Popular Bible Verses from OO MEYO ACHIMOOWIN ST MATTHEW 24

Share

Mena chikama muche aye kitta me̔chāti̔k, kitta poone̔tawuk me̔chāt oo sakehewāwinewaw. Maka una kā naspitche āka poone̔takwā, āwuko kā pimachehoot.

Mena oma meyo achimoowin otānowini̔k kitta we̔chekatāo missewā uskee̔k kitta we̔tumakoot ka tu̔to skanāmukissit ahyiseyenew: ākose ākota ka kissipepuyik.

Mena ke ga pā̔tānawaw nutoopuyewina, mena nutoopuyewina ā atoochekatākee: ākaweya keyawaw ke ga mikooskachehikoowaw: o̔chetow ka̔keyow ohoo kākwia kitta ooche̔chepuyewa, maka numma āskwa pooyepuyewa.

Pāukooskanāmuk ayiseyinewuk kitta nutoopuyeestowāwuk peetoosiskanāmuk ayiseyinewa, mena otānow kotuk otānowinew: mena kitta e̔tukwun kowa̔kutāwina, mena ke̔che itaspināwina, mena kitta ke̔ke̔kwun, nunatoo̔k ittā. Ka̔keyow ohoo pitchāyik ā machepuyik nunā̔katāyimoowina.

Kesik mena uskee kitta mayawepuyewa, maka net ayumewina numoweya kitta mayawepuyewa.

Me̔chāt kitta tukoosinwuk ne we̔yoowini̔k, omisse ā itwātchik, Neya oma Christ; ākose me̔chāt kitta kasispoomikootchik.

Ākose ke ga pukitinikoowawuk kitta nunā̔kachehikoweyāk, mena kitta nippa̔hikoweyāk: ākose ke ga pukwatikoowaw ka̔keyow ka tu̔to skanāmukissit ayiseyinew ne we̔yoowin o̔che. Ākose me̔chāt kitta na̔yā̔tawāye̔tumwuk mena kitta missi̔toowuk, mena kitta pukwatitoowuk. Mena me̔chāt nuspach ookiskewāhikāwuk kitta e̔tawuk, ākose kitta wuyāsehāwuk me̔chāt.

Maka Jesus nuskwāwusehāo mena omisse itāo, Pau̔tuk ākaweya oweyuk ke ga kasispoomikoowaw.

Āwuko o̔che maka neestawaw nā̔pāmayak: weya piko unima tipa̔hikun āka ā itāye̔tumāk ke ga otee̔tikoowaw napāo oo Koosisan.

Uswāye̔tumook maka: yukuma kiskāye̔tumāk kāko tipa̔hikun k’ookemamewaw kā otee̔tikooyāk.

Maka āwuko kesikaw mena tipa̔hikun numoweya kiskāye̔tum ayiseyinew, numma mena ke̔che utooskāyakunuk ke̔che kesikoo̔k, piko n’O̔tawe.

Weya kitta e̔tatchik nuspach Christuk, mena nuspach ookiskewāhikāwuk, mena kitta wapu̔tiyewāwuk ke̔che mama̔tawe kākwi mena mamuskatumoowina; keespin kuske̔tatchik oo ga wuyāse̔ha̔tawaw apoo̔cheka ka nowusowukimimee̔t.

Ka ke̔ e̔kineyik mākwach Noe ā e̔tat, ākose neesta kā e̔kee̔k tukoosee̔ke napāo oo Koosisan. Ka ke̔ isse ayatchik ā moyā yiskepāk oo mechesoo̔tawaw mena oo mini̔kwatawaw, oo wekee̔too̔tawaw, mena oo wekee̔tahitoo̔tawaw, eyekoo̔k unima kesikak Noe ka poosit mistahā chemani̔k, Numma wawach kiskāye̔tumwuk eyekoo̔k yāskepāyik, mena wātinikootchik ka̔keyow; ākose neesta kā e̔kee̔k tukoosee̔ke napāo oo Koosisan.