OO MEYO ACHIMOOWIN ST MATTHEW 24
24
PISKE̔TUSSINA̔HIKUN XXIV.
1Ākose Jesus wuyoweew, mena nukutum ke̔che Ayumehāwekumik: ākose oo kiskino̔humowakuna pā natik ā we̔ wapu̔tyikoot ka isse̔tawe̔et ke̔che Ayumehāwekumik. 2Maka Jesus omisse itāo, Numma na ke wapu̔tānawaw ka̔keyow ohoo kākwiä? Ne tapwan ka isse we̔tumatukook, numoweya wawach pāuk ussinee kitta nukutaw ā tā̔tuppit ussinee̔k, āka kitta o̔che nee̔chewāpini̔t.
3Ākose ā uppit tu̔koo̔tamutin wutchee̔k Olives, oo kiskino̔humowakuna pā natik kemooch, omisse itik, We̔tumowinan, eyekoo̔k kā oche̔chepuyikee ohoo kākwia? mena kā isso mama̔tawenakwu̔k ispe mena tukoosineyune, mena poone uskeewu̔ke? 4Maka Jesus nuskwāwusehāo mena omisse itāo, Pau̔tuk ākaweya oweyuk ke ga kasispoomikoowaw. 5Me̔chāt kitta tukoosinwuk ne we̔yoowini̔k, omisse ā itwātchik, Neya oma Christ; ākose me̔chāt kitta kasispoomikootchik. 6Mena ke ga pā̔tānawaw nutoopuyewina, mena nutoopuyewina ā atoochekatākee: ākaweya keyawaw ke ga mikooskachehikoowaw: o̔chetow ka̔keyow ohoo kākwia kitta ooche̔chepuyewa, maka numma āskwa pooyepuyewa. 7Pāukooskanāmuk ayiseyinewuk kitta nutoopuyeestowāwuk peetoosiskanāmuk ayiseyinewa, mena otānow kotuk otānowinew: mena kitta e̔tukwun kowa̔kutāwina, mena ke̔che itaspināwina, mena kitta ke̔ke̔kwun, nunatoo̔k ittā. 8Ka̔keyow ohoo pitchāyik ā machepuyik nunā̔katāyimoowina. 9Ākose ke ga pukitinikoowawuk kitta nunā̔kachehikoweyāk, mena kitta nippa̔hikoweyāk: ākose ke ga pukwatikoowaw ka̔keyow ka tu̔to skanāmukissit ayiseyinew ne we̔yoowin o̔che. 10Ākose me̔chāt kitta na̔yā̔tawāye̔tumwuk mena kitta missi̔toowuk, mena kitta pukwatitoowuk. 11Mena me̔chāt nuspach ookiskewāhikāwuk kitta e̔tawuk, ākose kitta wuyāsehāwuk me̔chāt. 12Mena chikama muche aye kitta me̔chāti̔k, kitta poone̔tawuk me̔chāt oo sakehewāwinewaw. 13Maka una kā naspitche āka poone̔takwā, āwuko kā pimachehoot. 14Mena oma meyo achimoowin otānowini̔k kitta we̔chekatāo missewā uskee̔k kitta we̔tumakoot ka tu̔to skanāmukissit ahyiseyenew: ākose ākota ka kissipepuyik. 15Ispe maka wapu̔tumākoo unima muche kākwi ka ayimatotu̔k Daniel oo kiskewāhikāo, kunache ayi̔k ā ayayik, (piko oweyuk ka ayume̔tat, kitta nissetoo̔tum): 16Ākose unekee Judea ka ayatchik keyam wutchee̔k kitta itamoowuk: 17Mena una tu̔kooch waskahikuni̔k ka ayat ākaweya kitta nee̔tukooseew kitta otinu̔k kākwi oo waskahikuni̔k: 18Mena una kistekani̔k ka ayat ākaweya kitta kewātotum kitta otinu̔k oot ayoowinisa. 19Mena kitta maye ayawuk unekee owasisa ka ayawatchik, mena unekee ka nooyawussootchik ākota mākwach! 20Maka nutootumak āka mākwach ā pipoo̔k, mena ā ayumehākesikak kitta osimooyāk: 21Weya ākota naspitch ke̔che ayimissewin kitta aya̔k, āka we̔kach ā ke̔ pā isse ayimu̔k uspin ā uskeewu̔k, peyis unoo̔ch, mena āka we̔kach kitta isse ayimu̔k. 22Mena keespin āka nutuka chimase̔tawee̔t āwukwunee kesikawa, numoweya, oweyuk ayiseyinew oo ga pimachehoo: maka weyawaw ka nowusowukimee̔tchik kā o̔che chimase̔ta̔k āwukwunee kesikawa. 23Mena keespin oweyuk omisse k’ itikoowaw, Owa itta Christ, a̔po nātā ayaw; ākaweya tapwā̔tumook. 24Weya kitta e̔tatchik nuspach Christuk, mena nuspach ookiskewāhikāwuk, mena kitta wapu̔tiyewāwuk ke̔che mama̔tawe kākwi mena mamuskatumoowina; keespin kuske̔tatchik oo ga wuyāse̔ha̔tawaw apoo̔cheka ka nowusowukimimee̔t. 25Maka ke we̔tumatinawaw neäkuna. 26Āwuk’ o̔che maka keespin k’ itikoowawuk, Pukwuchayi̔k ayaw; ākaweya itoo̔tāk: Mawutche pee̔tokumi̔k ayaw; ākaweya tapwā̔tumook. 27Weyastāpuyike wapunoo̔k ka o̔che nookwu̔k, peyis nākapāhunota̔k; ākose neesta kā itāye̔takwu̔k ispe tukoosee̔ke napāo oo Koosisan. 28Piko itta me’yow ā nissewunatu̔k ā ayak, ākota mikissewuk ka mawutchehitootchik.
29Ākose weputch ke̔ ayimu̔ke ākota kesikaw pesim kā wunetipiskepuyit, mena tipiskawe pesim numma kitta wasa̔wāo mena utchu̔koosuk kitta pu̔kissinwuk kesikoo̔k o̔che, mena seyooku̔k kākwi kesikoo̔k kitta nunumpuyew. 30Ākose ākota kā nissetowina̔t kesikoo̔k napāo oo Koosisan: ākose ka̔keyow ka itussit ayiseyinew ota uskee̔k kitta nunā̔katāyimoo, mena kitta wapumāwuk napāo oo Koosisana ā pā ayayit wuskoowekesikoo̔k keke soo̔katissewin mena ke̔che mume̔chimikoowin. 31Ākose kitta isitissa̔wāo oo ke̔che utooskāyakuna kitta pā̔takoo̔tayit ke̔che pootachekun, ākose kitta mawutchehāwuk ka nowusowukimimee̔t nāö yootinoo̔k o̔che, ā kissepak kesik o̔che peyis kwāsketā ā kissepak isko.
32Ākwa kukwā kiskāye̔tumook ā uspahakāmoo̔k meenisa̔tik; kāyapitch wuti̔kwuna ā wakepa̔kee, mena ā nepeewu̔kee, ke kiskāye̔tānawaw neepin ā pāsoonakwu̔k: 33Ākose neesta, ispe wapu̔tumākoo ka̔keyow ohoo kākwia, kiskāye̔tumook kissewak kitta ooche̔chepuyik, a̔po iskwa̔tāmi̔k. 34Ne tapwan ka ititukook, okoo uniskā wā̔cheetchik ayiseyinewuk numoweya kitta mā̔che nummatāwuk, eyekoo̔k ka̔keyow ohoo kākwia kā ooche̔chepuyikee. 35Kesik mena uskee kitta mayawepuyewa, maka net ayumewina numoweya kitta mayawepuyewa.
36Maka āwuko kesikaw mena tipa̔hikun numoweya kiskāye̔tum ayiseyinew, numma mena ke̔che utooskāyakunuk ke̔che kesikoo̔k, piko n’O̔tawe. 37Ka ke̔ e̔kineyik mākwach Noe ā e̔tat, ākose neesta kā e̔kee̔k tukoosee̔ke napāo oo Koosisan. 38Ka ke̔ isse ayatchik ā moyā yiskepāk oo mechesoo̔tawaw mena oo mini̔kwatawaw, oo wekee̔too̔tawaw, mena oo wekee̔tahitoo̔tawaw, eyekoo̔k unima kesikak Noe ka poosit mistahā chemani̔k, 39Numma wawach kiskāye̔tumwuk eyekoo̔k yāskepāyik, mena wātinikootchik ka̔keyow; ākose neesta kā e̔kee̔k tukoosee̔ke napāo oo Koosisan. 40Ākose nesoo kitta ayawuk kistekani̔k; pāuk una kitta otinaw, mena kotuk kitta nukutaw. 41Nesoo iskwāwuk kitta peyepoochekāwuk pinepoochekuni̔k; pāuk una kitta otinaw, mena kotuk kitta iskoonaw.
42Uswāye̔tumook maka: yukuma kiskāye̔tumāk kāko tipa̔hikun k’ookemamewaw kā otee̔tikooyāk. 43Mena kiskāye̔tumook oma, keespin tāpāye̔tu̔k waskahikun ke̔ kiskāye̔tu̔k kāko tipa̔hikun kimootiska kā otee̔tikoot, oo ga ke̔ uswāyima, mena numoweya oo waskahikun kitta peekoonikatāyepun. 44Āwuko o̔che maka neestawaw nā̔pāmayak: weya piko unima tipa̔hikun āka ā itāye̔tumāk ke ga otee̔tikoowaw napāo oo Koosisan. 45Owāna maka kwiusk ā itatissit ā yipwa̔kat utooskāyakun, ā ke̔ tipāye̔tumoohikoot oo waskahikuneyew ookemama, kitta ussa̔kāt tipeyekoo̔k? 46Meyo ayaw āwuko utooskāyakun, ākose ā totu̔k ispe ā tukoosineyit ookemama. 47Ne tapwan ka isse we̔tumatukook, kitta tipāye̔tumoohāo ka̔keyow oot ayana. 48Maka keespin una muche utooskāyakun omisse itwätche oo tā̔i̔k, N’ookemam kitta pwastowe tukoosin; 49Ākose utte otama̔watche weche utooskāyakuna, mena mechesootche mena wechekeeskwāpāmatche ookeeskwāpāwa; 50Ookemama āwuko utooskāyakun kitta tukoosineyewa unima kesikaw itta āka ussowwapumatche, mena unima tipa̔hikun ākawawach ā itāye̔tu̔k, 51Ākose kitta keeskissook, mena isitissahook kitta wechāwat oowuyāsehissoowa; itta matoowin mena kecheeskapitāwin ā e̔tukwu̔k.
Currently Selected:
OO MEYO ACHIMOOWIN ST MATTHEW 24: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.