Lle i Anadlu Sampl

Dw i'n cyfaddef: Dw i'n hoffi plesio pobl. (Ti hefyd?) Ond dw i wedi sylweddoli bod rhywbeth o’i le ar hynny. Mae plesio pobl hefyd yn golygu fy mod i'n siomi pobl. Mae gweithio'n hwyr i blesio'r bos yn golygu siomi'r ffrind oedd eisiau mynd i’r gampfa gyda ti. Mae ymuno â'r clwb llyfrau i blesio dy ffrindiau yn golygu siomi dy briod trwy golli cinio teulu. Ti’n gweld? Mae pob ie i blesio rhywun hefyd yn na a allai siomi rhywun arall.

Os wyt ti fel fi, rwyt ti'n talu am yr holl blesio pobl yma drwy hepgor y lle i anadlu er mwyn ceisio gwneud y cyfan. Gwna i fwyta cinio adre a fydda i ond ychydig funudau'n hwyr i’r clwb llyfrau!

Wrth ddod â’r sylwadau ar le i anadlu i ben, dw i am rannu stori o'r Hen Destament - un adnod yn benodol – wnaeth newid fy mywyd yn llwyr ar un adeg. Gannoedd o flynyddoedd cyn dyddiau Iesu, roedd dinas Jerwsalem wedi cael ei choncro a'i dinistrio. Roedd angen ailadeiladu waliau’r ddinas ar frys, a Nehemeia oedd y boi oedd yn arwain y prosiect. Un diwrnod, derbyniodd wahoddiad, a daeth ei ymateb yn bennill ddiffiniol i mi. Dywedodd Nehemeia, “Dw i’n gwneud gwaith pwysig, ac felly alla i ddim dod. Alla i ddim gadael i’r gwaith stopio er mwyn dod i’ch cyfarfod chi”

Pan glywais yr adnod yna gyntaf, roedd gen i dri plentyn bach gartref, roeddwn i'n dysgu’r hynaf gartref, ac roedd fy ngŵr wedi plannu eglwys. Doedd dim lle i anadlu. Ac eto, roedd hi mor anodd i mi wrthod gwahoddiadau a chyfleon.

Yr hyn wnes i ei ddarganfod yng ngeiriau Nehemeia oedd caniatâd i i roi blaenoriaeth i’r bobl bwysicaf yn fy mywyd. Bod yn fam oedd fy “ngwaith pwysig” i. Allwn i ddim ymuno â’r pwyllgor hwnnw neu siarad yn y cwrdd gwragedd hwnnw. Byddai dweud ie wrth y pethau hynny yn golygu dweud na wrth y “gwaith pwysig”, sef fy nheulu.

Ffrindiau, gallwn daflu ein hunain, ein hamser, ein harian, a'n lle i anadlu i ffwrdd nes bod dim ond briwsion i'r rhai rydyn ni'n eu caru fwyaf. Yn lle hynny, gadewch inni ddod â'r lle i anadlu yn ôl trwy roi blaenoriaeth i'n hanwyliaid. Wedyn i bopeth arall, gallwn ateb yn syml, “Dw i’n gwneud gwaith pwysig ac felly alla i ddim dod.”

Os gwnaethoch chi fwynhau'r cynllun hwn, gwyliwch yr astudiaeth fideo 4 rhan y daeth ohoni trwy lawrlwytho yr ap defosiynol am ddim .