, alinkukwaba ulubo lwake alinkuti nigoge; namanga
28inogonaga ukuti abannyololo bayongile. Umwene loli Pauli alinkukolela ilisyu ilikulumba alinkuti: Ungibombelaga
29nasimo imbibi, buno twesa tulimo. Lelo bo akolile ukuti batwale inyale, popapo alinkunyela alinkwingila nnyumba,
30alinkutetema nukwitaga nkyeni mwa Pauli na Sila. Popapo alinkubasosya panja alinkuti: Mwe banyafyale, mbombe fiki
31ukuti mbokigwege? Abene balinkumbula balinkuti: Umwitikege uNtwa Yesu, po kupokigwaga ugwe nabannyumba yako.
32Popapo balinkumbula ilisyu lya Ntwa pamopene naba-
33nnyumba yake bosa. Umwene alinkubega pakabalilo kako pakilo, alinkubasuka ififulalo fyabo; popapo nakalinga itolo
34alinkosigwa yuyo nabannyumba yake bosa. Bo afyukile nabo kunyumba yake, popapo alinkubategelekesya ifindu; alinkusekela fiyo pamopene nabannyumba yake bosa; papo alimwitike Kyala.
35Lelo bo bukile, popapo abalongi balinkubatuma abasikali
36babo balinkuti: Mukababulege abandu bala. Popapo undindililanyumba ya bannyololo, alinkumpangila Pauli amasyu aga alinkuti: Abalongi batumile indumi ukuti mwabuligwege:
37lilino lelo amusokege mubukege nulutengano. Umwene Pauli alinkubabula alinkuti: Batukomile itolo pabwelu kisita kutulonga uswe twe baRoma, batwigalile nnyumba ya bannyololo, kangi lilino bikulonda ukutusosya kubutitu? Himma, loli
38baleke bise batusosye babo. Popapo abasikali balinkwakubabula abalongi amasyu gagaga. Abene loli balinkutila bo
39bapilike ukuti baRoma, balinkwisa, balinkubatengulila; popapo balinkubasosya, balinkubasuma ukuti basokemo
40nkaya. Abene balinkusoka nnyumba ya bannyololo, balinkwakwingila nnyumba ya Lidia, balinkubaketa abamyabo nukubakasya; popapo balinkubuka.
Actualmente seleccionado:
Imbombo sya batumigwa 16: NYY
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Nyakyusa Ngonde New Testament (Ulwitikano Ulupya) © United Bible Societies, 1966.
