OO MEYO ACHIMOOWIN ST MATTHEW 23
23
PISKE̔TUSSINA̔HIKUN XXIII.
1Ākose Jesus itāo ookistukāwe ayiseyinewa, mena oo kiskino̔humowakuna, 2Omisse, Ka mussinahu̔kik ooyussoowāwina mena Phariseewuk uppewuk Moses oot uppewini̔k: 3Ka̔keyow maka kākwi ka see̔kimikooyākook kitta nakutowāye̔tumāk, āwuko nakutowāye̔tumook mena totumook; maka ākaweya nuspita̔kook oot isse̔chekunekāwinewa̔k: weya ā moo̔che itwātchik, ākose āka ā totu̔kik. 4Weya ā tu̔koopitu̔kik ā koosikwuneyikee nuya̔chekuna mena ā ayimuneyikee kitta nuya̔tumoo̔t, ā ustawatchik ayiseyinewa oo te̔temuneyi̔k; ākose weyawaw numma kitta sakoo̔tawuk pāuk oo nenee̔kechee̔chānewaw o̔che. 5Maka ka̔keyow oot isse̔chekunewaw ka totu̔kik kitta wapumikootchik ayiseyinewa: ayukuske̔tawuk oo kiskinowachehoowinewaw, mena missa̔tawuk ā iskwāyākuneyikee oot ukoohoonewawa, 6Mena sake̔tawuk ā kistāye̔takwuneyikee waskahikuna weye̔koo̔towee̔tche, mena ke̔che uppewina ayumehāwekumikoo̔k, 7Mena kitta utumiska̔tchik ata̔toowini̔k, mena Rabbi, Rabbi, kitta itikootchik ayiseyinewa. 8Maka ākaweya keyawaw nutowāye̔tumook Rabbi kitta itikoweyāk: weya ā pāukoot k’ Ookemamewaw, Christ ote; ākose ka̔keyow keyawaw k’ oochewami̔toonawaw. 9Mena ākaweya oweyuk k’ o̔tawewaw ita̔koomik ota uskee̔k: pāukoo tapwā k’ O̔tawewaw, ke̔che kesiko̔ok ka ayat. 10Mena ākaweya nutoonumook ookemaw kitta itikoweyāk: weya ā pāukoot k’ Ookemamewaw, Christ ote. 11Maka una ka mawutche kistāye̔takoosit ka itusseyāk āwuko kā oot utooskāyakunimeyāk. 12Mena oweyuk kistāyimissootche kitta muchāyimaw; mena una ka tupu̔tāyimissoot kitta kistāyimaw.
13Maka ke maye ayanawaw keyawaw, ka mussinahumāk ooyussoowāwina mena Phariseewuk, ka wuyāsehissooyāk! weya ā kippa̔wāk ayiseyinew ke̔che kesikoowe otānowini̔k; weya āka keyawaw ā pee̔tokwāyāk, mena ā otumehākook unekee wa̔ ata pe̔etokwātchik. 14Ke maye ayanawaw keyawaw, ka mussinahumāk ooyussoowāwina mena Phariseewuk, ka wuyāsekissooyāk! ke māstinānawaw oonuputāpewuk oo waskahikunewaw, mena ā wuyāse̔hewāyāk ke kinnoo̔tanawaw ket ayumehawinewawa: āwuko o̔che maka ke ga o̔tinānawaw owusimā nissewunachehoowin. 15Ke maye ayanawaw keyawaw, ka mussinahumāk ooyussoowāwina mena Phariseewuk, ka wuyāsehissooyāk! ke tāpiskānawaw wenepāk mena uskee ā oose̔hāk pāuk ootayumehaw, ākose ka keesehākoo, ket isse̔hawaw neswaw owusimā muche iskootā̔k kitta o̔che owasisewit ispee̔ch keyawaw. 16Ke maye ayanawaw keyawaw, āka weäpeyāk yata kiskinoo̔tahewāyāk, omisse ka itwāyāk, Keespin oweyuk uspimootche ke̔che Ayumehāwekumik ā ke̔che itwāt, numoweya nantow e̔kin; maka oweyuk uspimootche ke̔che sooneyawapisk ke̔che ayumehāwekumikoo̔k ā ke̔che itwāt, āwuko mussinahikāo! 17Kukāpatisseyāk mena āka weäpeyāk: tanima owusimā ā itāye̔takwu̔k, ke̔che sooneyawapisk, a̔po ke̔che Ayumehāwekumik ka seetoosku̔k ke̔che sooneyawapisk? 18Mena, oweyuk ā ke̔che itwāt ā uspimoot maka muchoostāhumatoowini̔k, numoweya nantow e̔kin; maka oweyuk ke̔che itwātche uspimootche maka mākewin itta ka tā̔tustāyik, wune̔tew. 19Kukāpatisseyāk mena āka weäpeyāk: tanima owusimā ā itāye̔takwu̔k, mākewin, a̔po itta ka muchoostāhumatoo̔k ka o̔che seetooskumoomuku̔k mākewin? 20Keespin oweyuk ke̔che itwātche uspimootche maka itta māchoostāhumatoo̔k, uspimoo āwukwāyew, mena tu̔to kākwiä itta ka tā̔tustāyikee. 21Mena oweyuk ke̔che itwātche uspimootche ke̔che ayumehāwekumik, uspimoo āwukwāyew, mena unehee itta ka ayayit. 22Mena una ka uspimoot ke̔che kesik, uspimoowāo oo ke̔che uppewineyew Munetoowa, mena unehee itta ka tā̔tuppeyit. 23Ke maye ayanawaw keyawaw, ka mussinahumāk ooyussoowāwina mena Phariseewuk, ka wuyāse̔hissooyāk! ke tippa̔hikanawaw nunatoo̔k peewekistekanisa, ākose ket usānenawaw owusimā kwāsikwu̔k ooyussoowāwini̔k, ooyussoowatitoowin, kissāwatisseewin, mena tapwā̔tumoowin; āwukwunee ohoo yayetān ke ga totā̔tawaw, mena āka kitta nukutumāk kotuka āka ā o̔che totumāk. 24Keyawaw āka weäpeyāk yata kiskinoo̔tahewāyāk, ka seekopākināk upischemunechoos, mena ka koo̔chepuyehāk pisiskew. 25Ke maye ayanawaw keyawaw, ka mussinahumāk ooyussoowāwina mena Phariseewuk, ka wuyāsehissoyäk! ke kechiste̔tanawaw wuyowetimi̔k o̔che meekisoyakun mena oyakun, maka pee̔tokwumayik sakuskināo muska̔chehewāwin mena osamehissoowin. 26Keya āka weäpeyun Pharisee, kechistina nistum pee̔tokwumayik meekisoyakun mena oyakun, wuyowetimayik mena kitta kechistu̔kee. 27Ke maye ayanawaw keyawaw, ka mussinahumāk ooyussoowāwina mena Phariseewuk, ka wuyāse̔kissooyāk! tapiskooch ā wapiskepahikatākee chepuyekumikwa ket issenakoosinawaw, ka ata chikāma meyonakwu̔kee wuyowetimayik, maka pee̔che sakuskināwa ayiseyinewekuna ā ke̔ nippitchik, mena ka̔keyow kākwi ā weenu̔k. 28Ākose neesta ā isse meywatisse̔kasooyāk ayiseyinew ā wuyāse̔hāk, maka utami̔k ke sakuskinanawaw wuyāse̔hewāwin mena muche kākwi. 29Ke maye ayanawaw keyawaw, ka mussinahumāk ooyussoowāwina mena Phariseewuk, ka wuyāse̔hissooyāk! chikāma ket a̔che̔tawanawaw oo nikwahiskanewawa ookiskewāhikāwuk, mena ke wawāse̔tawanawaw oo chepuyekumikoowawa kwiusk oot itatissewuk, 30Mena omisse ket itwanawaw, keespin ke̔ ayaya̔k mākwach ā e̔tatchik n’ o̔tawenanuk, numoweya ne ga ke̔ weeche̔hatananuk ā seeka̔humwatchik oo mi̔kooyew ookiskewāhikāwuk. 31Maka ke we̔tānawaw, ā oonekehikooyāk unekee ka ke̔ nippa̔hatchik ookiskewāhikāwa. 32Tāpuskina̔tak maka eyekoo̔k ka itatissitchik k’ o̔tawewawuk. 33Keyawaw missekināpikotik, yaniskā ne̔tawekehitooyāk kināpikotik, tantā kā ke̔ o̔che muyaskumāk nissewunachehoowin muche iskootā̔k?
34Āwuko o̔che, matika, ket isitissahumatinawaw ookiskewāhikāwuk, mena yipwa̔kaw eyinewuk, mena ka mussinahu̔kik ooyussoowāwina: atee̔t maka ke ga nippa̔hawuk mena cheestahaskwatawawuk; mena atee̔t ke ga pussustā̔wawawuk ket ayumehāwekumikoowa̔k, mena ke ga sipwāyamoo̔kanawaw mameeskooch waskahikuni̔k: 35Kitta otee̔tikooyāk ka̔keyow oo meywatissewuk oo mi̔koowaw, ka ke̔ seekahumoo̔t uskee̔k, oo mi̔k oomeywatissew Abel o̔che peyis oo mi̔k Zacharias ka oo koosisit Barachias, ka ke̔ nippa̔hāk tustowitch ke̔che Ayumehāwekumikoo̔k mena muchoostāhumatoowini̔k. 36Ne tapwan ka isse we̔tumatukook, ka̔keyow ohoo kākwiä kitta otee̔tikwuk okoo mākwach ayiseyinewuk. 37O Jerusalem, Jerusalem, ka nippa̔hutchik ookiskewāhikāwuk, mena ka pupimwapiskahutchik unekee ka isitissahumakoweyun, tantu̔twaw kā mawusukoonukik ket owasimisuk, tapiskooch misse̔yāo meyawusukoonatche oo misse̔yāsisima seepa oo tutu̔kwuni̔k, maka numma ke pā̔tānawaw! 38Maka ke waskahikunewaw ke nukutumakowinawaw ā nissewunacheta̔k. 39Ke we̔tumatinawaw, Numoweya ke ga o̔che wapuminawaw kee̔twam, eyekoo̔k omisse itwāyākoo, Kitta mume̔chimaw una ka pā kekeet oo we̔yoowineyew ka Tipāye̔chekāyit.
Currently Selected:
OO MEYO ACHIMOOWIN ST MATTHEW 23: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.