Imbombo sya batumigwa 14
14
Pauli na Barnaba mwʼIkoni
1Lelo mwʼIkoni balinkwingila mu-Sinagogi ya baYuda, balinkwiyoba fiyo inongwa, po apa ikilundilo ikiku-
2lumba ikya baYuda nabaGriki kilinkwitika. Abene loli abaYuda abasitakwitika, balinkubasambulania abapanja, balinkusyonanga inyinogono syabo, ukuti babakalalilege abamyabo.
3Lelo popapo balinkugonapo akabalilo akatali, balinkuyoba pabwelu itolo mungamu ya Ntwa, uyu alisisimikisyaga ilisyu lyake ilya ipyana, mfika na mfiswigu ifi apelelaga mmaboko
4gabo. Loli abene abandu ba nkaya balinkutapukana; bamo balinkuya kulubafu lwa baYuda, abangi balinkuya kulubafu
5lwa batumigwa. Lelo bo abapanja nabaYuda pamopene
6nabalagili bikuti tubangalile nukubatika namabwe, abene balinkupilika, balinkuyongela mu-Listra na mu-Derbe
7utwaya twa Likaonia na nkisu kya mumbali; mo balinkufumusya inongwa inunu.
Mu-Listra
8Lelo alimo mumo mu-Listra umundu yumo umonywa amalundi, uyu alemele ukufuma munda munna, yo akalyendi-
9lemo siku. Alinkupilika isi ayobaga Pauli; umwene Pauli alinkundulalila. Lelo bo ambwene ukuti ali nalo ulwitiko
10ulwa kuti ikubumbulusigwaga, alinkuyoba ilisyu ilikulumba alinkuti: Sumukaga gwimege namalundi gako, ugolokege.
11Popapo alinkunyela itolo, alinkwenda. Lelo bo ifilundilo Asibwene isi abombile Pauli, popapo balinkwinula amasyu balinkuyobela nkiLikaonia balinkuti: Bakyala basulwike,
12bisile mmyitu nkifwani kya bandu. Barnaba balinkumpa iya Zeu, umwene Pauli balinkumpa iya Herme, papo inongwa
13syosa asiyobaga yuyo. Popapo umputi gwa Zeu, uyu tempeli gwake ali nkyeni nkaya, alinkutwala ingambaku ningata ya bulenge, alinkufitwala pakipata, alinkulonda ukwikemesya
14kumyabo, yuyo pamopene nifilundilo. Loli abene abatumigwa Barnaba na Pauli bo basipilike sisisi, balinkunyafulania imyenda gyabo, balinkubopa nukwakwingila nkilundilo,
15balinkukolela balinkuti: Mwe tunya, syo mukubomba sya fiki sisisi? Buno nanuswe tuli bandu itolo bo yuyumwe, tubatwalile inongwa inunu iya kuti mugomokeko kufya itolo ifi, mupindukilege kwa Kyala umumi, uyu apelile kumwanya
16nikisu, ninyanja na fyosa ifi filimo mumo. Mungulilo isi sikindile, afilekile ifikolo fyosa ukuti fyendege munjila syabo;
17pope alinkusita nukuleka ukwibonesya mumbombo inunu isi ikubomba, ikubapa ifula ukufuma kumwanya, nutubalilo twa mboto, ikubisusya ifindu nubusangalufu mundumbula syinu.
18Popapo balinkutamigwa fiyo pakufikanisya ifilundilo namasyu gagaga, ukuti bangikemesyaga kumyabo.
19Lelo popapo balinkwisa abaYuda aba bafumile mwʼAntiokia na mwʼIkoni, balinkufisonga ifilundilo, balinkuntika Pauli namabwe, balinkunkwaba nukunsosya nkaya, balinkuti afwile.
20Lelo bo abafundigwa bansyungutile, popapo alinkusumuka, alinkwakwingila nkaya. Ulwa kilabo, alinkusoka ukubuka mu-Derbe pamopene na Barnaba. Bikugomokela mwʼAntiokia
21Lelo bo balumbilile inongwa inunu nkaya kala, nukubapela bafundigwa abandu ba bingi itolo, popapo balinkugomoka
22ukubuka mu-Listra na mwʼIkoni, na mwʼAntiokia; balinkugikasya imyoyo gya bafundigwa, nukubasukania ukuti bayege mu ndwitiko, nukuti fikuti twendege mbutolwe ubwingi fiyo
23ukwingila mbutwa bwa Kyala. Bo babimike abakulu mfipanga fyosa, balinkwiputa nukufipika ifindu, balinkubabika
24mmaboko ga Ntwa uyu balimwitike. Popapo balinkukisania
25mu-Pisidia, balinkwakufika mu-Pamfilia. Lelo bo balumbilile ilisyu mu-Perge, popapo balinkusuluka ukubuka mwʼAtalia.
26Ukufuma mumo balinkwipaka mungalaba, balinkubuka mwʼAntiokia, mumo babikigwaga mwipyana lya Kyala ku-
27mbombo iyi bayimalisisye. Lelo bo bafikile, popapo balinkukibungania ikipanga, balinkupanga syosa isi Kyala abombile
28nabo, nukuti abigulile abapanja ikifigo kya lwitiko. Popapo balinkugonapo nabafundigwa akabalilo akatali.
Actualmente seleccionado:
Imbombo sya batumigwa 14: NYY
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Nyakyusa Ngonde New Testament (Ulwitikano Ulupya) © United Bible Societies, 1966.
