Dduw, beth amdana i?Sampl

Teimlo Wedi dy Anghofio

Mae’r boen o deimlo wedi dy anghofio gan Dduw yn anodd iawn i ddygymod ag e. Rwyt yn gallu mynd o drio cynnal hynny o ffydd sydd gen ti ar ôl, i wrthod ffydd yn gyfan gwbl, oherwydd mae trio ‘cadw'r ffydd’ yn atgof o'r cwbl sydd ddim gen ti.

Hyd yn oed os ydyn ni’n gallu teimlo wedi ein hanghofio gan Dduw, ydy e hyd yn oed yn debygol o’n hanghofio?

Mae Eseia 49:15 beibl.net yn dweud,`” Ydy gwraig yn gallu anghofio'r babi ar ei bron? Ydy hi'n gallu peidio dangos tosturi at ei phlentyn? Hyd yn oed petai nhw'n anghofio, fyddwn i'n sicr ddim yn dy anghofio di!”

Felly, mae hi’n hollol amhosib i Dduw dy anghofio. Dydy e ddim yn ei natur oherwydd pwy yw e. Medri drystio ei air tu hwnt i’r hyn rwyt ti’n ei deimlo, oherwydd mae e’n Dduw sy’n gorfoleddu ei Air uwch ben ei enw. Felly, er ein bod yn teimlo fod Duw wedi cefnu arnom ni o bryd i’w gilydd, dydy Duw heb gefnu arnom ni go iawn. Fodd bynnag, nid yw'r teimlad i fod i gael ei anwybyddu. Mae'r teimlad hwnnw o gefnu yn gyfle i ni gael profiad o'i bresenoldeb a'i sofraniaeth dros ein bywydau mewn ffyrdd nad ydyn ni wedi arfer â nhw.

Fel rhieni newydd, dŷn ni wedi dysgu, er ein bod yn caru ein merch yn fwy nag yr ydym yn ein caru ein hunain, bydd adegau pan na fydd hi’n teimlo ei bod yn cael ei charu gennym ni ar sail ei barn gyfyngedig a'i deall o fywyd. Dydy hynny ddim yn newid y ffaith ein bod yn caru ein merch yn angerddol fwy na dŷn ni’n caru ein hunain. Yn yr un modd, mae gan ein Tad Nefol gynlluniau ar ein cyfer, ond fydd y cynlluniau hynny ddim bob amser yn gwneud i ni “deimlo” fel bod Duw’n ein caru.

Mae hynny, yn ei dro, yn dod â ni at y cwestiwn, Pam dŷn ni'n seilio ansawdd tadolaeth Duw ar yr hyn dŷn ni'n ei weld yn ei wneud i ni neu i eraill? Meddylia am y peth am eiliad.

Mae'n ymddangos ein bod yn anghofio nad yw Duw wedi'i gyfyngu i'r byd corfforol hwn, ac nid yw wedi'i gyfyngu gan gnawd ychwaith. Dim ond un meistr sydd gan amser hyd yn oed a Jehofa yw ei enw, sef eich Tad Nefol.

Cofia, hyd yn oed os nad ti yw'r person y maen nhw wedi'i ddewis ar gyfer y swydd, nid y person y maen nhw wedi'i ddewis ar gyfer y rôl neu'r dyrchafiad, neu nid y person maen nhw'n dewis bod gydag ef ac am briodi, ti yw dewis Duw o hyd. Ni allwn ei gymryd allan ar Dduw, oherwydd o’i ran e, wnaeth e ein caru a’n dewis ni.

Wnaeth, Jesse, tad Dafydd mo’i ddewis e pan ddaeth Samuel i’w gartref i eneinio un o’i feibion yn frenin. Wnaeth Dafydd ddim hyd yn oed ystyried Dafydd! Roedd bron fel petai Duw yn caniatáu i Jesse ddangos pwy fyddai'n ei ddewis yn frenin allan o'i blant. Yna camodd Duw i mewn a phrofi mai'r un yr oedd wedi anghofio amdano oedd yr un yr oedd wedi'i ddewis.